المساء أصّريت أضغط على عمر لحدي ما يعترف لي بالشقه قال لي طيب تعالي طلعنا الشقه قال لي أهااا رايك فيها شنو ؟؟ قلت ليهو حقت سحر صح 😍 قال لي وانا علاقتي شنو بسحر عشان اديها شقه سحر يشتري ليها راجلها ✋ وانا اعملها لـ مرتي 😘 بقلبي قلت كيف يعني لـ مرتو شكلو كده عايز يصارحني انو عمل زي ابوهو غدر بي وعرس وحده تانيه 😒 جا ضماني وقال لي ساكته ليييه ما عجبتك 😓 قلت ليهو عمر ما تلف وتدور دي لـ منو قال لي والله العظيم حقتك 😍 قلت ليهو بخلعه كيف يعني حقتي 😱 طيب والتحت ما تقول عمتو ليلى ح تقعد براها 😒 قاطعني قال لي اكيييد لااا انتي حلمك تكوني خبيرة تجميل صح هزيت راسي وانا لسه مندهشه 😳 قال لي ده حلمك اتحقق ابوك دايما كان بقول لي شجن رافضه تشتغل في الشركه وبتقولي ح تقلبيها مكان تجميل صح 😊 من غير ما اشعر حضنتو قلت ليهو عموووووري 😍 قال لي بقولو ورا كل رجل عظيم امرأه صح وانا ح اثبت العكس انو ورا كل إمرأه عظيمه رجل ✋ بوستو في خدو وقلت ليهو واحلى رجل كمان 😘 قال لي بس عندي شرط ✋ انو ده ما يأثر علي واجبك ناحيتي انا واولادك قلت ليهو اكيييييد ✋ بس ما كان في داعي تبيع العربيه عشان حلمي 😢 قال لي الـ صبر الصبرتي تستاهلي مكافئه أكتر من كده وكل حاجه بتتعوض والله ما إتوقعتك تقيفي معاي كده 😍 قلت ليهو بالمناسبه انا وقفت مع أبو أولادي ما معاك 😊 قال لي انا زاتي عملت الشقه دي لأم أولادي ما ليك 😉 بعد ده نمشي ننوم ولأ لسه عندك أسئله 😊 طبعا فاجأتو اني سميتها آرتست / شوشو عمر قال لي حبيبي بس المفروض تكتبي اسم ابوك (شوشو صلاح ) قلت ليهو المره دي انت الأولى لانو الفضل يرجع ليك ولو ما خجلت كان عايزه اكتب شجوني زي ما إنت بتقول لي 😅 يوم ونحن في الغرفه تلفون عمر رن فتح الخط الووو اهليييين اي أنا عمر إتفضل ✋ يا هلا تشرفنا وربنا يتم ليك علي خير ان شاء الله 😊 وطبعا انا منططه عيوني عايزه أعرف ده منو فجأه عمر ناولني التلفون قال لي ده محمد زميلك في الجامعه قلت ليهو بالخلعه جامعة منو 😳 مسكت التلفون الو وآخيرآ إستجمعت من الصوت قلت ليهو محمد أخبارك 😍 قال لي بخير عاش من سمع صوتك قلت ليهو الله يخليك 😊 عمر عايز يطلع من الغرفه عشان آخد راحتي في المكالمه بس مسكتو من يدو وأشرت ليهو براسي لاااا 😓 غريبه ما عارفه الذوق ده جابو من وين 😅 واصلت كلامي مع محمد قال لي ممكن إتغزل فيك عادي ولأ بجيب ليك هواء مع راجلك قلت ليهو لا إتغزل عادي لأنو الثقه تلعب دور ✋ طبعا عمر رفع راسو عاين لي 😒 محمد قال لي يا زوله إنتي لو ما خايفه علي مستقبلك انا عريس جديد ما تخربي لي سمعتي خليني محترم 😅 قلت ليهو عرست متيييين الف الف مبرووووك وليييه ما عزمتنا 😒 قال