رجعنا البيت سحر قالت لي وين الحاجلت الإشتريتيها من السوق 😊 قلت ليها كنت عايزه إشتري لـ أحمد بس ما لقيت حاجه عجبتني وقلت أحسن يشتري ليهو عمر قالت لي بالعكس إنتي ذوقك حلو 😍 قلت ليها تسلمي 😘 وعدت الأيام وقبل العرس بيومين عملنا لـ سحر حفلة حنه وجهزتها في بيتنا 😍 وإتصلت علي عمر يجي يسوقها وفعلا عمر وصل وجا داخل غرفتي وانا كنت واقفه في المرايا بعمل فل ميك اب قال لي شيراز وين قلت ليهو في غرفة سحر بس إنتظرني 5 دقايق ✋ عمر قعد في السرير وشغال يتفرج فيني قال لي شجن كده كفايه ناسيه انك متزوجه وعندك ولد 😊 قلت ليهو يعني عشان متزوجه إتبهدل 😏 قال لي ما كده بس ما لدرجة انك تلفتي الانظار 😊 قلت ليهو اصلا بلفت الانظار حتي من غير ميكياج جا ضماني عليهو وقال لي عشان كده ح امنعك تمشي الحفله وده من حقي صح 😊 قلت ليهو ما بستغرب إنك تعملها 😅 بس والله بعد تعبت كده ح أمثل ليك مجنونه أقتلك وأطلع الحفله 😌 بعد لبست التوب احمد بكى عايزني اشيلو عمر قال لي شجن ما سامعه قلت ليهو سامعه بس الليله ما يومكم خااالص والتوب ما بيتحمل اني اشيل احمد بيتزحلق 😓 عمر شال ولدو وقرب مني وانا واقفه في المرايه بصلح في التوب قال ليهو امك الليله باعتنا ونستنا لم نشوف آخرتها شنو 😒 وفعلا مشينا الحفله والفنانه مهججه عمر جا يبشر لأختو والفنانه تغني يسلم لي عمر وعمر تمام ومافي كلام وشغالين نرفع يدينا فوق مع الهجيج عمر اتهور طلع قروش فئة 50 نقطها للفنانه وانا مغيوووظه بقلبي قلت حسابك معاي بعدين نحن القروش دي بنلقاها واقعه 😒 والفنانه الأغنيه كلها قلبتها بإسم عمر وشغاله تقول شجن تمام ومافي كلام وانا أرفع يدي فوووق وقالت مرت عمر ربنا يحفظها من العين والكلام الشين وانا بس شغاله أقول ااااو وارفع في يدي تبع الهجيج وبقلبي قلت ليها يسمك مني قروش 😅 وبعد الحفله إنتهت ودخلت الغرفه قلت لـ عمر ما شاء الله قروشك كتيره لدرجة توزعها للفنانه قعد يضحك قال لي إتغزلت فيني وقلت لازم أعبرها 😍 قلت ليهو طيب انا يومي بتغزل فيك جنيه ما أديتني ليهو 😏 قال لي قصدك مُقصر في حقك من الناحيه الماديه لقيت النقاش ح ياخد منعطف تاني هزيت ليهو راسي لااااا 😓 وبصراحه عمر سلمنا قروش كافيه عشان نتجهز بيها للعرس قال لي وانا رميت فيها القروش بعد لقيت الأغنيه عجبتكم ومنشرحين فيها وما تنسي إنتي من أهل العريس ولأ عشان تقولي أخو العروس جبار 😅
