عمر فتح الباب وجا داخل الغرفه فتحت عيوني قال لی بعتزر صحیتك قلت ليهو أصلا صاحيه بس إنت كنت وين 😢 قال لي شجن ممكن نتكلم الصباح هسي تعبان وباس ولدو في خدو ورقد اليوم التاني صحيت الصباح مع أحمد والغريبه لحدي الساعه 8 عمر ما صحى مع إنو حتى لو مؤجز بيصحى بدري 😓 وبقلبي بقول ما يكون مات لااا لاااا بيتنفس يا ربي يكون مغمى عليهو نتيجة صدمة أمس 😱 فتحت باب الغرفه وقفلتو بصوت عالي برضو ما صحى ولا إتحرك 😢 كنت بأكل في أحمد البسكويت بعد انتهيت جدعت المعلقه بكل قوتي ضربتها في رجل السرير و وقعت في السراميك وقلت بصوت عالي عيب كده يا تمبش بابا نائم نظام أحمد الجدعها 😅 وعمر برضو ما إتحرك فكرت في آخر خطه لو بعدها ما صحى ح أكلم عمتو ليلى وفعلا شلت أحمد ختيتو جنب عمر في السرير وأحمد من النوع الـ بيضرب في الراس عشان يصحي الواحد ✋ وعمر كان رافع يدو في راسو وأحمد شغال يضربو في يدو بابا بابا لم زهج قعد يبكي 😭 وآخيرا عمر نزل يدو من وشو وحضن ولدو قال ليهو تعال خلاص ما تبكي 😘 وأحمد ما صدق بدل البكا بقى يضحك قلت ليهو وآخيرا صحيت 😒 قال لي والله انا صاحي من بدري بس كل ما أفتح عيوني وإتزكر الواقع الـ حصل أمس أرجع أغمض واقول ان شاء الله يكون حلم كابوس 😢 حاولت أغير الموضوع قلت ليهو قصدك أحمد كابوس 😒 قال لي بالعكس أحمد ده البخفف علي وجعي صاح يا أحمد 😘 قلت ليهو طيب لم صاحي ما فتحت عيونك لأحمد لييه من الأول لحدي ما بكا بقلبي قلت (قطعتي قلبي عليك يااااخ ) قال لي عشان بحب اسمع منو كلمة بابا كنت مستمتع وهو بناديني قلت ليهو مشششم 😏 خلاص قوم منتظرنك بالشاي قال لي بالرغم من اني امس اعتزرت من أمي بس لسه خجلان اقابلها بعد الموقف العملتو معاها 😔 قلت ليهو امك اكيييد اتفهمت موقفك وسامحتك بـأمارة هسي منتظراك بالشاي 😊 وفعلا طلعنا وعمر اول حاجه عملها باس امو في راسها 😘 قالت ليهو نوم العوافي بس منتظرنك لحدي ما صدعنا 😓 قال ليها حقك علي واتونسنا عادي وبعد الشاي عمر قال لي شجن بدلي لـ أحمد ملابسو قلت ليهو انا هسي حممتو وغيرت ليهو وريحتو قال لي الفنيله دي ما مريحه غيريها 😊 عمتو ليلى فهمت قصدو وقالت ليهو عمر اتكلم عادي شجن ما غريبه مننا 😊 واخيرا أنا فهمت عمر عايزني اطلع من جنبهم وفعلا شلت أحمد عمتو ليلى قالت لي أقعدي يا بنتي 😊 قلت ليها لااا عادي أخدو راحتكم دخلت غرفتي وقعدت مع أحمد في نص السرير ونزلت ليهو كل الألعاب بس كنت عايزه اموت من الزعل 😒 عمر قال لـ امو والله ما عارف اواجهك كيف قطعت كلامو قالت ليهو يا ولدي انت ما غلطان لأنك ما كنت عارف الحقيقه وانا أصلا نسيت الحصل 😘 عمر قال ليها واصلا الحصل ده ما ح يأثر علينا ✋ واتلفت على سحر قال ليها سحر انا حصل قصرت في حقك قالت ليهو لااا طبعا 😔 قال ليها انتي بنت وقوة التحمل عندك ما زيي اكيد بعد عرفتي الحقيقه بكون نفسك تقابلي ابوك وتقعدي معاهو وانا ما بمنعك بس عندي شرط ✋ إنو ما يصرف عليك ولا جنيه ما تكسري ضهري وتقبلي منو يستحسن عليك 😓 واجبو معانا كان زمان ايام محتاجين ليهو بس حاليا اي دعم مادي منو بيعتبر حسنه ونحن في غنى عنها ✋ نطت سحر قالت ليهو اطمن انت اخوي وابوي وما محتاجه لزول غيرك لأنك ما قصرت في حقي 😔 قال ليها ده واجبني ناحيتك ولو إحتجتي لأي حاجه ما تترددي لأنو ده واجبي امو قالت ليهم ربنا يخليكم لبعض 😘 بعدها عمر استأذن منهم وجا داخل الغرفه واول ما فتح الباب شلت عربيه وعملت روحي بلعب في أحمد عمر قال نن عيوني 😍 ما رديت عليهو جا قعد في السرير قال لي متأكده انك بتلعِبي في أحمد ولأ بتلعَبي بيها انتي 😅 ما ناقشتو قمت من السرير مسك يدي قال لي ماشه وين ؟؟ قلت ليهو طالعه برا إحتمال عندك كلام خاص مع أحمد 😏 وقف قدامي قال لي عندي كلام خاص معاك انتي بس كلمي أحمد يطلع 😅 وبرضو انا ساكته قال لي زعلانه عشان قلت ليك أدخلي جوا قلت ليهو لااا عادي أصلا الغرباء ما بيحضرو النقاشات الأسريه 😏 باسني في خدي قال لي حبيبي بس إنتي ما غريبه 😘 طيب حصل انا خبيت عنك حاجه غير شغل ترحال حياتي افهميني والله ما قصدي انك غريبه وكنت اصلا ح أجي أحكي ليك بالحصل كلو وما غالبني كنت أفتح الموضوع جنبك بس زي ما عارفه وضع امي حساس 😢 قلت إحتمال يكون عندها كلام بخصوص موضوع أبوي وما عايزه تقولو جنبك وبرضو سألت سحر وكنت عايزها تتكلم معاي بكل اريحيه وحكى لي الحصل كلو ✋ ورفع راسي بيدو قال لي الايام دي محتاج ليك تكوني معاي مش تزعلي مني وباسني في خدي قلت ليهو اكييييد معاك 😘 جراني عليهو وقال لي الجدع المعلقه أحمد صح 😉 والقفل الباب برضو أحمد " كشفني 😂
بعد يومين إتصلت شيراز قالت لي تعالي ضروري 😓 استأذنت من عمر وفعلا الصباح وصلني عندها وأثناء ما بندردش تلفون شيراز رن ردت اهليييين يا عمو اي شجن وصلت 😊 ناولتني التلفون قالت لي ده عمو قال عايزك طبعا أنا اتفاجأت 😳 مسكت التلفون بعد سلم علي قال لي ح أدخل ليك في الموضوع طوالي والله يا بنتي انتي املي الوحيد في انو أرجع أولادي 😢 وما تحرميني من حفيدي قلت ليهو طيب أعمل شنو 😔 قال لي طيب ممكن اقابلك طبعا غلبني اوافق واتخيلت منظر عمر بعد ما يعرف ويصّر لي فضلت ساكته 😓 قال لي ان شاء الله ربع ساعه والله ما بتتأخري ✋ وفعلا وافقت انو نتقابل قريب من بيتنا لانو ضمان عمر ما يشوفنا قال لي خلاص ساعه وبكون معاك 😍 بعد قفلت الخط انفعلت في شيراز قلت ليها كنت فاكراك قلتي ده عمر عشان كده مسكت منك التلفون واتكلمت بس كيف تخليني امام الأمر الواقع 😠 انتي عارفه عمر لو عرف الحصل ده ممكن يسلمني ورقتي 😓✋ قالت لي والله يا شجن عارفه انها مخاطره بالنسبه ليك بس والله عمو صالح جاني في الجامعه بكا بدموعي وإترجاني عشان يقابلك ومنظرو أثرني 😢 وفعلا بعد ساعه طلعت قابلتو في الشارع واول ما ركبت معاهو العرببه شال أحمد يسلم عليهو ودموعو نزلت 😭 وأحمد بكى منو عشان ما متعود عليهو وانا برجف من الخوف كنت متوقعه عمر يلمحني معاهو بالرغم من إني متأكده عمر في الشغل وبالجد حالة عمو صالح مؤثره شديييد 😢 قلت ليهو يا عمو بتمنى تنجز كلامك لأنو انت عارف ردة فعل عمر لو شافني معاك 😓 قال لي يا بنتي من الآخر والله صاح انا غلطان مع اولادو وجيتهم راجع ندمان عايزهم يدوني فرصه تانيه بس هم رافضين عشان كده عايزك تساعديني 😢 قلت ليهو أساعدك كيف ؟؟ قال لي اتكلمي مع عمر و وضحي ليهو إني اعترفت بغلطتي وممكن تقنعي ابوك برضو يأثر عليهو ✋ وانا عايزه إختصرو بسرعه قلت ليهو ان شاء الله بحاول ✋ قال لي ومتأكد انك ما ح تخيبي ظني عايزه انزل قال لي ممكن تكتبي لي رقم تلفونك عشان اقدر اتواصل معاك 😊 وفعلا كتبت الرقم بس نبهت عليهو انو يتصل الساعه 12 مساء عشان الوقت ده أكيييد عمر بكون في الشغل 😓 ومن لحظتها وانا بفكر افتح الموضوع كيف مع عمر 😓 لحدي ما يوم عمر كان بيحضر في التلفزيون وأنا بعد نومت أحمد مشيت قعدت جنبو في الكنبه وختيت راسي في كتفو قال لي ""
#يتبــــع ⏪⏪⏪⏪
