سحر قالت لي غلطة شنو الـ صلحتيها بالعرس 😳 نط عمر قال ليها قصدها حبها لي ده اكبر غلطتها ✋ " وقال ليها سحر انزلي اشتري اسكريم ليك انتي وشجن قالت ليهو استحاله انزل أنا لابسه شبشب حمام ✋ قال ليها عادي وأصلا ما بتعرفي زول هنا ح تنزلي تشتري ولأ نرجع 😠 طبعا من نبرة صوت عمر وصّرة وشو عرفتو عايز يستفرد بي قلت ليها خلاص خليك قاعده بنمشي انا وسحر ✋ قالت لي يا سلام عليك 😍 نط عمر قال لي لااا إنتي ما ح تمشي 😠 قال لـ سحر ح تنزلي ولأ اتحرك قالت ليهو طيب اديني القروش 😒 بالإستعجال ناولها الجزلان كامل واول ما نزلو عمر اتلفت قال لي رأيك شنو أجيب ليك مكبر صوت تزيعي الخبر بتمنى تعملي كنترول على لسانك وتركزي في الكلام قبل ما تتكلمي 😠 قلت ليهو ما كان قصدي 😢 عمر سكت وتاني اتلفت قال لي شجن بالجد شايفه انو ارتباطنا غلط وبعد مشكلتك اتحلت أنا خيرتك بين تعيشي معاي ولأ نتفصل وانت اخترتي انك تعيشي معاي صح ولأ لا ؟؟ قلت ليهو عمر 😢 قال لي لحظه خليني اتم كلامي بس غلطان أنا كان افهم من الأول انو انا ما مناسب ليك ✋ قلت ليهو بصوت مكسور عمر ما تقول كده والله انا ما ندمانه وفعلا وافقت عليك من غير ضغطوط والعبره خنقتني 😢 قال لي شجن خلاص اهدي البنات ح يجو هسي 😓 قلت ليهو وبالمناسبه صح انا ندمانه اني اتزوجتك عمر اتلفت علي مخلوع 😳 قلت ليهو عشان بتكاوي مرتك الحامل بالإسكريم 😏 قال لي شنوووو مرتي شنووو قلت ليهو اول مره تسمعها ولأ مكذب إني حامل 😏 قال لي لااا بس اول مره اسمعها منك 😍 قلت ليهو تاني ح تسمعها كتيير 😌 قال لي وده ما يسعدني يعني خلاص مستعده أكلم أهلي إنك حامل هزيت راسي وعمر بدأ يلعب في يدي بالدبله قال لي ودي بالنسبه ليك شنو 😊 قلت ليهو دي اهم حاجه في حياتي 😍 فتح الباب وقال لي أنزلي تعالي قدام وفعلا إتحولت قعدت قدام مد لي معلقه الاسكريم اكلتها وشلت منو الكأس كامل 😍 واندمجنا في الونسه من غزل لـ مكاواه سحر وشيراز جو راجعين شيراز قالت لي مشيت اشتري ليك الاسكريم ألقاك احتليتي مكاني 😒 قلت ليها مكانك ياتو عشان سمحت ليك تقعدي فيهو عملتي مكانك 😏 شيراز قالت لـ عمر ده شنو ؟؟ وعمر يضحك ويمسح في لحيتو قال ليها ما باليد حيله 😅 قالت ليهو كده يا عمر تبيعني وركبو ورا سحر قالت لي خليتك 5 دقايق اجي ألقى عمر عمل ليك غسيل مخ 😏 شيراز ناولت عمر الاسكريم بس انا شلتو عمر قال لي شجن ما تنسي البتاكلي فيهو ده حقي يعني عايزه تشيلي الإتنين 😒 قلت ليهو اي لأنو انا بـ 2 سحر قالت لي كيف انتي براك 2 😳 نط عمر قال ليها بس قصدها تحنكني حقي طبعا أنا اتخلعت ما قايله سحر مركزه معانا ناولت عمر الاسكريم قال لي خلاص خلي معاك وغمز لي 😉 اتحركنا وسحر تشاغل فيني قالت لي قبيل عامله زعلانه وهسي تبيعي عزة نفسك بـ إسكريم 😊 نط عمر قال ليها سحر احسن تكوني محضر خير ولأ ح انزلك هنا 😒✋ شيراز قالت ليهو كيف تديها اسكريمك قال ليها ده حكم القوي علي الضعيف 😔 ونحن ماشين وقف جنب جاد قال عايزين بيتزا بشنو وبعاين لي قلت ليهو مافي داعي 😊 قال لي عشان بكره تقولو لأمي جعانين وعمر ما أكلنا يلا خلصٌوني عايزين شنو 😊 قلت ليهو بيتزا ذمشكله وفعلا جا ناولني ليها وكانت حاره غلبني اقاومها فتحتها شلت منها قطعه 😍 شيراز قالت لي شجن طبعك ده ما بتخلي حتي بعد العرس 😓 قلت ليها اممممممم بس حلووووه وهي