عمر قال لي شجن انتي ما كنتي بتحلمي بـ كابووس كنتي بتمثلي صح 😊 طبعا خلعني رديت ليهو بإنفعال كيف يعني بمثل والقال ليك منو 😒 قال لي خلاص ما تنفعلي طيب احلفي انك كنتي بتحلمي طبعا دخلت في موقف حرج لأنو ما بقدر احلف بالكذب 😔 قلت ليهو عرفت كيف ؟؟ قال لي اول حاجه في واحد كان نايم بيعرف الساعه كم لأنو فعلا كانت الساعه 1 زي ما قلتي وبعدين لم شلت الكبايه عشان اناولك مويه لقيت باقي المويه في الكبايه لسه بارده بس تمثيلك عجبني عشان كده تميت معاك باقي المشهد 😉 بقلبي قلت كويس ما إكتشف انو بكا احمد تبع التمثيل 😅
اليوم التاني المساء عمر ماسك أحمد ونظام بيتكلم معاه قال ليهو امس الشباب كلو يتغزل في امك وانت قاعد والحاله انا موصيك عليها ويعاين لي وانا عامله ما سامعه 😌 قال لي شجن لؤي شغال شنو قلت ليهو بإبتسامه مهندس في السعوديه 😍 تصدق لينا 3 سنين ما شفنا بعض بس يا سلام ياااخ اخيرآ أمس اتلاقينا وكنت قاصده اتكلم كده عشان اشوف فيهو نظره الغيره للمره التانيه بس المره دي صّر وشو وطلع من الغرفه 😒 ولم اتأخر طلعت الهول برا بس ما لقيتو قلت لـ سحر عمر وين ؟؟ قالت لي شال كرسي وقعد جنب الباب عرفت انو وصل اخر مراحل الزعل دخلت اتحممت ودخلت الغرفه ظبطه روحي عمر جا داخل الغرفه قلت ليهو وشك ده يوم ح يقع منك من كترة الصّره 😏 ما رد لي قلت ليهو هسي صّاري مالك 😒 سألتو بكل براءه كأني ما عارفه السبب قال لي شجن تعالي اقعدي قلت ليهو احكي سكت مسافه قال لي شجن انا عارف اني ما غنيان زي اولاد أهلك واحتمال لو ما وافقتي تعيشي معاي حياتك كان تكون احسن من كده طبعا بعد ما كنت فرحانه اني شوفت فيهو ملامح الغيره إحتقرت نفسي شدييييد اني حسستو بالفقر 😔 قلت ليهو عمر انت ما جبرتني اني اواصل معاك حياتي وبعدين والله الـ عملتو معاي انت مافي واحد من اهل امي كان ح يعملو لي بالرغم من كترة القروش الـ عندهم قال لي بالظبط ده كلامي ليك انك وافقتي تقضي باقي حياتك معاي كـ رد للجميل صح ما عن قناعه ✋ قطعت كلامو قلت ليهو ابدا والله بس الأمان الـ حسيتو معاك ما بتعوض ولو ما انت سيرتي كانت علي كل لسان وجميلك ده ما ح انسى ليك طول حياتي 😔 ولم رفضتك في الاول كنت فاكره انك اتزوجتني عشان تنتقم مني ودموعي جرت 😭 قال لي أشششش ما تقولي كده والله انا لم وافقت اتزوجك ما عشان انتقم بالعكس دي كانت فرصه عشان احقق حلمي والله من زمان كنت معجب بيك بس تصرفاتك كانت بتصدني وكنت بعتبرك مجرد حلم ما اتوقعتو في يوم يتحقق وكل ما اشوف اهل امك بحس بإني ظالمك بالعيشه معاي 😓 قطعت كلامو قلت ليهو والله انا بفتخر انك نصي التاني وكان نفسي احكي ليهو الحقيقه وانو هو السبب في اني اسلم روحي لـ رامي بعد رفض يوصلني الجامعه وكنت زعلانه ورامي استخدم نقطة ضعفي وعزمني بيتو كان نفسي اقول ليهو كده عشان اثبت ليهو حبي بس خفت عمر يحس بالذنب 😔 قال لي يعني