وجا اليوم المنتظر ( العرس ) 😍 كنت شايله جردل فيهو مويه ماما قالت لي شجن ما تشيلي وقبل ما تتم كلامها لمحت عمر وقالت ليهو ناولني الجردل من شجن 😊 بعدها شيراز قالت لي شجن عايزين شنطة سحر وعمر أصلآ في الغرفه كلمي يجيبها وهو الـ ح يوصلني 😊 وفعلا دخلت الغرفه كلمتو بس رفض قال لي ما ح أشيلها وسط النسوان ما ناقشتو شلت الشنطه و شيراز من نص الحوش قالت لي شجن الشنطه تقيله خليها ح أجي أشيلها انا وعمر كان طالع وراي سمع شيراز وجا شالها مني قلت لـ شيراز إنتي وماما ما فضل الأ اجيب ليكم مكبرات صوت عشان تفضحوني إني حامل وتحرقو مفاجأتي لـ عمر 😏 قالت لي إطمني عمر ما فهمنا وبعدين انتي الدكتوره منعتك تشيلي حاجه تقيله صح طيب أسمعي الكلام 😒 وعدت الساعات وبعد العقد دخلت الغرفه اجهز ملابس احمد حقت الصاله لقيت عمر قاعد ومنزل راسو قلت ليهو أُووووو اخو العروس مبروووك لـ سحر عقبال نفرح بـ أحمد 😍 ما رد علي استغربت رفعت راسو بيدي لقيتو يبكي قلت ليهو اكيييد دي دموع الفرح صح مسحتها بس لسه دموعو جاريه وهو ساكت قلت ليهو عمر في شنو 😳 بعد تعب رد قال لي بالرغم من اني كنت بحب ابوي شدييييد واتحول كلو لـ كراهيه وعداوه بس اتمنيتو يكون معانا ويحضر اللحظه دي 😔 طبعا كلامو أثرني بس اتحكمت في دموعي عشان عمر ما يتأثر زياده 😢 قلت ليهو كلنا حولك وبابا معاك قال لي بالجد عمي ما قصر معاي وكان لينا اب وعم قلت ليهو ده واجبو ناحيتكم ✋ واطلع للضيوف ما ظريفه تختفي منهم وما تنسى اخوك صلاح برضو واقف معاك وجا مخصوص من السعوديه للعرس ✋ قال لي كلامك صح ومسح دموعو وطلع 😓 انا جهزت شنطتي واستأذنت من عمتي ليلى اني طالعه وانا في باب الشارع عمر قال لي على وين ؟؟ قلت ليهو ماشه بيتنا ح أجهز من هناك 😊 قال لي ليييه ما تلبسي هنا ✋ قلت ليهو هنا ما شاء الله البيت مليان وصحبات سحر أصّرو علي امكيجهم وح يجو عند شيراز قال لي طيب انتظري اجيب العربيه وبعد وصلني عايزه انزل قال لي شجن بعدين اجهزو بسرعه ما تتأخرو ح اجي أوصلكم الصاله 😊 قلت ليهو وبرضو 7 ونص لو ما جهزت ح تفوتني صح طبعا دي ايام الجامعه كان بقول لي كده 😅 قعد يضحك قال لي الوضع اختلف تاني ما بقدر افوتك بس كانت ايام والله 😍 عايزه انزل قال لي دقيقه أودع أحمد باسو في خدو وبسرعه طبع لي بوسه في خدي 😘 العصر البنات وصلو وكانو مصّرين أني أمكيجهم بعد شافو مكياجي لـ سحر يوم الحنه 😓 ولااازم المغرب يخلصو عشان يحصلو سحر في الكوفير لانو كانو شباين 😍 وفعلا بديت امكيج فيهم بعد المغرب اتصل عمر قال لي متحرك عليك قلت ليهو عمر انا لسه ما انتهيت 😔 بس تعال احمد جاهز قال لي انا في الطريق وبديت اجهز في احمد وكل مره تجي وحده تقول لي شجن اعملي لي كده وبقيت شغاله هنا وهنا وهنا وراسي ملخبط شديييد 😓 جات انجلينا قالت لي سدان اومر منتزرك في الساله شلت احمد ولسه ما لبستو الجزمه شلتها في يدي وطلعت وحالتي بـ البلا عمر من شافني قال لي كالعاده يا شجن ما جاهزه معقوله بس 😒 وطبعا بيتكلم معاي