لي شجن انتي العرس جننك أنا لسه ما عرسته وهسي إتصلت أعزمك للعرس بعد إسبوعين ولااازم تجو والله تعبت عشان إتحصل علي رقم زوجك ✋ قلت ليهو ان شاء الله وطبعا العروس عبير صح 😊 قال لي ما تفتحي الدفاتر القديمه عبير دي إنتهت مع الجامعه كانت تمضية وقت بس في الآخر عرست بنت خالتي 😂 قلت ليهو والله عرس الأهل مافي زيو أسألني أنا 😍 وإتلفت علي عمر شاغلتو بـ حواجبي 😉 وعمر شغال يتبسم في آخر المكالمه محمد قال لي عايز عمر ناولت عمر التلفون سمعتو قال ان شاء الله نصلك وربنا يتمم علي الخير 😊 بعد قفل الخط قلت ليهو ده محمد كان بيدرس معاي وإتصل عزمنا لـ عرسو بس والله ما عارفه لقى رقمك من وين 😓 قال لي ده إعتبرو تبرير وما في داعي ليهو عادي ما فيها حاجه ولو ما نيتو صافيه ما بيتصل في رقمي وبالمناسبه انا زاتي معزوم قرب مني وقال لي وقلتي عرس الأهل شنو 😘 قلت ليهو عرس الأهل دقسة العمر مسكني من حنكي وقال لي عينك في عيني 😉 قلت ليهو عيوني مؤلماني ما بقدر أعاين ليك قعد يضحك قال لي تسلم عيونك من الألم 😘 وقبل يومين من عرس محمد اتصلت علي سلمى صحبتي قالت لي اهااا ح تجي العرس 😊 قلت ليها والله ما عندي طريقه قالت لي يخسييي عليك " عليك الله تعالي 😓 قلت ليها بحاول ونفسي بالجد أمشي العرس بس عمر مضغوط في الشغل بعد قفلت الخط عامله زعلانه وكنت ببدل لـ ألمى في ملابسها وعمر مرقد أحمد في صدرو وبيلعب معاهو سمع المكالمه وكان بيراقب في تصرفاتي قال لـ أحمد قول لـ ماما حضرتي لينا ملابس العرس ولأ نمشي كده ونحرجك مع صحباتك 😊 اتفاجأت قلت ليهو عمر بالجد قعد يضحك قال لي هسي ما عامله زعلانه لا طبعا بس كنت عايز اسمع صوتك لويت خشمي ورجعت صّريت وشي 😒 قال لي في ثانيه غيرتي ملامح وشك طيب جهزيهم من الفرحه جريت بوستو في خدو قال لي حصلي ألمى ح تقع طبعا من الفرحه فكيتها في السرير عمر قال لي مجنونه بسبب العرس عايزه تضيعي لي بنتي 😅 وفعلا يوم العرس اتجهزنا انا وألمى كنا مطقمين بالكوبي وعمر وأحمد مطقمين بالقميص ابيض وكرفيته كوبيه كنا طالعين تحفه 😍 بعد وصلنا الصاله وقبل ما ننزل عمر قال لي شجن ح أسالك سؤال وتجاوبيني بصراحه انتي جيتي العرس عشان تجاملي محمد ولأ عشان تغيظي صحباتك 😊 ؟؟ طبعا في اللحظه دي غلبني ارد بس دموعي نزلت عمر سحب منديل من العربيه ومسحها قال لي عايزه صحباتك يقولو شجن عرست راجل بيبكيها وبعدين واقفه ساعه تعملي ألوان في وشك عشان هسي تخربيها بالدموع 😘 قلت ليهو بصوت مكسور بس صحباتي خزلوني واتخلو عني عشان كده عايزه أثبت ليهم إنو حياتي فُل من غيرهم 😢 قال لي خلاص اششششش المعلومه وصلت ح تنزلي ولأ نرجع 😘 دخلنا الصاله عمر كان ماسك أحمد وانا