انتي سعيده بالزواج ده قلت ليهو مافي خيارات واترميت في حضنو قال لي مجنونه وضماني عليهو قلت ليهو عايز تعرف انا مبسوطه ولأ لا اكتر من اني جبت منك أحمد 😍 قال لي شجوني انا قلت ليهو عمر بعد ده مكن انوم لي شهر ما نمت كويس وبعد مسافه قال لي شجن ممكن سؤال 😊 قلت ليهو سامعاك قال لي أمس لؤي كان بقول ليك في شنو وكنتي مبسوطه بتضحكي 😓 قلت ليهو والله كلام عادي وكنت بضحك مجامله 😅 قال لي اهااا طيب ما ملاحظه إنو سلامكم ده شويه كده ويتقلب أحضان 😒 قلت ليهو كيف يعني ومن زمان بنسلم كده الجديد شنو 😓 ؟؟ وما تنسي ديل اولاد خالتي يعني اخواني الـ ما ولدتهم امي وبعدين صح هم مستهترين بس محترمين شدييييد ✋ قال لي هسي الدخل الاحترام شنو انا متأكد انهم محترمين بس ما عايز واحد يسلم علي مرتي كده مش من حقي وبعدين حاجه بتخصني ما بحب واحد يقرب منها ده طبعي كده 😊 قلت ليهو طيب هم بيسلمو كده يعني اقول ليهم لا ما تسلمو علي عشان راجلي ما بيرضى 😒 قال لي ممكن تقيفي بعيد وتمدي يدك ولو عايزه تقولي ليهم كده انا ما عندي مانع والله 😅 قلت ليهو خلاص المره الجايه بقول ليهم ما بصافح 😒 باسني في خدي وقال لي أحسن حاجه 😘 اليوم التاني من الصباح عمر جهز للشغل قلت ليهو الليله ما تمشي إنت لسه ما ارتحت من تعب السفر 😢 قال لي عايزه أبوك يقول متمرد من الشغل وأصّر إنو يمشي وفعلآ طلع وبعد ساعه جا راجع قلت ليهو ليييه جيت راجع بدري 😳 قرب مني وقال لي يعني ما عارفه وعامله بريئه نظام ما اتصلتي علي ابوك انو يديني اجازه شجن بالطريقه دي ح اضطره اقدم استقالي 😓 قطعت كلامو دقيقه دقيقه انت بتتكلم عن شنو والله انا ما عندي علاقه مسك حنكي بيدو وقال لي عينك في عينك رفعت عيني قلت ليهو والله ما اتصلت علي بابا خاالص 😒 قال لي يعني ده ذوق من عمي انو يديني اجازه 😊 قلت ليهو اصلا بابا ذوقو عالي قال لي صح لو ذوقو ما عالي ما بجيب القمر ده وباسني في خدي 😘 بس حبيبي الله يرضي عليك ما تدخلي في شغلي مع ابوك بأي صوره عشان ما أحس اني شغال عندك ما عند ابوك لويت خشمي وقلت ليهو اطمن 😏 قال لي تعالي واخدني في حضنو 😍 طبعا لؤي من يوم إتلاقينا في الكرامه بقى متواصل معاي بالتلفون حتى بعد رجع السعوديه كان بيتصل علي 😓 وعشان اختصرو كنت بناول التلفون لـ عمر يسلم عليهو لأنو عمر من يعرف المكالمه من لؤي تعابير وشو بتتغير يوم بعد قفل الخط قال لي شجن ما ملاحظه لـ لؤي بيتصل عليك كتييير 😒 قلت ليهو قصدك شنو انت عارف انو بيتصل يسلم ما اكتر 😏 وبعدين لؤي ده زي اخوي بس انا ملاحظه عندك عداوه مع اولاد اهلي وما بتحبهم قبل كده قلت طريقه سلامهم ما عاجباك قلت ليك اوك وغيرت سلامي هسي عايزني اقول ليهم تاني ما تتصلو علي واقطع علاقتي بيهم 😒 قال لي شجن ما قصدي كده طيب هسي لو بنات اهلي اتصلو علي يومي عشان يتونسو معاي ما ح تزعلي 😓 قلت ليهو لو بتتونس معاهم جنبي زي