قعدنا في الصاله نتونس جا داخل اخو العروس ومعاهو رامي 😱 والاتنين اتصطدمنا ببعض بس كنت قويه وسط الناس ونسابتي معاي وطبعا انا متحننه وناقشه أحلى نقشه 😍 رامي بعد سلم عاين لـ أحمد مسااافه وانا شايله احمد وخالفه رجلي ومشبكه يدي بمسكة أحمد 😍 بعد سلم طوالي طلع ولسه الدهشه ظاهره في وشو وكان نفسي ارجع البيت عشان ما اقابلو تاني 😢 الضهر عمتو ليلى قالت مصدعه بسبب الجبنه وسحر كانت مشغوله قلت ليها خلاص امسكي أحمد وأنا بعملها ليك 😊 قالت لي ما تتعبي روحك قلت ليها ولا يهمك وفعلا مسكت أحمد وانا دخلت المطبخ اعمل الجبنه بعد انتهيت وناولتها الكبايه قلت ليها أحمد وين 😳 ؟؟ قالت لي شالو مجتبى (أخو العروس) قال أصحابو عايزين يسلمو عليهو قلت لـ سحر ح أمشي أجيب أحمد قبل ما عمر يجي ويقول انا أهملتو ويعملو موضوع 😓 ورسلت شافع ينادي مجتبى من الشارع وإضطريت أكذب وقلت ليهو عايز أحمد أبدل ليهو ملابسو 😊 قال لي ما شاء الله حلاتو دمو خفيف شايلو صاحبي برا دقيقه أجيبو ليك ✋ طلع وانا قعدت منتظره في الحوش فجأه سمعت صوت مكسور قال شجن رفعت راسي لقيتو ده رامي وكان شايل أحمد 😱 مشيت خطفتو منو قلت ليهو السمح ليك تشيلو منو 😡 ؟؟ قال لي اكيييد ما عايز اهرب بيهو شلتو اسلم عليهو ✋ قلت ليهو وتسلم عليهو بصفتك منو 😠 ؟؟ قال لي انا جايي اعتزر منك ومستعد اصلح غلطتي ونرجع نعيش مع بعض وعاين لأحمد 😔 وبكل شجاعه قلت ليهو جايي تعتزر بعد شنو وإطمن غلطتك صلحها واحد ارجل منك ✋ ومنو الـ ح يعيش معاك إحترم نفسك أنا متزوجه 😠 قال لي آسف بس يعني ده وعاين لـ احمد 😢 قلت ليهو ما تكون فاكر انو دا ولدك تبقى غلطان تتذكر لم قلت ليك انا حامل وقلت لي الضمني شنو انو حقي ؟؟ وهسي شنو الضمنك انو ده ولدك عشان تقول نعيش مع بعض 😒 ؟؟ وبعدين طفلك عشان جا بالحرام ربنا حباهو اكتر منك عشان كده اخدو عندو قبل ما يتولد 😓 بس ده وحضنت احمد علي شديد جا بالحلال وابوهو الراجل الصلح غلطتك واحسن تطلع برا قبل ما افضحك ✋ وفعلا رامي طلع وانا قعدت في الكرسي منهاره وببكي جات سحر لقتي ببكي وبرجف قالت لي شجن في شنو 😱 قلت ليها انا راجعه البيت ما عايزه اقعد هنا 😭 سحر اتصل علي عمر وكلمتو انو يجي بسرعه وطلعتي بالباب الورا من غير ما زول يحس عمر اتصل قال ليها ربع ساعه واصلكم طلعت الشارع عمر وقف العربيه وجا نازل وانا اول ما شوفتو جريت اترميت في حضنو 😭 قال لي شجن قولي بسم الله وبعدين ده الشارع اهدي 😳 ركبني العربيه وشال أحمد من سحر قال ليها في شنو شجن ليييه بتبكي 😢 قالت ليهو والله ما عارفه قال ليها خلاص إنتي ارجعي ولو سألوك من شجن حاولي اخترعي أي كذبه ✋ اتحركنا بالعربيه عمر شايل ولدو وسايق وانا ساكته وكاتمه البكا بس بتنهد 😔وصلنا البيت عمر ناولني مويه شربت قال لي شجن ح أسألك سؤال واحد وردي علي بس من غير بكا أهل أمي سمعوك اي كلمة غلطت عليك هزيت راسي لااا 😔 وانا غالبني أكلمو بالحقيقه لأني حاسه بروحي ح أنفجر لو حكيت قلت ليهو عمر انا كويسه أرجع العرس قال لي إستحاله أمشي وانتي بالحاله دي ومن غير ما أعرف السبب شنو 😓 ؟؟ قلت ليهو بصوت مخنوق عمر وفضلت أكل في ضِفٌور يدي عمر مسك يدي وقال لي أحكي من غير ما تتوتري 😊 قلت ليهو عمر انا قابلت رامي 😢 قال لي رامي منو 😳 ؟؟ قلت ليهو الولد الـ كان معاي في الجامعه قال لي اي عرفتو والمشكله شنو لو لاقيتي 😒 ؟؟ قلت ليهو المشكله إنو ده نفس الولد .. وسكت ونزلت راسي في الأرض ورجعت لـ زكريات اليوم المشؤوم ودموعي نزلت 😭 فك يدي وتعابير وشو اتغيرت قال لي قصدك ده نفس الولد الـ 😠 هزيت راسي اي قال لي لاقيتي وين ؟؟ حكيت ليهو كل الحصل 😔 بعدها عمر ما ناقشني طلع من الغرفه اتحمم وإتجهز وجا قال لي شجن انا ماشي العقد ✋ وبالمناسبه مافي داعي تتأثري بـ مقابلة الزفت ده الأ إذا كان لسه موجود هنا وأشر بأصبعو في قلبي قال كده وطلع بس حسيت بنبره صوتو متغيره وكأنو بتهمني اني لسه بحب رامي 😢 وكلامو ده إستفزاني شديييييد 😓