حاره 😍 شيراز قالت لي ناوليني ليها ح أمسكها أنا قلت ليها لا 😒 عمر قال هسي ما قلتو ما عايزين دخل إشترى تاني وحده ناولها لـ سحر قال ليها دي انتي وشيراز قالت ليهو والأولى لـ شجن براها 😒 قال ليها لااا انا معاها وكل اتنين في وحده " عمر شال قطعتين وناولني الباقي 😍 وصلنا البيت دخلت الغرفه عمر حضني من ورا قال لي اها كده صافيه لبن واتبسطي 😘 اتلفت قلت ليهو خسارة القروش دي كلها لـ شنو 😒 قال لي عشان تعرفي كل ما تكوني زعلانه مني بتخسريني كتيييير ✋ بعد نومت مع سحر وشيراز جيت نص الليل دخلت الغرفه لقيت عمر في سابع نومه ورافع يدو في راسو نزلتها ورقدت فيها صحى مخلوع قال لي شجن في شنو 😳 قلت ليهو سحر وشيراز شالو مني البطانيه وانا ما عندي 😢 قال لي يعني مشكلتك البطانيه لو اديتك ليها بترجعي الغبي عايز يحرجني وعامل ما فاهم قلت ليهو اي برجع 😏 ابتسم وقال لي صنفورتي ضماني عليهو غطاني بالبطانيه ونمنا 😌 طبعا خجلت أكلم عمتو ليلى بالحمل كلمت سحر وهي تمت الباقي 🙈 وعدت الشهور و ماما اصرت انو الولاده تتم في مستشفى الراهبات وأنا عشان عارفه وضع عمر المادي رفضت وقلت ليها ح اوضع في أي مستشفى عادي 😊 قالت لي عايزه الناس يشيلو حالي ويقولو شجن بنت ساميه ولدت في مستشفى حكومي وكان للقروش ابوك متكفل بالولاده ✋ قلت ليها استحاله اكسر عمر حتي لو وضعت في البيت قفلت مني الخط زعلانه 😔 وإتفاجأت بـ عمر حجز لي في الراهبات قلت ليهو ماما إتصلت عليك 😳؟؟ قال لي لا ولو قصدك عشان المستشفى سمعت نقاشكم في التلفون وما تقولي كنت بتسنط عليك بس صوتك كان عالي وبعدين عايز ولدي يتولد في أحسن مستشفى 😍 قلت ليهو عرفتو كيف ولد إحتمال بنت قال لي إحساسي بقول ولد طيب يا شجن نتفق من هسي لو جات بنت تسميها انتي ولو جا ولد ح أسمي علي أبوي ربنا يرحمو 😔 وأوعدك الولد التاني نسمي علي أبوك تمام ✋ قلت ليهو اوك بس ما كنت راضيه وبقلبي بقول معقول ولدي يكون إسمو صالح 😒 وعدت الـ 9 شهور وفعلا أنجبت ولد بعد كتبو لينا خروج وخلاص طالعين ماما وعمتو ليلى رجعو البيت عشان يستقبلو الضيوف عمر قال لـ شيراز وسحر جهزو شجن وأنا ح أحضر العربيه 😊 قبل يطلع قلت لـ عمر دقيقه وفعلا عمر جا سحر وشيراز طلعو برا الغرفه قلت ليهو عمر ممكن نتم اليوم ده في المستشفى ونطلع بكره قال لي بخلعه متألمه انادي ليك الدكتور 😳 قلت ليهو لا قال لي طيب ليييه نقعد ؟؟ قلت ليهو عشان عشان وببلع في ريقي قال لي شجن اتكلمي طوالي نقعد لييه بلعت ريقي وقلت ليهو عشان تعمل تحليل الـ DNA للطفل قال لي واعملو لشنو 😳 قلت ليهو وانا بتمتم عشان تتأكد انو ولدك وما يكون عندك شك انت قبل كده شكيت فيني اني بطلع من البيت بدون علمك 😔 طبعا عمر صّر وملامح وشو اتقلبت 360 درجه ما اتكلم معاي وضرب الباب بكل قوتو وطلع قال لـ سحر بحده اجهزو وتعالو طالعين العربيه 😠 سحر وشيراز جو داخلين الغرفه لقوني كئيبه قالو لي شجن في شنو قلت ليهم مافي حاجه وفعلا طلعنا سحر شايله الطفل وشيراز ماسكاني عمر نزل فتح لي الباب القدام بس انا فتحت الباب الورا ركبت 😓 سحر شايله البيبي ركبت قدام اتحركنا وكلنا ساكتين سحر وشيراز عارفين انو في اكشن حاصل بينا بس ما عارفين السبب 😓 بعد مسافه عمر زح البشكير من وش الطفل سحر قالت ليهو خليهو مغطى عشان هواء المكيف 😓 قال ليها بتخافي