ماما ستفت لي كل احتياجاتي حتى الشكولاته الـ بحبها حضرتها لي بس بابا رفض اني اشيلها 😒 وقال لـ ماما شجن تطلع مع راجلها بشنطة هدومها لم نتبعها الحاجات دي كأنو بنقلل من قيمة عمر وبنحسسو كأنو ما قادر يصرف عليها 😒 ماما قالت ليهو ما كده بس شجن بتحب الحاجات دي وهم ما بياكلوها 😔 قال ليها شجن تتعود على اكلهم وطباعهم بس استحاله اقول ليهم دي بنتي امسكوها عندكم وانا الـ ح أصرف عليها ✋ وفعلا طلعت من البيت من غير ما أشيل معاي حاجه 😓 اتحركنا وكل واحد فينا ساكت لحدي ما وصلنا البيت عمر قال لي شجن قبل ما تنزلي في معلومه عايز أوضحها ليك أمي وسحر ما عندهم علاقه بالخلاف الـ بينا وإنتي مشكلتك معاي انا ✋ عشان كده بتمنى إنك تحترميهم لأنو من الآخر هم ما عندهم ذنب في الحصل وانا ممكن اسامح في اي حاجه الأ في امي وسحر ✋ واخيرا عرفت نقطة ضعف عمر 😌 وفعلا دخلنا البيت وعمتو ليلى وسحر استقبلونى أحلى إستقبال وبقلبي قلت معقول أعيش في البيت ده انا لو قعدت هنا يومين ممكن اموت 😓 صح ده بيت عمي بس كنت بدخلو في المناسبات وعمر كان بيتصرف معاي جنب أهلو طبيعي كأنو علاقتنا حميمه قال لي شجن تعالي عشان تشوفي غرفتك 😊 طبعا قال لي كده عشان عارف إني ما ح أقعد إتونس معاهم دخلت وراهو الغرفه قلت ليهو وين الغرفه الـ قلت عليها 😒 ؟؟ قال لي الواقفه فيها دي شنو 😓 قلت ليهو دي غرفه عاديه وين غرفه النوم قال لي ان شاء الله بغيرها وطبعا البيت عادي فيهو غرفتين وهول يعني بيت بسيييط انا وعمر في غرفه و سحر وعمتو ليلى في غرفه طبعا تعابير وشي كانت بتدل على الإستياء وكنت متعمده ابينها جنب عمر 😓 واكتر حاجه عجبتني في الغرفه انو فيها سريرين منفصلين يعني انا والزفت ده كل واحد في سرير 😍 قلت لـ عمر طبعا انا ما جبت معاي حاجه من بيتنا يعني جيت من غير ملابس 😊 قال لي ما مشكله بكره بمشي السوق واشتري ليك ✋ طبعا قررت اني افلس بـ عمر مش عامل انو مسؤول مني يلا من واجبو ينفذ لي كل مستلزماتي وانا عارفه مرتبو الشهري ما بيكفي 😌 المهم بعد تعب حتى قدرت أنوم اصبحنا اليوم التاني يوم جمعه طلعت من الغرفه ماشه الحمام وكانو كلهم قاعدين يشربو في الشاي عمتو ليلى قالت لي صباح الخير يا بتي تعالي اقعدي الشاي جاهز 😘 قلت ليها تسلمي بس ما عايزه دخلت الحمام ورجعت الغرفه 😓 بعد شويه عمر جا شايل صينيه الشاي وفيها بسكويت نفس حقي المتعوده أشرب بيهو الشاي ختاها في التربيزه بنرفزه وطلع 😠 قعدت في الكرسي خلفت رجلي وبشرب في الشاي بمزاااج 😌 سامعه عمر قال لأمو عايزين حاجه من السوق قالت ليهو لا لسه حاجات الشهر ما خلصت 😊 قال ليها يا سلااام ياااخ والله بنتظر يوم الجمعه بلهفه عشان ملاح الويكه حقك الظابط ده بس أول عندي مشوار السوق وبحصل الفطور 😍 بقلبي قلت يا حليلك يا شجن يعني لو ما موتي بالصبغه ح تموتي هنا بالجوع 😭 بس الحمدلله سمعت أمو قالت ليهو لكن عمر يا ولدي مرتك دي بتاكل ملاح الويكه 😢 ؟؟ قال ليها شجن دي ما تشتغلو بـ أكلها كتيير انا بتصرف بس أهم حاجه تعملي لينا الفطور زي كل جمعه 😘 وفعلا عمر طلع السوق وانا من الغرفه ما طلعت فاتحه تلفوني وقاعده عمر جا راجع ناولني كيس فتحتو لقيت فيهو جلبابات قلت ليهو دي شنو 😳 ؟؟ قال لي زي ما شايفه قلت ما عندك ملابس مشيت إشتريت ليك 😊 قلت ليهو بس انا ما بلبس كده 😒 قال لي لم تكوني قاعده في بيت براك ما زي لم يكون معاك ناس قلت ليهو معاي ناس ولأ براي ما بهمني بس انا ما بلبس ديل 😒 وجدعت الكيس في السرير قال لي وانا ما عندي غيرهم ✋ إضطريت اتصل علي شيراز قلت ليها تجيب لي ملابسي من بيتنا قالت لي اصلآ كنت عايزه اجيك من الصباح بس بابا منعني وقال انو الليله الجمعه وعمر ح يكون قاعد وعايز ياخد راحتو 😔 قلت ليها ما تشتغلي بكلام بابا وتعالي قالت لي خلاص بجيك المساء 😘 عمر جا داخل قال لي شجن الفطور كسره وملاح ويكه لو عايزه قاطعت كلامو قلت ليهو الطبيخ البتعملو ماما ما باكلو عايزني آكل ويكه قال لي خلاص فهمت قصدك من غير طول لسان 😒 طلع وجا داخل شايل صينيه صغيره فيها طعميه وجبنه وزيتون قال لي قومي افطري وهو فطر مع أهلو وبعدها اتجهز وطلع لصلاة الجمعه 😍 عمتو ليلى جات دقت لي باب الغرفه ونادتني قعدت جنبها في الهول قالت لي يا بنتي عمر قال لي انو انتي زعلانه عشان فارقتي اهلك عشان كده حابسه روحك في الغرفه بس والله يا بنتي إنتي في مقام سحر بنتي وغلاوتك عندي زيها و واحد 😘 اعتبريني امك التانيه بقلبي قلت ده الـ كان ناقص 😒 بس رديت ليها حاااضر وعمر بعد الصلاة ما عارفه مشى وين ما جا راجع البيت
😓 وانا قاعده في غرفتي سحر دقت الباب وجات داخله شايله صينية الغداء فيها سجوك وشيبس بطاطس والمغرب اخيرا جات شيراز وشايله معاها جزو من ملابسي 😍 جاتني داخله في الغرفه قلت ليها أقعدي قالت لي لا إنتي تعالي معانا برا عشان نتونس مع عمتو ليلى وسحر طبعا بتحبهم شديييد 😏 اضطريت اقعد معاها برا وبعد شيراز طلعت رجعت غرفتي وما صدقت بدلت ملابسي وبعد ساعه إتصلت شيراز قالت لي شجن انتي بالجد ما بتطلعي من غرفتك وما بتتونسي مع ناس عمتو 😒 قلت ليها دي سحر شكتني ليك صح 😏 قالت لي من غير ما يحكو لي انا لاحظته ليك قلت ليها انتي اخت عمر ولأ أٌختي تكوني بتنتمي لأسرة صالح وانا ما عارفه 😒 قفلت مني الخط زعلانه الساعه 10 مساء عمر جا داخل وانا متغطيه وبعاين بتحت التوب وكان جايب معاهو عشاء جاهز قال لي شجن شجن ما رديت عليهو وعملت روحي نايمه لحدي ما نومت من غير ما أشعر 😓 أصبحنا اليوم التاني السبت وعمر برضو مؤجز 😓 طلعته من الغرفه وكالعاده متجمعين يشربو في الشاي عمر من شافني حمر لي صبحت عليهم ودخلت الحمام بعد رجعت الغرفه واول ما دخلت عمر انفعل فيني قال لي امس انا حزرتك انو تطلعي بالمنظر ده جنب أمي صح 😡 علي الاقل لو ما بتخجلي منها تحترميها هنا في الغرفه ما بهمني منظر لبسك بس اول ما تعتبي برا الغرفه دي تحترمي روحك وتلبسي زي الناس قلت ليهو تقريبا انت إتزوجتني وجبتني هنا يعني ده أصبح بيتي ويحق لي احوم فيهو زي ما عايزه صح ولأ أنا غلطانه 😏 قال لي صح بس حدودك الغرفه هنا لأنو ما بيتك براك معاك امي وسحر و واجب عليك تحترميهم 😠 قلت ليهو طيب بما انك بتعرف الإصول من واجبك توفر لي بيت منفصل عشان أقدر أحوم فيهو بمزاجي وباللبس البعجبني 😒 قال لي اوفر بيت لـ زواج مؤقت ولأ تكوني غيرتي رأيك وعايزه تعيشي معاي العمر كلو واداني إبتسامه مستفذه 😊 قلت ليهو لا طبعا 😏 وكالعاده كان جايب لي صينيه الشاي بعد شربت الشاي عمر قال لي للأسف هنا ما عندنا أنجلينا تخدمك عشان كده رجعي الصينيه المطبخ ما عشان سحر بتجيب ليك الأكل لحدي عندك معناها تخدمك 😒 قلت ليهو اهاااا صح نسيت إفتكرت روحي قاعده في بيت بابا قال لي بحده شجن بعدها في لحظه لقيت روحي شايله الصينيه وطالعه 😓 قال لي دقيقه دقيقه