قلت ليهو عمر ما تلمح بالكلام قولها عديل عايز تصل لـ شنو قصدك انا بخونك صح 😓 ح نرجع لموضوع الخيانه تاني عمر رفع يدو عايز يضربني بس ضبط نفسو 😓 قلت ليهو ليييه نزلت يدك أصلا ما أول مره تضربني عمر صّر شال تلفوني وطلع 😒 عمتو ليلى سمعت نقاشنا وقالت لي يا بتي ما ح ادخل في مشاكلكم الشخصيه بس لو احتجتي لأي حاجه انا جنبك وزي امك واي بيت فيهو مشاكل بس الواحد ينعل الشيطان ✋ قلت ليها تسلمي يا عمتو وما تشغلي بالك ده سوء تفاهم بسيط 😊 ولحدي ما نمت عمر ما جا راجع الغرفه صحيت الصباح وكل واحد فينا ساكت ما بيتكلم مع التاني وعمر صّاري وشو 😠 عمتو ليلى قالت ليهو عمر الشاي جاهز واول ما قعد انا قمت واصلا خلصت كبايتي وعمر خلص الشاي بسرعه وطلع الشغل من غير ما نتكلم مع بعض 😓 سحر قالت لي شجن انتي وعمر متشاكلين بسببي 😢 قلت ليها يا بنت انتي هبله ما عندك علاقه بالموضوع ده وما عارفه أخوك منفسن 😊 رفضت اقول ليها المشكله بسبب صوره لؤي عشان ما تتحسس 😓 قالت لي طيب امي عندها علاقه قلت ليها بطلي تخلف دي مشكله خاصه بينا انا وعمر ✋ قالت لي عشان اول مره تتشاكلو كده قلت ليها زي ما قالت امك اي بيت فيهو مشاكل 😊 وقريب لمواعيد عمر يرجع من الشغل عملت الروتين اليومي حممت أحمد واتحممت عمر وصل بس المره دي ما إشتغلت بيهو 😏 وانا قاعده في الهول بعد اتحمم قال الليله ما عندكم غدا ولأ شنو 😊 عمتو ليلى قالت ليهو جاهز دخلت مع سحر جهزنا الصينيه وقلت لـ سحر شيليها 😊 وانا رجعت الغرفه عمر جا داخل قال لي شجن قومي الغداء قلت ليهو ما عايزه 😏 قال لي امي وسحر منتظرنك مافي داعي لتصرفاتك دي 😒 قلت ليهو كلمهم ما ينتظروني لأني ما جعانه قال الله يطولك يا روح قعد في الصينيه اكل بسيط وقام 😓 وكل ما عمر يدخل الغرفه انا بطلع منها ورجع لي تلفوني في التربيزه بس ما شلتو ✋ المساء قلت ليهو عمر بكره ماشه بيتنا قال لي ما بمنعك تمشي بس أحمد ما تسوقي معاك وانتي اصلا المساء ح تجي راجعه صح 😊 وطبعا منعني اسوق أحمد عشان يضمن اني اجي راجعه بس ما رديت عليهو 😓 اليوم التاني من الصباح شلت تلفون سحر واتصلت على ماما قلت ليها لازم تجونا وعمتو ليلى منتظراكم قفلت الخط وقلت لـ عمتو ليلى ماما وشيراز جايين يتغدو معانا قالت لي حبابهم الف لو ما شالهم البيت نشيلهم في راسنا 😍 قلت ليها يسلم لينا راسك قالت لي طيب صحي عمر يجيب الحاجات من السوق قلت ليها ما مشكله بعد يصحى بيمشي 😊 وفعلا بعد صحى واتحمم امو قالت ليهو عمر بعد الشاي امشي السوق وما تتأخر قال ليها عايزين شنو قالت ليهو شجن ما كلمتك انو اهلها جايين 😍 طبعا عمر اتفاجأ جا داخل الغرفه وأنا عايزه اطلع منها قال لي قصة اهلك الجايين دي شنو 😒 ما رديت عليهو وعايزه اطلع مسك يدي قال لي لم إتكلم معاك تقيفي وتردي قلت ليهو عمر ما بتحمل اي نقاش ولو عندك مشكله انو اهلي يزوروني هنا اوك هسي ح اتصل اوقفهم ما يجو تاني في حاجه 😒 وعايزه اطلع رجعني قال لي مشكلتي ما في اهلك بس قصدي الهدف منها شنو ؟؟ وبتمنى تكون زياره عاديه وبعدين البيت بيتهم ✋ عاينت ليهو ولـ يدي نظام يفكها وفعلا فكاها وانا طلعت والضهر اهلي وصلو وعمر كان بيتونس مع شيراز وبيحاول يعرف منها اني حكيت ليهم مشكلتنا ولأ لا 😓 قال ليها شيرو اخيرا اتزكرتينا 😍 قالت ليهو والله قبل ما شجن تتصل علي ماما كنت بفكر اجيكم ✋ عمر لم عرف اني اتصلت عليهم رفع راسو عاين لي 😒 وعايز يموت ويعرف اني قلت ليهم شنو 😓 والمساء بعد ناس ماما راجعين قلت لـ ماما انتظريني امشي معاكم عشان مشتاقه لـ بابا واصلا بابا كل مره بيسألني من أحمد 😊 طبعا قلت كده قدام عمر عشان ما يمنعني امشي بس قطع كلامي وقال لي بـ إبتسامه شجن ما تمشو الليله عشان بكره السبت عطله وعايز أقضي اجازتي مع أحمد بس يوم الأحد من الصباح بوصلك لـ عمي ✋ ماما قالت لي عمر عندو حق الجمعه والسبت ده يومو الاسري 😊 وعمر فهم خطتي وفشلها 😒 نطت سحر قالت لي شجن ما تمشي الليله انتي نسيتي عرس ايناس بكره عمر قال لي صح احضري العرس بكره ويوم الاحد بوصلك 😊 وانا متغايظه من ابتسامتو المصطنعه اكتر من كلامو 😏 طبعا ايناس دي من اهل عمتو ليلى وكنا انا وسحر بنخطط للعرس من قبل شهر بس حاليا نفسي اتسدت من كل حاجه 😓 بعد ناس ماما طلعو سحر قالت لي شجن ما تنسي تتصلي علي الحنانه تحجزي قلت ليها سحور انا ما ماشه العرس قالت لي ليييه 😳 قلت ليها والله ما عندي مزاج قالت لي يخسي عليك بعد التخطيط ده كلو 😒 عمر عاين لي ودخل الغرفه قلت ليها عقبال نحضر حقك ان شاء الله وغمزت ليها وهي شغاله تتخجل هم يعرسو وانا اتطلق بسببهم 😓 و ولد خالتي ما قصر مرسل لي انضف صوره عندو كان قاااشر عمر لو زعل ما غلطان 😅 المهم اصبحنا اليوم التاني عمر قال لي دي قروش الحنه وختاها في التربيزه ما رديت عليهو طلع وجا لقاها في مكانها ما شلتها قال لي ما سمعتيني دي قروش الحنه 😒 قلت ليهو ما عايزه اتحنن عاين لي وطلع جاتني سحر في الغرفه قالت لي شجن عمر قال لي سلمك قروش الحنه عليك الله امشي اتحنني قلت ليها والله ما ماشه العرس واليوم كلو تحنس فيني قالت لي امي ح تمشي ليهم البيت وانا وانتي نمشي الصاله مع عمر 😓 قلت ليها خلاص بفكر طبعا قلت ليها كده عشان تسكت بس اصلا قررت ما أمشي عمر جا داخل قال لي انا ماشي اوصل امي بيت العرس لو ماشه تتحنني اطلعي معاي اوصلك قلت ليهو لا شكرا قال استغفر الله وطلع المساء سحر قالت لي شجن بعد ده أجهزي قلت ليها حاضر ودخلت غرفتي بنوم في احمد عمر جا داخل قال لي ما تنومي أحمد عشان يلبس قلت ليهو بس نحن ما ماشين 😊 طبعا في الاول كان فاكرني بهظر قال لي كيف يعني ما عايزه تمشي وح تقعدي براك 😒 قلت ليهو اي ولو ما عندك ثقه اني اقعد براي ممكن تنادي شيراز تحرسني ولأ اصلا خليك مطمن تلفوني عندك شيلو معاك كده بتضمن اني ما ح اتكلم مع زول ✋ قال لي بحده شجن ما تغيري الموضوع طبعا سحر زعلت مني وعمر قبل يطلع رجع لي التلفون قال لي لو حصلت اي حاجه اتصلي علي وح أقفل باب الهول بالمفتاح من برا وأنا بعاين ليهو من غير ما ارد 😒 وحركتي دي بتغيظو شديييد وفعلا طلعو وانا حضنت احمد ورقدت بعد ما اتأكدت من الباب مقفول في الطريق عمر قال لـ سحر انتي بتعرفي لؤي ود خالة شجن سحر اتفاجأت من السؤال وساكته قال ليها معالم وشك بتقول انك فعلا بتعرفي 😓 طيب بتعرفي من وين ؟؟ سحر بلعت ريقها وقالت ليهو بصوت خافض والله ما بعرفو بس شجن قالت لي انو ولد خالتها اسمو لؤي وعايز يتقدم لي وانا ما بعرفو وشوفت صورتو قال ليها شنووو صورتو ياتو صوره 😳 قالت ليهو والله ما عندي عند شجن في تتلفونها انا بس شوفتها طبعا عمر اتصدم وانا في البيت أحمد صحى وشغاله ألعب معاه على الاقل يبقى معاي حركه لأنو غالبني انوم والبيت فاضي بعد مسافه سمعت صوت بابا الهول بحاول يفتح حسيت بجسمي كلو تلج وفعلا الباب اتفتح 😢 لو أحمد كان نائم كنت مثلت اني نايمه بس ما بقدر اعمل روحي نايمه وأحمد صاحي قمت شلت أحمد حضنتو علي وعايزه اصرخ غلبني شغاله حر ر ر اااامي عمر جا داخل قال لي شجن اهدي ده انا كنت ح اوقع أحمد لانو حسيت بجسمي اتشل 😢 عمر جا شال مني احمد وناولني مويه وفضل ربع ساعه يعاين لي عشان اكسر نظرتو لي وبعد استجمعت قوتي قلت ليهو جيت راجع تتأكد اني ما بتكلم مع زول 😏 وقمت من جنبو عمر رقد أحمد وجا محصلني عايزه اطلع قفل الباب وقال لي ليييه يا شجن دايما بتستخدمي معاي اسلوب الاستفزاز في حين انو ممكن تتكلمي باسلوب احسن 😓 بعاين ليهو وما رديت قال لي شجن ردي علي ليييه لم سألتك من الصوره ما كلمتيني الحقيقه وقلتي انو الصوره دي لـ سحر تشوفها قلت ليهو ما كلمتك عشان اكتشف عدم ثقتك فيني 😓 وللاسف أثبت لي انو الرجال كلهم واحد بلعت ريقي بسبب العبره و واصلت كلامي قلت ليهو الاول وثقت فيهو شال شرفي ورماني وقلت خلاص ربنا عوضني بالتاني بس للاسف طلع هو الـ ما بثق فيني بتكلم ودموعي نازله 😭 عمر قال لي هششششش ورفع يدو عايز يمسح دموعي بعدت منو قلت ليهو متعوده اني امسحها براي ✋ عمر مسك يدي وبيدو التانيه مسحها قال لي ما اكون سندك لو ما مسحت وجعك 😘 والله ويشهد ربنا انا ما قصدي عدم ثقه وانتي بنت عمي قبل ما تكوني زوجتي يعني شرفك يهمني عشان كده استحاله افكر فيك بالطريقه دي حتي لم انتي قلتي انك بتخونيني رفعت يدي اضربك بس نعلت ابليس ما عشاني لااا عشان الصفه دي ما لايقه فيك 😓 احتمال تصرفي معاك ده من باب الغير وما بتحمل اشوف شخص غيري حولك يعني حب امتلاك عايز امتلكك براي حتي لو قلتي اناني وانا عارف انو اسلوبي غلط بس ما بقدر ما افرض سيطرتي عليك 😓 ولو علي والله اشيلك في عيوني واغمض عشان لا أشوف زول غيرك ولا انتي تطلعي برا مني طبعا بيتكلم معاي وماسك يدي ويدو التانيه بيمررها في خدي وقرب مني شديييد لدرجه اني شميت ريحتو المتعطر بيها 😍 قلت ليهو بتمتمه عو عو عمر قال لي حياتو وعشقو لـ عمر 😍 طبعا في اللحظه دي فصلت قال لي احكي عايزه شنو ؟؟ ياااخ احكي شنو في اللحظه دي اسمي نسيتو 😅 بلعت ريقي واستجمعت قوتي وقلت ليهو كل الـ عايزه انك تغير تصرفاتك 😓 قال لي بإبتسامه تصرفاتي مره واحده 😊 قلت ليهو اي بطل عصبيه قاطعني قال لي لو علي العصبيه اوك وهز راسو بطريقه ظريفه بحاول اخفف منها بس لو قصدك ابطل غيره عليك دي المستحيل وباسني في خدي 😘 قال لي اها كده صافيه لبن قلت ليهو لم اتأكدت انك غيرت طبعك قربني منو وقال لي طيب لو ما إتصالحنا وساعدتيني ح أغيرها كيف 😊 قطع تفكيري قال لي شجن ألبسي بسرعه عشان نمشي قلت ليهو بخلعه نمشي وين 😳 قال لي العرس والله انا بعد عرفت حقيقة الصوره نزلت سحر ومن باب الصاله جيت راجع ✋ قلت ليهو هسي الساعه 10 فضل ساعه والحفله تنتهي ما بحصل اني اجهز بس انت جاهز 😓 قال لي كلامك صح لحدي ما تلبسي وتقيفي في المرايه وتجهزي العرس ينتهي والعرسان يمشو شهر العسل ويجو راجعين 😅 قلت ليهو ما للدرجه دي بس بالمناسبه انت عرفت الحقيقه كيف قال لي الصباح اتصل علي لؤي وطلب مني يد سحر قطعت كلامو قلت ليهو وانت رفضت طبعا 😏 قال لي ""
#يتبــــع ⏪⏪⏪⏪
