الدكتور صدمهم قال ليهم والله ما عارف أقول ليكم شنو بس لااازم تعرفو 😔 نطت ماما قالت ليهو أحكي الحقيقه شجن عندها شنو 😳 قال ليها شجن شجن للأسف شجن حامل 😔 طبعا أمي وعمر بصوت واحد قالو ليهو شنووووو 😱 عمر قال للدكتور أكيد انت غلطان الدكتور قال ليهو والله بتمنى كنت اكون غلطان بس دي الحقيقه 😔 عمر خت يدو في راسو وماما من الصدمه جاها هبوط ركبو ليها جلكوز بعد انا اتعالجت خرجوني البيت وطبعا مافي زول فيهم قادر يواجهني بـ غلطتي 😔 وماما قالت لـ عمر هسي اواجهه صلاح كيف واقول ليهو شنو 😭 ؟؟ عمر قال ليها ما تحكي ليهو الأ بعد يصل البيت واصلا المساء ح أمشي إستقبلو في المطار ✋ وفعلا المساء بابا وصل وعرف الحقيقه ودار النقاش بين ماما وبابا " بابا قال ليها ده كلو بسببك ودي آخر تربيتك ليها لو كنتي مراقباها ماشه وين ولأ جات من وين ولأ قاعده مع منو ما كان ده حصل 😠 ماما قالت ليهو بس دي ما غلطتي براي حتي انت مشترك فيها ما حصل شجن طلعت من غير ما تستأذن منك وكل القروش البتطلبها انت بتوفرها ليها ولو انا منعتها تطلع انت كنت بتكسر كلمتي وبتسمح ليها 😏 ومديها حريتها حتي لم اجي اتكلم معاها واشاكلها انت كنت بتثبتني منها 😒 نط عمر قال ليهم يا جماعه أهدو عشان نفكر في حل وبعدين النقاش ده ما وقتو ✋ بابا قال ليهو فعلا ده ما وقتو وحسابي مع شجن بعدين بعد حالتها تتحسن عشان اعرف منها اسم الزفت ده منو العمل فيها كده 😠 نط عمر قال ليهو وعايز تعرفو لشنو ؟؟ ولأ عشان تعرسهم لبعض 😔 بابا قال ليهو استحاله !!! واحد عمل فيها كده ما بطمن لـ بنتي معاهو بس عايز اعرف ده منو عشان يبقى اخر يوم في حياتو وح اصبر لحدي ما نتخلص من المصيبه الـ في بطنها دي حتى نفضى ليهو ✋ نطت ماما بخلعه قالت ليهو تتخلص منو كيف يعني قصدك شجن تنزلو لااا استحاااله 😳 قال ليها مافي حاجه إسمها مستحيل بكره ح احضر إجراءات السفر للقاهره تسافر تتخلص منو هناك 😓 ماما قالت ليهو بس كده حرام 😢 قال ليها والعملتو بنتك ده حلال ولأ عايزه نحجز ليها هنا في افخم مستشفى وبعد توضع الناس تجي تبارك ليها وبعد يكبر يقولو ده الطفل المولود بالحرام عايزه كده صح 😠 !! قالت ليهو لا بس ممن نسفر شجن اي دوله تقعد فيها لحدي ما توضع بالسلامه وبعدها نتبرع بـ الطفل لأسره ونتكفل بمصاريفو 😔 قال ليها لا انتي اكيييييد جنيتي ولو الأسره بعد زمن رجعو لينا وقالو ما عايزنو اهااا ح نتصرف كيف 😠 ؟؟ طبعا بتكلمو بأعلي صوت 😓 نط عمر قال ليهو يا عمي خالتي ساميه كلامها صاح حرام تنزلو بس انا عندي حل لو تسمحو لي اتدخل في مشاكلكم الأسريه ✋ نط بابا قال ليهو انت ما غريب قول الحل شنو 😓 ؟؟ عمر قال ليهم لو ما عندكم مانع مستعد أعقد انا علي شجن وأنسب الطفل لإسمي ✋ طبعا ماما وبابا اتخلعو وفضلو ساكتين 😳 عمر قال ليهم واطمنو والله ويشهد الله ما في زول ح يعرف انو الولد ده ما ولدي وح اسجلو بإسمي وقسما بالله حتى امي وسحر اختي ما ح يعرفو مافي زول ح يعرف غيرنا نحن ✋ نط بابا قال ليهو كتر خيرك با ولدي بس انت ما مجبور تتدفع تمن غلطتنا 😔 قال ليهو والله يا عمي انا ما بلقى مرا احسن من شجن الأ إذا إنتو عندكم رأي فيني 😢 وبخصوص الطفل ما بهمني أبوهو منو ؟؟ يكفي اني عارف أمو شجن ✋ ومن اللحظه دي ح اعتبر نفسي انا ابوهو ومسؤول عنو وما تنسو شجن دي عرضي وبخاف عليها ✋ ولو عندي مكانه عزيزه عندك وافق طبعا ماما ساكته بس ما مصدقه انو المشكله اتحلت بالرغم من انها ما بتحب عمر 😓 بابا قال ليهو ارجع فكر للمره التانيه عندك شهر كامل فكر فيهو 😓 عمر قال ليهو ده قراري النهائي ✋ وفعلا بابا وافق عمر قال ليهو علي بركة الله وانا بعد يومين ح اكلم امي وسحر اني اتقدمت لـ شجن وانتو وافقتو ويتعمل العرس بأقصى سرعه 😊 وطبعا انا سامعه كلامهم كلو بس ما كان هاميني لأني كنت متأكده انو رامي بعد يعرف الحمل ح يتقدم لأهلي يتزوجني ونعيش مع طفلنا في قمة السعاده 😍 بس إتصدمت في بابا وكنت متوقعه إنو اول ما يجي راجع من السفر ياخدني في حضنو يواسيني ويطبطب علي 😢 بس للأسف بعد الحصل رفض يقابلني وبصراحه انا كنت بميل لـ بابا اكتر من ماما بس بسبب غلطتي دي بابا بعد مني وكنت فاقده عطفو 😔 وحوالي الساعه 2 صباحا سمعت باب الغرفه اتفتح عملت روحي نايمه سمعت صوت بابا قال ليييه يا شجن تعملي كده انا قصرت منك في شنو كنتي بتطلبي الحاجه وقبل ما تتمي كلامك بتلقيها قدامك ده جزائي اني عاملتك كـ بنتي الكبيره الواعيه تقومي توطي راسي بالطريقه دي 😔✋ طبعا كلامو نزل سكاكين في قلبي ودموعي نزلت تحت البطانيه 😭 وتاني يوم من الصباح اتصلت على رامي رد لي حبيبتي القمر إشتقتي لي 😍 قلت ليهو رامي لااازم نتقابل عندي ليك خبر مهم وح يفرحك 😊 قال لي احكي قلت ليهو لم اقابلك ح تعرف واتفقنا علي المكان وقفلت الخط بعدها سمعت باب الغرفه فتح غمضت عيوني وعملت روحي نايمه ماما جات باستني في خدي 😘 و وصت شيراز تهتم بي وانها ح تصل الشغل 5 دقايق وح تجي راجعه 😓 وكذلك بابا قال لـ شيراز وأنجلينا شجن ما تطلع برا البيت ده ولو طلعت اتصلو علي ✋ وبعد ماما وبابا طلعو انا انتهزت الفرصه وكلمت شيراز اني لازم اطلع عشان أحل مشكلتي و وعدتها اني أجي راجعه قبل ماما 😓 بس شيراز اشترطت انو تمشي معاي ولأ ح تتصل علي بابا تكلمو وما كان عندي خيار غير أوافق انها تمشي معاي وطلعنا من غير ما أنجلينا تشوفنا 😓 وفعلا لاقيت رامي وركبت معاهو في العربيه وشيراز كانت واقفه بعييييد قلت ليهو رامي نحن لازم نعرس بسرعه 😓 قال لي مستعجله ليييه ؟؟ خلينا اول نكَوِن نفسنا قلت ليهو موافقه اعيش معاك بأي وضع بس لازم نعرس هسي 😔 قال لي مالك مستعجله العرس ملحوق هسي خلينا نستمتع بـ عزوبيتنا 😍 قاطعت كلامو وقلت ليهو بـ إنفعال رامي افهم انا حامل ولازم العرس يتم بسرعه 😠 اتخلع قال لي شنوووو اكييييد انتي بتهظري 😱 قلت ليهو والله انا جاده والله انا حامل 😔 قال لي بكل برود شوفي اي طريقه تتخلصي منو ✋ قلت ليهو كيف تقول لي أنزلو وده طفلك 😢 قعد يضحك وقال لي بإستهتار طفل منو ؟؟ اوعك ترمي مصايبك فيني والضمني شنو انو طفلي 😒 امشي حلي مشكلتك بعيد مني ما ترمي بلاك علي ✋ قلت ليهو عايز ضمان أكتر من اليوم الـ قضيناهو في شقتك 😓 قال لي والضمني شنو انو بعدها ما مشيتي مع زول غيري ياااخ إنتي السواق بتقعدي معاهو قدام 😒 طبعا بعدها حسيت بالدنيا لفت بي والمكان ضلم وطاااااااخ ضربتو كف 👋🏻 قلت ليهو كيف تقول لي كده اول السواق ده ود عمي وكيف تفكر فيني بالطريقه دي 😡 قال لي ههههه وإنتي كذبتي في ولد عمك ما عايزه تكذبي فيني وبعدين عايزه تعملي لي فيها شريفه طيب لم مشيتي معاي الشقه كنت عاقد عليك ولأ بتربطني بيك علاقه وقعدتي معاي بكامل رضاك صح ولأ أنا غلطان ✋ ويلا انزلي من عربيتي وحلي مشكلتك براك وتنسيني خاااالص بلا قلة ادب معاك 😠 رفضت انزل من العربيه قلت ليهو الأ تعترف بالطفل نزل وجا فتح الباب ونزلني بالقوه قال لي امشي شوفي ابو الطفل منو واتبلي عليهو 😒 ودور عربيتو واتحرك وخلاني مرميه أبكي شيراز جاتني جاريه محصلاني قلت ليها شيراز أنا خلاص إتفضحت 😭 وبدل تهديني شغاله تبكي معاي وفتحت التلفون إتصلت علي عمر اصلا شيراز كل ما تقع في مشكله بتستنجد بـ عمر 😏 وبدل توقف امجاد عشان نرجع البيت إتصلت على عمر و وصفت ليهو المكان وعمر في دقائق وصل وانا شغاله أبكي ركبني العربيه قال لـ شيراز شجن مالها والـ جابكم هنا شنو 😳 قالت ليهو شجن جات قابلت ولد عشان تحل المشكله و ما عارفه الحصل شنو بس شايفه الولد نزلها من عربيتو ومن لحظتها وهي بتبكي وبتقول إتفضحت 😭 عمر قال ليها الولد عربيتو نوعها سنتافي ؟؟ قالت ليهو لا عربيتو GXR قال ليها اذا ده ما الولد الـ أنا بعرفو بس اااخ لو أعرفو ده منو 😓✋ طبعا عمر قاصد رامي و وصف ليها عربيتو ايام الجامعه بس للأسف عمر ما عارف انو صح ده رامي زاتو بس بدل العربيه 😔 وصلنا البيت وأول ما دخلنا لقيت انجلينا في وشي قالت لي انت كنت وين ؟؟ انت بابا قال ما يتلع بس انت تلعت 😒 نط عمر قال ليها شجن كانت معاي انا بس بابا ما يعرف تمام واعملي ليها عصير ليمون " طلعوني الغرفه عمر قال لي شجن أهدي وكل حاجه ح تتصلح ✋ قلت ليهو مافي حاجه ح تتصلح انا خلاص إتفضحت 😭 قال لي اوعدك ما ح تتفضحي قلت ليهو كلكم زي بعض وبتقولو كده وفي الأخر بيطلع كلام كلكم كذابين 😭 عمر طلع وأنا ما فقدت الامل قلت إحتمال رامي إتصرف كده عشان مصدوم بالخبر وكنت متأكده إنو ما ح يخلف بالوعود الـ وعدني بيها 😔 اتصلت عليهو دخل جرسين وقطع الاتصال رجعت اتصلت تاني لقيتو مقفول 😭 وعمر اول ما وصل الشركه دخل لـ بابا في المكتب وبدون مقدمات قال ليهو عمي انا الجمعه الجايه عايز أعقد علي شجن 😊 طبعا بابا إتخلع قال ليهو كيف يعني الجمعه الجايه ونحن ما كلمنا زول 😳 عمر قال ليهو ما مشكله خلال يومين الناس ح تعرف الخطوبه والجمعه يكون العرس والليله انا ح أكلم أهلي ✋ بابا قال ليهو خلاااص كلم اهلك ونعلن الخطوبه ولو أهلك وافقو بعد اسبوعين يتم العرس عشان الناس ما تشك إنو في حاجه عمر قال ليهو تمام إتفقنا 😊✋ وانا كل الفترة دي كنت بتصل علي رامي علي امل انو يتراجع من قرارو بس بلقى الرقم مقفول تقريبآ غير شريحتو وأصبح ما عندي حل غير أرضى بالواقع 😭 ""
#يتبــــع ⏪⏪⏪⏪
