مرت الأيام يوم صحيت نص الليل لقيت الغرفه فاضيه اتخلعت طلعت الهول لقيت عمر قاعد في الكرسي لم شافني إتخلع قال لي الطلعك من الغرفه شنو 😳 قلت ليهو لقيتك ما في السرير بس إنت قاعد هنا ليييه 😢 قال لي ما كان جاييني نوم بس هسي نعسان تعالي ورجعنا نومنا 😓 بعد يومين عمر قال لي شجن بكره اجهزي عشان ح أوصلك بيتكم قبل ما أمشي الشغل قلت ليهو يا سلااااام 😍 قال لي واعملي حسابك ح تقعدي عندهم اسبوعين قلت ليهو بخلعه لـ شنو اقصد السبب شنو 😳 ؟؟ قال لي مافي حاجه بس امك قالت مشتاقه ليك 😊 قلت ليهو غريبه وانا قبل يومين كنت معاهم 😳 قال لي يعني ما عايزه تمشي قلت ليهو لا ما كده علي الاقل ح ارتاح من نرفزتك 😌 ابتسم وطلع من الغرفه المسا كنت بلف في شعري كعكات واثناء ما بتسرح عمر كان سرحان بعاين لي صح نظراتو فيني بس تفكيرو في مكان تاني وملامح وشو ما عاجباني 😢 طرقعت ليهو اصابعي قلت ليهو اول مره تشوفني قال لي كل ما اعاين ليك بحس كأني اول مره اشوفك فيها 😘 جيت قعدت جنبو وقلت ليهو الله الله علي الكلام الحلو 😍 معقول تكون محموم وهبشت راسو جراني عليهو ورقدني في يدو قلت ليهو دللني كده لحدي ما اغير رأيي وارفض امشي ناس ماما 😂 قال لي وهو بفك في كعكات شعري شجن نفرض انو جاتك فرصه انك ترتبطي بواحد غني ح توافقي 😊 قلت ليهو يا سلااام ياااخ وصف لي مكانو وين الغني ده عشان أمشي ليهو 😍 قال لي أنا قلت نفرض وانتي طوالي فكرتي فيهو باسني في خدي وضماني عليهو يلا نومي 😘 وفعلا نمت الصباح لاحظت لـ عمر لسه بعاين لي بنظرات غريبه قلت ليهو عمر فيني حاجه غلط بتعاين لي كده 😢 جا حضني وقال لي ابدا بس عشان ح اشتاق ليك قلت ليهو خلاص ممكن تجي من الشغل غاشيني ونجي راجعين مع بعض 😍 قال لي امك عايزاك تقعدي معاها اسبوعين لو جيت اسوقك ح يقولو انا منعتك عشان كده تمي معاهم الإسبوعين ومسح خدي بيدو وقال لي يلاااا حضري حالك عشان اوصلك 😘 قلت ليهو حاضر عايزين نطلع عمر قال لي شجن شنطتك وين ماشه تقعدي من غير شنطه قلت ليهو ما محتاجه لـ شنطه اصلا غرفتي ما في زول لمسها يعني ملابسي في مكانه وأحمد برضو عندو ملابس هناك 😊 عمر مسك يدي ورجعني الغرفه قال لي شجن عايزه ترجعي لـ لبسك القديم المشخلع 😠 قلت ليهو بس ح اقعد بيهو في البيت ما ح اطلع مكان 😒 قال لي شجن اوعديني حتي بعد ما اموت ما ترجعي لتصرفاتك الأولي اتكلت في صدرو ونحن واقفين وقلت ليهو بصوت مكسور هسي الجاب سيره الموت شنو 😭 رفع راسي قال لي بس الموت علينا حق وبعدين ده كلام عابر قلت ليهو ما عايزه كلام زي ده 😒 طلعنا وصادفت عمتو ليلى قاعده في الهول قالت لي ماشه بيتكم والله ح نفقدك 😔 حضنتها قلت ليها ماتفقدي عزيز نطت سحر قالت لي عليك الله ما تقعدي اسبوعين سلمي عليهم وبكره تعالي راجعه 😢 عمر قال ليها ما تحرشي البنت علي اهلها خليها تتم الاسبوعين 😒 قلت ليها سمعتي