ما انا بعمل ما عندي مشكله وبنات اهلك كلهم بعرفهم ✋ يوم لؤي اتصل قال لي شجن عمر قاعد قلت ليهو لااا في الشغل قال لي أحلى حاجه قلت ليهو بخلعه شنوووو 😳 قعد يضحك قال لي ما تفهميني غلط بس عشان عايزك في موضوع بس بشرط يفضل سر بينا ✋ قلت ليهو خير أحكي 😓 قال لي خير ان شاء الله بس عايز أسالك سحر مرتبطه قلت ليهو بخلعه سحر منو 😳 قال لي سحر اخت عمر قلت ليهو شنوووو قال لي يعني مرتبطه خلاص انسي الفكره 😔 قلت ليهو دقيقه دقيقه منو القال ليك مرتبطه ردة فعلي دي عشان فاجأتني بس حسب معلوماتي سحر ما مرتبطه ارتباط رسمي الأ اذا كان ارتباط بينها هي والكراش 😅 بس انت بتسأل ليييه وبتعرفها من وين ؟؟ قال لي بصراحه قابلتها عندكم في البيت يوم الكرامه عجبتني وتاني مره لم جيتكم في البيت 😊 قلت ليهو اهاااا يعني ما كنت جاييني انا كنت جايي عشان تعاين لـ سحر 😏 قعد يضحك قلت ليهو خلاص بسألها وبرسل ليك الرد قال لي بتمنى مافي زول يعرف قلت ليهو اطمن ✋ بعد قفلت الخط قررت اقول لـ لؤي سحر مرتبطه لاني كنت متأكده انو عمر ح يرفض وخاصه لأنو بيكره لؤي بس غلبني أصبر طلعت قلت لـ سحر تعالي معاي دقيقه ودخلنا غرفتي عشان عمتو ليلى ما تسمعنا 😓 وبدون مقدمات قلت ليها سحر في واحد في حياتك اتخلعت قالت لي واحد كيف يعني 😳 قلت ليها واحد عندو يد ورجل يا بنت فتحي مخك معاي بتحبي ليك واحد ومرتبطه معاهو 😅 قالت لي لو مرتبطه يدي قاعده من غير دبله بس لـ شنو ؟؟ قلت ليها بصراحه لؤي ولد خالتي شافك وعجبتي وقال عايز يرتبط بيك اها رايك شنو 😊 ؟؟ قالت لي بس انا ما بعرفو وانا شغاله اوصفو ليها يوم الكرامه عشان تتذكرو قالت لي والله ما اتزكرتو قلت ليها يعني مبدئيا كده موافقه قالت لي ح أوافق كيف وأنا ما شوفتو طيب عمر رايو شنو 😓 ؟؟ قلت ليها لسه ما كلمتو طيب رايك شنو ارسل رقمك لـ لؤي وهو يرسل ليك صورتو ومنها تتعرفو علي بعض 😍 قالت لي لاااا لااااا الـ يرسلها ليك انتي قلت ليها تمام وبقلبي قلت يرسلها في تلفوني وعمر يشوفها واتطلق أنا بسببكم 😂 وفعلا لؤي رسل الصوره وسحر شافتها و وافقت طبعا من غبائي بعد ما سحر شافت صورة لؤي نسيت امسحها من تلفوني 😓 يوم المساء جيت داخله الغرفه لقيت عمر ماسك تلفوني قلت ليهو اقبضضضض حرامي 😅 عمر رفع التلفون قال لي الصوره دي بتعمل شنو في تلفونك 😒 قلت ليهو دي صورة لؤي قال لي سؤالي محدد ما قلت ليك ده منو قلت ليك بتعمل شنو عندك ؟؟ قلت ليهو صورة اخوي يعني عادي 😊 قال لي لا ما اخوك ولد خالتك ومافي سبب يخلي يرسل ليك صورتو والمناسبه شنو ولأ يكون ... وسكت قلت ليهو واصل ولأ يكون شنو كمل ما تسكت وانت هسي متنرفز عشان صوره 😏 قال لي هسي صوره بس الجايي شنو ما معروف وليييه ماسحه دردشة الواتس 😒 قلت ليهو عمر ما تلمح بالكلام قولها عديل عايز تصل لـ شنو قصدك انا بخونك صح 😓 ح نرجع لموضوع الخيانه تاني ""
#يتبــــع ⏪⏪⏪⏪