علي ولدي اكتر مني وبعاين لي في المرايه وانا مغطيه وشي بيدي وراقده في كتف شيراز بعد شويه نظام بيتكلم مع شيراز وسحر قال ليهم شوفتو ولدي ما خيب ظني وطلع بيشبهني 😍 وعاين لي بالمرايه عايز يسمعني الكلام بس ما اشتغلت بيهو في الآخر مد يدو بـ ورا ونزل يدي من راسي وفضل ماسكها حاولت أفكها منو بس ضاغط عليها وبعاين لي بالمرايه 😊 وصلنا البيت والناس داخله وطالعه المساء بعد البيت بقى فاضي عمر جا داخل قال لي وأخيرآ تاني ح اعمل لافته صغيره في الباب مكتوب فيها الغرفه مغلقه زي المحلات التجاريه عشان ناخد راحتنا 😅 وانا ساكته قال لي سنفورتي عامله زعلانه هسي اليزعل منو 😒 وبعدين ما ناسي غلطك من ايام الحمل كلو مسجلو وح تتحاسبي بعد نرجع بيتنا بالسلامه وموقف المستشفى ده اول واحد ابتسمت وخربت مود الزعل جا باسني في راسي قال لي دوووم يا رب ومشى لـ ولدو باسو وقال ليهو متين أسمع منك كلمة بابا 😍 والصباح قعدنا كلنا مع بعض في غرفتي نشرب الشاي عمر قال اتفقنا انا وشجن نسمي الطفل صالح نطت عمتو ليلى قالت ليهو لااا سمي علي إسم عمك صلاح نط بابا قال ليهم لااا إسم صلاح شين شوفو اسم تاني قلت ليهم هيييييي ما تلعبو لي بإسم ولدي قعدو يضحكو 😂 عمر قال خلاص ح نسمي أحمد وفعلا سمينا أحمد بس كنت محتاره في إصّرار عمتو ليلى لم رفضت إسم صالح 😓 وعدت الأيام وعمر جا يرجعنا البيت شيراز قالت ليهو عليك الله خلي لينا تمبش وسوق شجن قال ليها تمبش منو 😳 قالت ليهو أكيييد أحمد 😍 قال ليها هووووي ما تشوهي لي إسم ولدي 😒 وبعدين من يوم إتولد وانا بحسب الأيام بالساعات عشان ولدي يمشي معاي بس لو عايزه أختك خليها معاكم ✋ شيراز قالت لي واااي يا شجن ما في واحد عايزك نط عمر قال ليها بطلي فتنه كلنا عايزنها 😅 رجعنا البيت وعمتو ليلى كانت منتظرانا في الحقيقه منتظره حفيدها واول ما وصلت شالتو مني بلهفه عايزه ادخل الغرفه وعمر كان وراي قلت ليهو ليييه ما ولعت النور 😓 قال لي نسيت اول ما فتحت الباب مديت يدي هبشت حاجه ومن غير ما اشعر صرخت وعمر كان واقف وراي ضماني عليهو وقال لي اششششش حبيبي اهدي دي الستاره قلت ليهو ستارة شنو 😳 ياااخ انا ساعه قلبي يدق قال لي طيب غمضي عيونك قلت ليهو كيف يعني اغمض والغرفه مضلمه ضماني عليهو وقال لي أنا بمسكك بس انتي غمضي وفعلا غمضت بس كنت مفتحه عيني نص 😂 دخلني الغرفه وقفني في النص وفتح النور وقبل ما يقول ليك أفتحي عيونك صرخت قلت ليهو عمر دي غرفة منو قال لي وعامله روحك مغمضه 😒 طبعا اخيرا إشترى غرفة نوم فخمه وركب فيها ستاير 😍 بس بصراحه كانت عايزه بيت احلى من ده بس الحمدلله 😓 ومرت سنه واول ما عمر يجي راجع من الشغل كنت برتاح من أحمد لأنو متعلق بـ أبو شديييد 😍 يوم عمر عندو عرس بنت خالتو وخالتو اصّرت انو نجيهم من الصباح وفعلا عمر وصلنا انا وسحر وعمتي ليلى عايزه انزل من العربيه عمر قال لي شجن خلي بالك من احمد انتي عارفه انو مشاغب ما يغيب من نظرك 😊 قلت ليهو رايك شنو ترجعو معاك قعد يضحك قال لي عايزه تتخلصي منو 😅 نطت عمتو ليلى قالت ليهو اطمن سيد الناس ده في عيونا كلنا 😍 دخلنا بيت العرس وانا داخله لمحت رامي مع شلة اولاد قلت اكيييد بتخيل لأنو ما في سبب يجيبو هنا وبعد سلمنا وقعدنا في الصاله نتونس جا داخل اخو العروس ومعاهو رامي 😱 ""
#يتبــــع ⏪⏪⏪⏪