اخوك عايز يتخلص مني 😏 نطت أمو قالت لي وهو لاقيك وين عشان يتخلص منك 😘 ودعتهم وطلعنا وطول الطريق عمر كان بيسرق النظر ويعاين لي لدرجه حسيت انو في حاجه غلط في روحي قلت ليهو والله يا عمر الليله انت ما طبيعي قال لي بالعكس طبيعي جدا 😊 وصلنا البيت ماما وبابا في الشغل وشيراز اتفاجأت بينا 😍 قلت ليها ماما ما قالت ليك شجن جايه قالت لي ما كلمتني ✋ عمر بعد دردش معاها شويه قال ماشي الشغل وكان ماسك أحمد قال لي تعالي معاي لحدي العربيه عشان تشيلي أحمد من غير ما يبكي 😊 وفعلا وصلت معاهو للباب اتلفت جراني من خصري عليهو قال لي شجوني انا خلي بالك من نفسك اوك هزيت ليهو راسي حاضر وانا متحيره في تصرفاتو 😢 باسني في خدودي وجبيني وناولني أحمد وطلع العصر ماما جات راجعه من الشغل واثناء ما بدردش معاها إكتشفت إنو عمر كذب علي وماما أصلا ما إتصلت عليهو بس ما عرفت السبب شنو 😓 وزمان لم أجي ناس ماما اليوم كلو بنتكلم مع بعض في التلفون بس المره دي ما إتصل علي ولم انا إتصل بيتجاهلني 😢 اليوم التاني طلعت مع بابا الصباح وصلني بيتي والعصر وانا قاعده في الغرفه عايزه أعمل لـ عمر مفاجأه وسحر كانت شايله أحمد في الهول سمعت صوت عمر قال ليها أحمد جا مع منو وشغال يبوس فيهو 😘 قالت ليهو جا براهو عمر جا داخل الغرفه واول ما اتقابلنا قال لي جيتي راجعه لـ شنو 😓 قلت ليهو ده إستقبال تستقبلني ليهو يعني ما عايزني أجي 😒 باسني في خدي وقال لي إنتي تنوري بس قصدي كان تتصلي علي تكلميني أرجعك 😘 قلت ليهو راجع تلفونك قال لي اهااا صح تلفوني شاشتو حرقت 😊 طبعا معاملة عمر إتغيرت خااالص ما بيهتم بي زي الأول وكل إهتمامو كان لـ أحمد يوم طلع بعد المغرب ولحدي الساعه 11 مساء ما جا وبتصل عليهو ما بيرد 😓 وانا عشان النهار تعبانه مع أحمد ما قدرت أقاوم النوم والصباح لم صحيت لقيت عمر ما جنبي قلت معقول نام برا البيت وطلعت الهول مخلوعه 😱 بس الحمدلله لقيتو بيشرب في الشاي مع عمتو بعد صبحت عليهم اتلفت علي عمر قلت ليهو أمس جيت راجع متين ما رد علي وما حبيت أكرر ليهو السؤال 😓 بعد دخلنا الغرفه قال لي إنتي سألتيني جنب أمي جيت راجع متين صح لو مهتمه كان إنتظرتيني صاحيه 😒 يعني من المره الأولى سمع سؤالي بس مارد لي عشان يحرجني هسي 😏 طيب ليييه بيتعامل معاي كده وبعد عايزه أسألو اتراجعت وقلت يكون نتيجة ضغط الشغل 😔 وكل يوم كان بيطلع وبيجي راجع المساء قلت ليهو عمر انت رجعت تشتغل بعد المغرب قال لي لااا قلت ليهو طيب بتمشي وين 😊 قال لي تحبي أكتب ليك تقرير بخطواتي ولأ أركب ليك كاميرا مراقبه في العربيه 😒 قلت ليهو بعتزر وسكت منو 😓 يوم قاعدين نتونس نطت سحر قالت لي والله ح افقدك بعد نسافر بورتسودان قلت ليها بخلعه انتو مسافرين 😳 قالت لي اااي عمر ما كلمك لانو قال لأمي عندو مأموريه لمدة شهرين في الإمارات وقال ما بيطمن يخلينا هنا برانا عشان كده انا وامي ح نسافر بورتسودان وإنتي ح تمشي بيت أبوك بس ح نشتاق ليكم والله 😔 طبعا انا بسمع فيها ومصدومه 😳 معقول عمر ما يكلمني قلت ليها مسافرين متين ؟؟ قالت لي بعد إسبوع بقلبي قلت كمان بالسرعه دي وليييه عمر ما كلمني بس أكيييد عشان خايف إني إتأثر 😔 قلت لـ عمتو ليلى ممكن تسمحي لي أسافر معاكم بورتسودان نطت سحر قالت لي أحلى فكره 😍 عمتو قالت لي طوااالي حضري شنطتك 😘 طبعا انا عايزه أطير من الفرح أول مره في حياتي اسافر داخليآ 😍 المساء عمر جا راجع من الشغل بعد دخلنا الغرفه قلت ليهو عمر انت بالجد مسافر !! رد لي بكل برود ااااي 😊 قلت ليهو ليييه ما كلمتني قال لي اتوقعتك تكوني عارفه وأبوك كلمك 😊 قلت ليهو وبابا علاقتو شنو 😒 ؟؟ قال لي لأني مسافر مع أبوك قلت ليهو طيب أقرب تكلمني انت ولأ بابا قال لي ما شرطي تعرفي من منو المهم انك عرفتي 😊 طبعا كان بيلعب مع أحمد وبيرد علي من غير ما يرفع راسو يعاين لي 😓 وانا كل مره كنت بلقى مبرر لـ تصرفاتو قلت ليهو عمر انا عايزه أسافر مع عمتو بدل أقعد في بيتنا قال لي بخلعه تسافري وين 😳 ؟؟ قلت ليهو بورتسودان قال لي لاااا قلت ليهو السبب شنو قال لي بس سفر مافي ✋ وفي الآخر واجهتو لأنو غلبني أصبر قلت ليهو عمر حصل انا غلطت عليك في حاجه 😢 قال لي لااا قلت ليهو طيب ليييه بتتصرف معاي بالطريقه دي قال لي عشان منعتك السفر عايزه تعملي موضوع 😒 قال كده وطلع من الغرفه حسيت أنو هارب من المواجهه 😔 قلت لـ عمتو ليلى كان نفسي أسافر معاكم بس عمر رفض 😢 قالت لي ح إتكلم معاهو بعد عمر جا راجع انا قمت من جنبهم بس كنت بتسنط عليهم عمتو قالت ليهو عمر انت منعت شجن تسافر معانا ؟؟ قال ليها اااي 😊 قالت ليهو السبب شنو 😒 قال ليها انتي عارفه أحمد مشاغب وهناك انا ما بكون مطمن عليهو عشان عايز مكان مقفول والسبب التاني الأيام دي بورتسودان مصيفه وشجن ما متعوده علي السخانه الشديده وما ح تقدر تقعد شهرين إحتمال تقعد اسبوعين وتقول ليكم راجعه الخرطوم والمسافه طويله وما بطمن تجي راجعه براها بس أوعدك لم أجي راجع بالسلامه أجيبها معاي بورتسودان تقعد إسبوع ونجي راجعين كلنا مع بعض تمام ✋ قالت ليهو اتفقنا بقلبي قلت من الأول غالبو يبرر لي كده 😏 يوم سفر عمتو وسحر كملت دموعي عمر أخدني في حضنو وفضل يطبطب علي قال لي كلها أيام وتعدي وفي اليوم ده حسيت انو ده عمر الـ حبيتو بالجد 😍 قلت ليهو عمر المساء انت كـالعاده ح تطلع صح وانا بخاف أقعد براي 😢 حضني عليهو قال لي ما عايزك تخافي من حاجه وانتي عندك أحمد راجل قلت ليهو أحمد عمرو كم عشان تقول عليهو راجل 😔 باسني في راسي وقال لي إطمني انا ما طالع 😘 قلت ليهو جد هز لي راسو رجعت ليهو البوسه 😘 ودي كانت أحلى ليله 😍 اليوم التاني قلت لاااازم أعمل لـ عمر مفاجأه بس للأسف هو الـ فاجأني 😱 ""
#يتبــــع ⏪⏪⏪⏪