شايله ألمي ونحن في نص الصاله سمعت صوت سلمى قالت شجن لم إتلفت لقيتها قاعده في تربيزه فيها صحباتي أقصد صحبات المصلحه 😓 وقفت في مكاني وأشرت ليها تجي عمر قال لي نحن الـ ح نمشي نسلم عليهم مسك يدي وفعلا وصلناهم سلمنا عليهم وكانو مندهشين ما متوقعين إني أجي العرس 😳 بعدها إتحولنا في التربيزه التانيه عمر قعد بسيط وكـالعاده هرب قال لي أخدو راحتكم وعايز يشيل أحمد بس سلمى قالت ليهو خلي معاي 😊 بعد عمر طلع سلمى قالت لي الحمدلله ربنا عوضك بـ عمر قلت ليها واحلى تعويض والله 😍 قالت لي هسي لو الزمن رجع بيك ح ترجعي علاقتك بـ رامي قلت ليها لااا طبعا لو الزمن رجع بي كنت انا الـ طلبت يد عمر للزواج 😅 والله عمر الوحيد الـ حقق لي حلمي بنتكلم كده فجأه نطت سلمى بإعلى صوت رامي يا رامي أنا إتخلعت قلت ليها لااااا يا سلمى 😒 قالت لي الـ يجي عشان يعرف إنجازاتك ( قصدها أولادي) ويعرف إنو حياتك من غيرو مستمره أحسن ما يكون 😍 وفعلا رامي وصلنا وسلم علي وهو خجلان سلمى قالت ليهو شوفت الأمامير ديل اولاد شجن 😍 سلم عليهم وقال ليها ما شاء الله قلت ليها بالمناسبه رامي بيعرف أحمد لأنو ما أول مره نتقابل 😊 سلمى اتفاجأت في اللحظه دي جا عمر داخل وانا خلاص اتشليت وكنت في موقف لا يحسد عليه مواجهه بين راجلي وبين حبيبي السابق 😓 عمر سلم علي رامي عااادي وقال ليهو عاش من شافك 😊 رامي بعدها إستأذن قلت لـ عمر بعد ده نمشي قال لي انا ما مستعجل أخدي راحتك ✋ بقلبي قلت ليهو هدفي كلو إتحقق 😓 سلمي قالت لي أقعدي ياااخ قلت ليها عمر بكره بيطلع الشغل بدري وما عايزه أتقل عليهو بس أمسكي معاك الأولاد نبارك للعرسان 😊 قالت لي تمام وفعلا انا وعمر باركنا للعرسان ولاحظت للبنات كانو بيراقبونا بعد جينا راجعين مشيت عليهم في التربيزه قلت ليهم يلااا يا صبايا كانت أحلي صدفه جمعتنا ونتلاقى في ساعة خير ان شاء الله وما عرفتكم ده عمر نصي التاني 😊 وهم فاتحين خشمهم يعاينو لي 😳 ودعناهم وطلعنا ونحن في الطريق عمر قال لي كده إتبسطتي قلت ليهو شدييييد 😍 بعد مسافه قلت ليهو عمر قال لي نبضو لـ عمر قلت ليهو والله رامي نادتو سلمى عشان يسلم انا ما كنت ... قطع كلامي قال لي بتبرري لـ شنو وبعدين حتى لو ناديتي إنتي المشكله وين 😊 قلت ليهو حبيت أوضح ليك عشان ما تفهم غلط قال لي إنتي الـ ما تفهميني غلط خلافاتنا الفاتت كانت بسبب الغيره وانا واثق فيك أكتر من روحي لو ما كده ما كان جيت معاك عرس زميلك صح 😊 هزيت راسي قال لي وبعدين أنا لم أغير عليك بغير عليك من راجل بس رامي بي عملتو معاك دي نهى فيهو صفات الرجوله وممكن نقفل الموضوع ده لأنو بوترني بس خليك متأكده عمري ما شكيت فيك وباسني