وصّاري وشو قلت ليهو عمر وطي صوتك البنات ما يسمعوك طيب انا اعمل شنو وسته بنات المفروض أجهزهم 😢 قال لي المهم تجهزي انتي حتي تشتغلي ليهم والـ ما لِحقت ما شرطي ✋ قلت ليهو بس البنات اهم مني عشان شباين والمفروض هسي يكونو مع سحر انت وصل معاك جزو والباقين بكلم ماما توصلهم قال لي كمان عايزاني اوصلهم 😠 قلت ليهو عشان خاطر سحر وشيل معاك احمد قال لي ح اوصلهم ونص ساعه تكوني خلصتي ح اجيك راجع ✋ قلت ليهو حرام عليك نص ساعه شعري ما بكون خلصتو ما تجي راجع انا بكلم بابا ينتظرني شال مني احمد وزعلان قلت ليهو نسيت انتظر دقيقه لبستو الكرفته ربطها ليهو والبنات طلعو معاهو واخيرا المكان بقى هادئ 😍 وبدأت اجهز فتحت التلفون رسلت لـ عمر رساله ( بليييييز عشان خاطري فك التكشيره بس الليله بلييييز 😘 ) رسل لي ابييييت 😡😡😡😡 ما بفكها الأ اشوفك قدامي وفعلا جهزت والساعه 8 طلعت من البيت 😭 وصلت الصاله اول ما نزلت من العربيه لمحت عمر ومن شوفتو صّريت وشي 😒 قال لي تقولي لي ما تصّر وشك وانتي صّاره عامله حلاوتك دي 😍 قلت ليهو وين الكرفته 😒 قال لي خنقتني طلعتها لويت خشمي ودخلت الصاله عمر جا قال لي اتصلت سحر وقالت لو ما حصلناها هسي في الاستديو ما ح تتصور 😓 قلت ليهو سحر غبيه الزمن اتأخر قال لي عشان كده استعجلي وفعلا طلعنا وبعد ركبت العربيه عمر مد لي الكرفيته قال لي ح تلبسيني ليها ولأ اتصور كده 😊 مسكتها منو قرب مني شديييد واثناء ما بربط فيها قال لي الله علي الريحه 😍 قلت ليهو عمر احترم نفسك نحن في الشارع والقزاز ما مظلل نسيت كلامك الزمان 😏 ويجو يرفعونا ناس النظام العام باسني في خدي قال لي اولا لو ما متأكد الشارع فاضي ما كان خليتك تلبسيني الكرفيته 😘 وبعدين لو قبضونا أحمد ده بيطلعنا لو ما صدقونا القسيمه بتطلعنا صح 😊 وطول الطريق بتغزل فيني لحدي ما وصلنا الاستديو بعد العرسان اتصورو ونحن طالعين المصور لفتني يا مدام لو سمحتي قلت ليهو نعم 😳 قال لي ده طفلك والمعاك ده زوجك اتخلعت من السؤال قلت ليهو بدهشه اي في شنو 😓 قال لي مافي حاجه بس حبيت اديكم صوره انتي وزوجك هديه وانا بصراحه الفكره عجبتني شدييييد قلت ليهو اوك بس دقيقه ✋ كلمت عمر بس عمر رفض 😔 ركبت العربيه في بنتين من الشباين عايزين يركبو معانا عمر قال ليهم بعتزر والله بس نحن أول عندنا مشوار طبعا انا اتخلعت 😳 بعد العربات اتحركت قلت ليهو ليييه تكذب عليهم 😒 ومن غير ما يرد علي نزل من العربيه مسك مني احمد وقال لي انزلي قلت ليهو نمشي وين 😏 قال لي بس تعالي وفعلا رجعنا الاستديو المصور كان بصور في عرسان قلت لـ عمر نرجع وانا لغيت الفكره انت أصلا ما عايز تتصور وأنا ما بجبرك بس ما رد علي 😓 المصور قال