دخلت غرفتي مصدومه جات سحر قالت لي شجن انتي زعلتي من عمر 😢 قطعت كلامها قلت ليها سحر ح أسألك سؤال وبتمنى تجاوبيني بصراحه انتو عارفين عمر بعد المغرب شغال بالعربيه وما شغال في المصنع صح 😊 ما ردت قلت ليها اصلا ظاهر عليكم عارفين لأنو ما إتفاجأتو وللأسف كنت غلطانه لم إفتكرت روحي وحده من العائله 😒 قطعت كلامي قالت لي والله انتي اختي وعمرنا ما إعتبرناك غريبه بس عمر نبهه علينا انك ما تعرفي ما عارفه السبب شنو بس أكيد عندو مبرر 😓 قلت ليها طيب عمر بيشغل المساء من زمان ولأ بعد ما عرسني قالت لي بصراحه وسكتت قلت ليها ردك وصل ✋ وفعلا العصر عمر جا راجع من الشغل وحاولت اكون طبيعيه بس عمر لاحظ قال لي بنت عمي مالك الليله ما من عوايدك ساكته 😓 قلت ليهو مافي حاجه طبعا لم يجي يكاويني بناديني بـ بنت عمي 😅 واثناء ما عمر بيصلي في المغرب شلت مفتاح العربيه دسيتو بعد إتجهز وعايز يطلع قال لي شجن مفتاح العربيه كان في التربيزه هنا شلتي 😳 قلت ليهو ده على اساس إني بعرف اسوقها قال لي لا قصدي تكوني حولتي من التربيزه لأني متأكد ختيتو هنا 😓 قلت ليهو لا ما حولتو بس الحل بسيطه الليله ما تمشي ولأ المدير ح يطردك مثلا 😊 كمان لسه مٌصِّر يكذب وقال لي اكيييد ح يطردني واصلا هسي متأخر عشان كده ح اضطر اشيل الإسبير وبعد أرجع أفتشو ✋ وانا قررت اواجهو لم البيت يكون فاضي لأنو لو اتناقشنا هسي أكيد عمتو ليلى ح تسمعنا ودي أسوء ميزه للبيت الصغير 😔 اليوم التاني العصر متواعدين نمشي بيت خالو لـ عمر بس انا اعتزرت اني مصدعه وما بقدر أمشي عمتو ليلى قالت لي خلاص نحن زاتنا ح نلغي الـمشي عشان ما تقعدي براك ✋ قلت ليها لااا لازم تمشو انا زاتي ح اطلع مع عمر يوصلني لـ شيراز اتصلت قالت عايزاني ضروري 😊 طبعا صدقو الكذبه وطلعو وانا أصلا منتظره اللحظه دي عشان أواجهه عمر ✋ وعمر شغال يكاويني قال لي بنت عمي قلت ليهو عمر عايزه أمشي معاك المصنع قعد يضحك قال لي فاكراها دي شركة ابوك 😅 قلت ليهو عمر من غير ضحك انا جاده عايزه امشي معاك 😊 قال لي الفكره الجنونيه دي جبتيها من وين وبعدين أقول للمدير شنو ؟؟ بس لو عايزه ممكن الليله ألغي شغل المصنع ونطلع مشوار ظريف 😍 قلت ليهو قصدك تلغي شغل المصنع ولأ شغل ترحال طبعا اتخلع غلبو يرد قلت ليهو سكت ليييه مسح شعرو قال لي كلمتك سحر ؟؟ قلت ليهو ما مهم عرفت من وين وبعدين اتصدمت صح ما متوقعني اعرف الحقيقه 😓 سكت مسافه وقال لي اي يا شجن صح شغال سواق بالعربيه ودي ما حاجه عيب ولأ حرام شغال بعرق جبيني ما شحدت زول ولو شغلي ده بيأثر على برستيجك ما مجبوره تعيشي معاي ✋ وحاليا القرار البتتخذي انا موافق عليهو لو حبيتي ترجعي بيتكم وطلع من الغرفه حيوان اخلاق بالمره ما عندو 😓 وانا قاعده 5 دقائق افكر أعمل شنو مع انو النقاش كان بسيط بس نرفزة عمر زادتو 😒 نزلت الشنطة وستفتها وفتحت باب الشارع وعمر كان واقف جنب الباب وبيعاين للشنطه ويعاين لي ناولتو الشنطه قال لي ده آخر قرار عندك 😒 هزيت ليهو راسي بـ إبتسامه اي 😊 ودخلت الغرفه بعد 5 دقايق عمر جا داخل ولقاني قاعده مستكينه في السرير استغرب قال لي انا منتظرك في العربيه وانتي هنا 😒 قلت ليهو ومنتظرني لـ شنو وانا اصلا ما طالعه ده بيتي والقاعدين هنا أهلي بس انت لو ما عاجباك العيشه معاي ممكن تشوف ليك مكان تاني ✋ عشان كده لميت ليك ملابسك في الشنطه قال لي يعني الشنطه دي حقتي انا 😳 قلت ليهو ااي 😌✋ مسكني من خصري وقال لي حرام عليك وقعتي قلبي ياااخ إفتكرتك بالجد راجعه بيت اهلك 😍 انتي كلمة سنفوره بتزعلك صح يلااا عشان المقلب ده تاني بدل شجوني ح أناديك بسنفوره 😅 قلت ليهو عمر لا احسن تناديني بـ بنت عمي ولا تقول لي سنفوره قال لي خلاص كلمة سنفورتي أحلى 😍 قلت ليهو بس اول مره أعرف انو علاقتنا ببعض ضعيفه كده ودايما كلمة الإنفصال في طرف لسانك 😒 قال لي يشهد الله انتي أغلى ما املك بس لو سعادتك في اننا ننفصل وده قرارك اتأكدي تماما إني ما ح إعترض طريقك 😘 قلت ليهو عمر قال لي نن عيونو لـ عمر 😍 قلت ليهو تاني ما تشتغل بعد المغرب قال لي شجن شغلي ده ما فيهو حاجه عشان تستعيري منو عشان كده مخصوص ما كلمتك 😒 قلت ليهو والله انا ما زعلانه عشان نوع الشغل انا زعلانه عشان انت كذبت علي وشغاله ألعب بزرار قميصو قلت ليهو انا عارفه بتشتغل شغل إضافي عشان توفر لي متطلباتي الزايده والله تاني ما عايزه تخصص لي أي حاجه ومن اللحظه دي ح أكُل معاكم في نفس الصحن 😢 قطع كلامي ورفع راسي بيدو وقال لي ما تتحسسي لأنو انتي ما عندك علاقه واستحملي الوضع ده بس شهرين عشان عندي دين لازم اسددو 😊 قلت ليهو دين من منو 😳 قال لي شجن أمور الشغل ما بحب اتكلم فيها ✋ قلت ليهو لم الشغل يأثر علي حياتنا ويشيل كل وقتك يبقى لي حق اتكلم قال لي طيب بس استحملي فتره شهرين وبعدها ح اشتغل الصباح في المصنع وباقي اليوم كلو معاك أهااا كده تمام 😊 هزيت ليهو راسي باسني في راسي قال لي سنفورتي انتي قلت ليهو عمر 😡 قال لي ولسه ح انتقم منك مقلب الشنطه وطبعا عمتو ليلى وسحر جو راجعين عمتو ليلى قالت لي افتكرتكم طلعتو عمر قال ليها كنت مصدع ما قدرت اشتغل 😔 وسحر شغلتها لي قالت لي قبيل إنتي قلتي مصدعه وهسي عمر معقول تصدعو الاتنين في لحظه واحده وغمزت لي 😉 قلت ليها كان تقولي كلامك ده لـ عمر 😅 وفعلا عمر واصل في روتين الشغل المسائي 😔