في يدي 😘 وفضلنا ساكتين مسافه عمر عايز يكسر جو الصمت قال لي ح تفتتحي الشقه متين قلت ليهو والله ما عارفه قال لي لييه إترددتي بعد ما كنتي متحمسه للشغل 😓 قلت ليهو بصراحه خايفه أفشل 😔 قال لي حتي لو فشلتي لا قدر الله يكون ليك شرف المحاوله ياااخ لم تقيفي تظبطي روحك في المرايه انا ما بعرفك يعني إطمني ح تنجحي ح تنجي 😍 وعمر كان دافع بالنسبه لي عشان أبدأ الشغل وفعلا بديت بمكياج الشباين والمكياج العادي لحدي ما إتطورت لمكياج العروسات وإشتهرت بين خبيرات التجميل والشغل الحمدلله كان حلو 😍 لحدي ما يوم كنت بمكيج في عروس والمفروض تجهز الضهر عشان عندها اوت دور والبيت كان فاضي مافي واحد يمسك الاولاد عمتو ليلى كانت في السعوديه واتصلت علي شيراز تجي تمسكهم بس لقيتها في الدوام عندها مناوبه في المستشفى 😓 فـ اضريت اقفل عليهم الغرفه بعد جهزت ليهم كل إحتياجاتهم وطلعت الشقه اجهز العروس وبعد جهزت في بنتين أصّرو علي الأ امكيجهم وفعلا مكيجتهم ولسه كان عندي عروس بس مواعيدها المسا وما عندي بنت تشتغل معاي كنت بحب امكيج براي من غير مساعده ✋ استأذنت من العروس ونزلت البيت تحت لقيت الأولاد يلعبو بالألعاب عملت ليهم الغداء بعد خلصو تاني قفلتهم ورجعت الشقه وبديت امكيج في العروس اتصل عمر قال لي انتي وين والاولاد قاعدين براهم 😒 قلت ليهو أكييييد في الشقه فوق إنت خليك معاهم وأنا بعد إنتهي بنزل 😊 قفل الخط في وشي 😓 وفعلا انتهيت في الزمن بس العريس اتأخر عليها جا ساقها الساعه 10 مساء بعدها نزلت البيت وانا منتهيه من التعب 😔 لقيت عمر قاعد في الصاله وصّاري وشو قلت أكيييد الليله دي ما ح تعدي علي خير 😓 بس عملت روحي ما ملاحظه لـ غضبو قلت ليهو الاولاد نامو 😊 قال لي انتي شايفه شنو 😒 قلت احسن ابادر انا بالكلام قلت ليهو عمر عارفه روحي اتأخرت بس اعمل شنو والله العريس اتأخر يعني ما ذنبي 😢 قال لي شجن ما تخليني اندم اني فتحت ليك المحل انا وافقت علي شغلك عشان عارف انو المكياج هوايتك المفضله ختي في راسك اني فتحتو ليك من باب الهوايه ما الشغل يعني مكسبو وأرباحو ما بيهموني في حاجه ✋ انا كل البيهمني انو ما يأثر علي مسؤولياتك اتجاه اسرتك ومن الأول ده كان شرطي الأساسي معاك ✋ يعني ما ممكن أرجع البيت ألقى الاولاد مقفولين في الغرفه زي الحيوانات وجعانين قلت ليهو يعني انت زعلان عشان عملت ليهم كباية اللبن 😒 قال لي شجن انا ما بزعل لم إشتغل لإولادي بس مشكلتي تقصيرك في واجباتك يعني ما ممكن انا اكون في الشغل ولم اجي راجع البيت بدل مرتي تستقبلني ألقاها في الشغل 😒 قلت ليهو عمر ما تتنرفز بكره شوف ليك مؤجر للشقه خلاص انا ح اقفل المحل ✋ ""
#يتبــــع ⏪⏪⏪⏪
