أنا وأختي👩‍👧‍👧

الحلقة ١

[ المقدمة ]
وطالما قولنا مقدمة يبقي القصة دي هتكون مختلفة عن القصص اللي قبلها هي عبارة عن ماضي وحاضر
الماضي من خلال مذكرات نادين
الحاضر اللي كتبته بنتها فيروز
هنفهم حالاً 😂
☆☆☆☆☆☆☆☆☆☆☆☆☆☆☆☆

انا فيروز 22 سنه هحكيلكم حكايتي انا وماما وأختي أو بمعني أصح حكاية امي اللي كتبتها في مذاكرتها انا عارفة انى غلط جدا اقرا حاجه تخص مامتي بس في وسط الحكايات دي لاقيت حاجات كتير تخصنا
اه نسيت اكتب إن بابا موجود معانا ف القصص دي مش عارفة انا نسيته ولا اتعمدت اني أنساه
هحكيلكم وانتوا تحكموا بنفسكوا
وهنرجع ل حوالي 28 سنه وتحديداً سنه 1990
☆☆☆☆☆☆☆☆☆☆☆☆☆☆☆☆

البداية. ...الحلقة الاولي

انا نادين عزت عمري 21 سنه وقتها كنت ف الجامعة عايشة احلي سنين عمري مكتوب كتابي ع حبيبي عمري الباشمهندس محمود 26 سنه خريج هندسة القاهرة وانا لسه بدرس في تجارة سنه تالته
لا آسفة معلش الفرحة نسيتني انا خلصتها خلاص ومفروض رايحه بقي سنة رابعة
كنت ف الجامعة بشوف كشف الناجحين
اسمي موجود 😊
جيد جداً. ..ياااه. ..الحمد لله
تعبي مرحش هدر. ..أصل مامتي هي اللي تعبت اوي عشان أدخل الجامعة. ..بعد وفاة والدي. .والمسؤلية والحمل زاد عليها اوى. ..انا واخويا عصام مدرس ثانوي اتخرج من سنتين من كلية تربية بيدرس مادة الأحياء. ..طول عمرة شاطر اوي ف المدرسة. ..وأنا وماما بنفتخر بيه. ..عشان شاب ملتزم وماما ربته وربتني كويس اوي. ...
انا خارجة من الجامعة وكالعادة زميلتي وصاحبة عمري اللي مصدعاني دايماً. .بتنادي
مها/ ناديييييين. .انتي يابنتي روحتي فين
نادين/ نعم. ..خلاص سمعتك
مش لازم الجامعة كلها تسمعك وانتي بتنادي عليه
مها/ الباشمهندس واقف بره مستنى جنابك ناويه تطلعي ولا هتفضلي تلفي كده ف الجامعة كتير
نادين/ بجد. ..شوفتيه
قالك ايه
مها / سألني عليكي
طلعت أجرى وانا فرحانه وهقول لمحمود ع الخبر الحلو ده. .ياترى هيعزمني فين. ..لا اكيد هيشتريلي هدية حلوه
محمود/ كل ده بتعملي ايه جوه
ابتسمت بفرحه اول م عيني وقعت عليه
نادين/ ازيك يابشمهندس مستعجل ولا ايه
رد بجدية
محمود/ اركبي يلا يانادين مفيش وقت
نادين/ وقت ل ايه انت حتي مسألتنيش عملتي ايه
محمود/ عارف. ..عارف. .زي كل سنه. .جيد جداً
نظرت ليه والدموع في عنيه
نادين/ كان نفسى افرحك بس الظاهر كده إنك عندك موضوع هيعكنن عليه فرحتي
محمود/ وليه بتسميها عكننه ...انا جاي افرحك
نادين/ مش باين يعني
محمود/ هتركبي اقولك ولا هنفضل نتكلم كده ف الشارع
ابتسمت لما حسيت إنه بدأ يفك شوية
نادين/ هركب ياحبيبي بس تعلمني السواقه بقي
محمود/ طيب يلا
ركبت قدام وحاولت اعمل نفسي بسوق العربية ابتسم محمود وهو بيقولي
محمود/ انا خلاص مسافر وبجهز ورقي عشان في واحد معرفه بعتلي عقد عمل ف الإمارات
رفعت رأسي ليه وانا حاسه اني بحلم
نادين/ انت اكيد بتهزر. .سفر ايه يامحمود. ..احنا متفقناش ع كده
اتفاجأت بردوده العنيفة وكنت اول مره اسمع منه الكلام ده
محمود/ اتفاق ايه ياحبيبتي. ..انتي عايزاني اقعد جنبك بقي ونشحت سوا مش كده
نادين/ ع فكرة انا مقولتلكش كده وبعدين م انت شغال هنا كويس.... .ومرتبك هيعشينا كويس جداً
محمود / انتي اللي معندكيش طموح. ...أنا مش عارف ايه الجبن اللي انتي ف ده
نادين / جبن!
عشان مش عاوزاك تسافر يبقي جبانه عشان بحبك يبقي ضعيفة
محمود / اسمعي يانادين دا آخر كلام عندي. ..هتقلبي بيه ع الوضع ده اوك. ...مش قابله يبقي كل واحد يروح لحاله
طبعاً انهارت وبكيت كتير وانا بقوله
نادين/ ياااه وقدرت تقولها. ..بسهولة كده تبيع حبنا