لينا اتفضلو عمر قال ليهو عايز كم لقطه اسريه وبـ شرط ادفع حقها 😊 قال ليهو جدا وفعلا الصوره الاولى انا قاعده شايله أحمد وعمر واقف وراي بس يدو حولي وراسو في كتفي يعني قاعدين بالتدريج الصوره التانيه واقفين وانا شايله أحمد وعمر لافي يدو الاتنين حول خصري وبنبوس في احمد عمر قال ليهو كده كفايه ✋ المصور قال ليهو اخر وحده اقعدو في الارض بقلبي قلت الحيوان ده ارض شنو البقعد فيها بـ توبي ده 😒 لابسه بعد تعب عشان اجي اقعد بيهو في الأرض 😏 بس فرش لينا فرشه وعمل إيدنا انا وعمر في شكل قلب كبير وقعد أحمد في نص القلب وقال لينا عاينو لبعض والافكار دي كلها كانت تبع المصور وبصراحه ما اتوقعت عمر يتصور معاي كده 😍 بعد خلاص طالعين عمر قال للمصور زي ما اتفقنا الصور دي ما تسلمها لزول الأ اجيك انا شخصيا يعني ما يستلموها مع صور العرسان ✋ المصور قال ليهو تمام بعد ركبنا العربيه قلت ليهو عمر ميرسي علي الصور والله فعلا كان نفسي اتصور زي اي بنت بالزفاف بس ربنا حرمني اني اتصور بيهو احتمال عشان اتصور مع احمد " عمر قال لي حوووبي انا ده أقل واجب 😘 وصلنا الصاله والحفله إنتهت في الإغنيه الأخيره شيراز قالت لي إتأخرتو كده وين 😒 قلت ليها لستك العربيه نزل إضطرينا نقيف لحدي ما عمر يبدلو 😊 مسكينه صدقتني وعملو الجرتق بفنانه مسكت أحمد لـ ماما لازم أعوض الحفله خالتو سميه ( ام العريس) قالت لي بزعل يعني نسابتك عزيزين عليك أكتر مننا ما نشوفك الأ في الصاله 😒 قلت ليها والله يا خالتو إنتي عارفه معزتكم عندي ولؤي ده أخوي بس ناس عمي ما عندهم غيري زي ما عارفه سحر بنت وحيده طبعا العزر ما عجبها قالت لي مشششم ولوت خشمها 😏 إضطريت أبوسها في راسها قلت ليها حقك علي 😘 وبعد الجرتق انتهى وسحر خلاص ماشه مع راجلها عمر جا سلم عليها في راسها وانسحب طلع بسرعه وسحر بدت تبكي 😭 شلت منديل مسحت دموعها قلت ليها يا بنت انتي هبله ابكي كده عشان لؤي ياكلك انتي واخوك يقول ليك دافع ملايين للمكياج عشان تخربي لي بالدموع وبعدين لو عايزه عمر ممكن تبدليني عادي انتي تقعدي مع اخوك الصّاري وشو ده وانا امشي مع لؤي 😌 قعدت تضحك راجلها قال لي قلت ليها شنو ؟؟ قلت ليهو ده سر بينا سحر قالت لي شجن ما اوصيك علي عمر وامي قلت ليها امك في حباب عيوني بس عمر ده اعفيني منو لانو حاسه اني ح اقتلو قريب يلا امشي وانتي مطمنه 😘 بعد رجعنا البيت اتحممت و واقفه برطب في جسمي عمر جا ضماني قال لي ح اهااا خلاص افك الكرفيته دي ولأ انوم بيها 😅 قلت ليهو نوم بيها علي الأقل تتخنق بيها ونرتاح من صّرتك دي 😒 وعدت الأيام ولؤي عمل إجراءات سفر سحر ح تسافر معاهو طوالي ويوم الخميس عمر قال عازمهم غدا ""
#يتبــــع ⏪⏪⏪⏪