طالعه كده هسي قلنا شنو 😒 قلت ليهو توب ما بعرف ألبسو والجلبابات ما بحبها 😒 قال اووووووووف منك شالها وطلع 😠 وعمر بالرغم انو كان السبت عطله بس طلع من البيت وما رجع الأ المساء وبصراحه بالرغم من بساطة الوضع المادي لـ عمر بس ما كان مقصر معاي ✋ وكان موفر لي الوضع المعيشي الـ كنت عايشه فيهو عند بابا خلافا لشكل البيت 😓 وانا طول الوقت كنت قاعده في الغرفه فاتحه التلفون وبدردش مع شيراز أو سلمى صحبتي 😔 المساء عمر جا داخل الغرفه وشغال بالتلفون ولا اهتم بي كأني ما موجوده 😒 بصراحه تصرفو إستفزاني شديييد فـ حبيت أأكشنها قلت ليهو عمر ما قادره أنوم أطفي النور متوقعه يعاندني ويقول لي لا عشان أبدأ اتنرفز بس خيب ظني وطفاهو 😓 قلت ليهو برضو ما قادره أنوم قال لي الوحده لم ما تقدر تنوم راجلها بياخدها في حضنو وبطبطب عليها لحدي ما تنوم بس زي ما عارفه نحن قطعت كلامو قلت ليهو تفكيركم كلو غذر ومفهومكم للمرا واحد 😠 ولع النور وجا علي متنرفز بصراحه خوفت وقعدت في نص السرير قال لي بحده أول حاجه وطي صوتك ده للمره المليون نحن ما قاعدين برانا 😠 وثانيا قلتي تفكيركم كلكم بتقارنيني مع منو مع الزفت داك صح 😡 ؟؟ وبعدين ما تنسى انتي حلالي والتفكير البتتكلمي عنو ده حق من حقوقي ولو عايز أشيلو هسي بشيلو حتى لو بالقوه ✋ عشان كده أحسن تلزمي حدودك واتكلمي معاي بإحترام فاهمه 😠 طبعا غلبني ارد وشغاله أبلع في ريقي رجع طفأ النور وقفل التلفون ونام اليوم التاني بعد صحيت ما نزلت من السرير وشغاله أعاين بتحت التوب وكل مره عمر يدخل الغرفه يعاين لي ويطلع وما نزلت من السرير لحدي ما اتأكدت إنو طلع الشغل طبعا عمر إشتغل دوامين بيطلع الصباح بيجي راجع العصر بيتحمم ويتغدا ويطلع بعد المغرب وبيجي راجع الساعه 10 مساء وبقينا قليل ما بنتقابل ونصطدم ببعض ✋ وعدا إسبوع وانا لسه مقفوله في الغرفه وسحر بتجيب لي الأكل في الغرفه ونفس الوجبات المتعوده عليها ✋ والصباح ما بطلع من الغرفه إلأ بعد عمر يطلع الشغل وبلقى سحر وعمتو ليلى قاعدين في الهول مرات أصبح عليهم ومرات أرد ليهم بآخر نفس حسب مزاجي لحدي ما يوم جيت طالعه من الغرفه عمتو ليلى صبحت علي رديت ليها بصوت واطي 😓 بعد اتحركت من جنبهم سمعت سحر قالت ليها يا أمي الليله بعد عمر يرجع من الشغل ح أكلمو يسوق مرتو ويطلع يأجر ليها برا لأنو شكلها ما طايقانا 😔 وعمر لازم يعرف تصرفات مرتو ✋ أمها قالت ليها يا بنتي انتي عارفه عمر ما عندو قروش عشان يأجر بس أنا بكلمو انو انا وانتي ح نسافر نقعد مع أخواتي في البلد وما عافيه ليك يا سحر لو حكيتي لـ عمر بـ تصرفات شجن 😔 انتي عارفه عمر ما عندو أخلاق وبعدين شجن من حقها تتصرف كده اي وحده بعد الزواج عايزه حياتها تكون مستقله بس للأسف شجن نصيبها كان مع واحد بيصرف على اهلو وللمره التانيه يا سحر ما عافيه ليك لو كلمتي عمر بـ حاجه 😔 بقلبي قلت ياااخ خليها تكلمو عشان يرجعني بيت بابا وإرتاح بعد عمر جا راجع البيت العصر عمتو ليلى قالت لـ عمر تعال معاي دقيقه ودخلت الغرفه قالت ليهو والله يا ولدي انت لحدي هسي ما قصرت معانا وعمرك ما ح تقصر بس انا وسحر قررنا انو نسافر البلد نقعد في بيت جدك مع خالتك 😊 طبعا عمر اتخلع 😳 وقال ليها من البيت ده ما ح تتحركي وتنسي الفكره دي خالص ✋ عمر طلع من جنبها وأشر لـ سحر جات طالعه معاهو وقعدو في سرير الحوش قال ليها ""
#يتبــــع ⏪⏪⏪⏪