محمود/ يابنتي الحب دا مبياكلش عيش. ..اصحي وفوقي وبصي حواليكي. ..كل البدل اللي انتي شايفاها دي. ..ناس معاها فلوس
لو شاوروا ل أي بنت هتلاقيها أيدها ف ايده وع المأذون يكتب ويخلص نفسه ...واحنا أهو اديكي شايفة 3 سنين خطوبة معرفتش اشترى حتي شقة من حر مالى
نادين/ م انا قولتلك ع الشقق اللي خالي قالي عليهم وانت رفضت
محمود/ نظامهم معجبنيش وبعدين شقة ايه اللي أسكن فيها دي...أقل من فيلا ميلزمنيش ....
نادين/ والفيلا دي بقي هتجيبها منين
محمود/ من الإمارات
ماهو انتي مخلتنيش أكمل كلامي للآخر. ..هسافر الكويت سنه بس
ونرجع نتجوز
نادين/ انت بتقول ايه ع أساس اني وافقت ع موضوع السفر ده
محمود/ هتوافقي يادودو. .ويلا بقي. ..ادعيلي اني ارجع بالسلامة
....حجزت ع طيارة يوم الاتنين. .هتوحشيني ياقلبي
نادين/ لا انت بتقول ايه. ..بسرعة كده
محمود/ احنا ف عصر السرعة. .مفيش وقت. ..انا هاخدك ع البيت أكلم اخوكي عشان يبقى ف الصورة من البداية وميرجعش ف كلامه
نادين/ بس اتكلم معاهم بهدوء يامحمود وبلاش عصبيتك دي
محمود/ ماهو اخوكي دا يزهق بلد بحالها انا عارف انتوا مستحملينه ازاي ده؟!!!
نادين/ أخص عليك دا عصام دا حتة سكره
محمود/ ايه سكره دي؟!
عيب ياهانم تقولي الكلام دا لجوزك
نادين / ههههههه دا اخويا يامحمود انت هتغير ولا ايه
وصلنا لبيتنا. ..أخدني من أيدي وطلعنا
برن جرس الباب
نادين / ماما مساء الخير
الحاجة تهاني والدتي....ست طيبه اوي تدخل القلب كده ع طول
تهاني/ مش قولتلك مية مره اسمها السلام عليكم
ايه مساء الخير دي ولا اكمنك دخلتي الجامعة خلاص بقيتي خوجايه
نادين/ هههههه خوجايه ايه بس ياماما. ..خلاص ولا تزعلي السلام عليكم ياست الكل
تهاني/ بعد ايه. ..ادخلي يلا وقوليلي عملتي ايه
محمود/ السلام عليكم ياطنط.
تهاني / محمود!
وعليكم السلام تعالي أدخل ياابني
نادين اعملي حاجه لخطيبك يشربها
محمود/ لا معلش ياطنط مش هشرب حاجه انا مستعجل... اومال فين عصام
تهاني/ عصام تحت الواد جارنا اللي تحت مننا ع طول بياخد درس احياء ومطلع عين ابني عصام معاه مخه تخين
محمود/ درس ايه مش كل المدارس اخدت اجازة ولا انا بيتهيألي
تهاني/ لا ماهو انا مقولتلكش
طبعاً قاطعت ماما عشان متكملش بصراحة جارنا دا صعبان عليه عشان كان بيذاكر طول السنه وللأسف منجحش مكونتش عايزة ماما تقول لمحمود عشان هينزل تحت ويشوفه وخايفة يبصله بصه تكسره
عشان محمود بالرغم من اني بحبه وهو كل حياتي. ..لكن أوقات بحس إن قلبه جامد ومبيصعبش عليه أي حد
نادين/ بياخد دروس ل السنه الجايه تشرب ايه يامحمود
محمود / خلاص هستني لما يخلص. .شاي بقي يانادين عشان مصدع
تهاني/ تعالي هنا يابت الأول قوليلي عملتي ايه
محمود/ جيد جداً ياطنط زي كل سنه طبعاً
تهاني/ لا شاطره يابنت بطني. ..طول عمرك شاطره ههههههه
محمود بسخريه/ اه فعلاً شاطره اوي عشان كده دخلت تجارة
زعلت ودخلت المطبخ...لكن سمعت ماما وانا جوه بتتكلم مع محمود وههههههه واخدت حقي
تهاني/ ليه مالها تجاره يابشمهندس مش احسن من بكالوريوس هندسة بمقبول
محمود سكت بس كان متغاظ من رد فعل ماما. .أصل انا مبعرفش أتكلم معاه هو نقطة ضعفي بجد....بس خايفة يجي يوم وانفجر فعلا من تصرفاته
محمود/ هو عصام هيتأخر ياحاجه
كان عصام بيفتح باب الشقة. .دخل ورحب ب محمود
وكان محمود مستعجل اوي يومها اتكلم مع عصام وقاله ع موضوع السفر
عصام / مفيش مشكلة سافر انت واحنا ف انتظارك لما ترجع
محمود/ تمام. ..وهبقي ابعتلوكوا جوابات كل فترة ومن وقت للتاني هبقي اتصل من أي مكان قريب من السكن اللي هعيش فيه
وطبعاً ودعته بالدموع ع أمل يرجع بعد انتهاء امتحاناتي في سنه رابعة
☆☆☆☆☆☆☆☆☆☆☆☆☆☆☆☆
✏BOSY