أنا وأختي👩‍👧‍👧

الحلقة ١٤

الحلقة الرابعة عشر
#انا_واختي
#بوسي_مصطفي
...............................

ياسمينه/ لا استني ياهدي ودن الأرنب هنلونها ب البينك
هدي/ لا انا عايزة الونها بالاخضر
ياسمينه/ ههههههه طيب زي م تحبي
كمال/ الشاي ياياسمين
ياسمين/ ياخبر وتعبت نفسك ليه بس انا كنت هقوم اعمله
كمال/ ماما عارفة إنك هنا
ياسمينه ب ارتباك/ بصراحة لأ اصلنا خرجت من الدرس وجيت ع هنا ع طول
كمال/ مينفعش تيجي كده لوحدك وكمان من غير م مامتك تاخد خبر
دلوقت تقلق عليكي
ياسمينه/ خلاص هخلص تلوين اللوحه دي واروح
كمال / انا مقصدش طبعاً اللي فهمتيه بس انا بعتبرك زي اختي الصغيرة ومحبش الموضوع دا يتكرر تاني
ياسمينه / حاضر
جرس الباب يرن
كمال/ استني ياهدي مش هتعرفي تفتحي الباب
غادة/ مساء الخير يااستاذ كمال
كمال/ مساء النور ياغادة
أي اللي معاكي ده
غادة/ طب وسع بس أنزل الحاجة اللي ع دماغي دي
وقربت من السفرة ووضعت صنيه الأكل
غادة/ فضلت خيرك بقي دا الغدا ماما صممت إنها تعملهولك عشان مش هينفع تدخل المطبخ وانت تعبان كده
كمال/ تسلم ايدك انتي وطنط
غادة/ إنما لامؤخذه يعنى مين دي؟!
كمال / اه دي ياسمينه تلميذة عندي فالمدرسة
غادة/ اه تشرفنا
كمال / ياسمينه دي تبقي الآنسة غادة خالة هدي
ياسمينه بضيق / اه تشرفنا
غادة/ سلام انا بقي
كمال / طب اتفضلي اتغدي معانا
غادة / مش هينفع اسيب ماما تاكل لوحدها. ....بعد اذنك
كمال/ اتفضلي.....وسلميلي ع مامتك
غادة/ ماشى يوصل
ياسمينه / استأذن انا كمان عشان ماما متقلقش عليه
كمال/ اوك اتفضلي بس متنسيش حصة بكره
ياسمينه/ أي ده هو انت مش هتعزم عليه اتغدا معاكو؟!
كمال/ هههههههه معلش م اخدتش بالي اتفضلي طبعاً شرفينا ع السفرة
ياسمينه/ لا انا كنت بهزر اصلك يعني طلبت من غادة تقعد تتغدا معاك وانا لأ
كمال بيحاول يتجاهل ردود أفعال ياسمينه ع تصرفاته معاها
كمال/ لو مش هتتاخري ع مامتك اقعدي اتغدي مع هدي
.................................
[٢٩/‏٨ ٠٤:١١]
مها/ رايح فين ياعصام وليد لسه جوه بيغير هدومه
عصام/ سبينا من وليد دلوقت خلينا فالمصيبه التانية
مها/ مصيبة ايه ....قلقتني
عصام/ لما أنزل من فوق هبقي اقولك ع كل حاجه
وطلع عصام جري وبيخبط ع باب شقة نادين
تقوم فيروزه بسرعة تفتح الباب
عصام/ مامتك فين يافيروز
تهاني/ خير ياابني عايز اختك ليه
عصام/ فين نادين ياماما
تخرج نادين من الغرفة /'انا هنا ياعصام. ...خير مالك
شكلك ميطمنش
عصام لفيروزه/ هاتيلي كوباية مياه يابنتي بسرعة
فيروزه/ حاضر ياخالو
تهاني / في ايه ياعصام مالك ياابني
عصام/ بصي بقي يانادين وعشان نبقنا ع نور انا هكشفلك كل ورقي بس بشرط اخلصك وتخلصيني
نادين/ اخلصك من ايه انا مش فاهمه حاجه
عصام/ معاكي كام الأول
نادين نظرت لمامتها بدهشة
عصام/ متخافيش انا مش هاخد منك حاجه من غير مقابل
بصي عشان متحتريش كتير
محمود جوزك كان داخل معايا  شريك في مصنع الملابس اللي بعمله بقالي فترة
تهاني/ مصنع ايه ياابني
انا اول مره اعرف الموضوع ده
نادين / محمود يدخل معاك في مشروع زي ده منين
عصام/ منين ايه يانادين انتي نايمه ع ودانك ولا ايه
محمود جوزك مليونير ومش بس مشاركني في المصنع لا دا كمان عامل مشروع كبير اوي ل أخته
وكل فلوسه كان بيحولها ليه لحد م سدد المبلغ بالكامل
نادين/ وانت بقي كنت البير اللي كان محتفظ فيه بكل أسراره اللي مخبيها عني
عصام/ مش وقته عتاب يانادين
دلوقت محمود سدد جزء من المبلغ اللي يخصني وكنت متفق معاه اني هسدده ع دفع وماضي وصلات امانه بالمبلغ
تهاني بغضب/ واختك مالها بكل ده
هو انتو متكشفوش نفسكو إلا لو كانت في مصلحه
عصام/ انا عندي استعداد اضغط ع محمود واخليه يطلقك بشرط تسددي المبلغ ده عني قولتي ايه
نادين/ يعني ادفع عشان يطلق؟!
عصام/ حقك محفوظ هكتبلك انا وصلات بالمبلغ ولو تحبي ادخلي بداله ويكون ليكي نصيب في المصنع ع قد المبلغ اللي هتسدديه عني
نادين/ موافقه بس بشرط محمود ميعرفش مين اللي هيسدد ومين اللي هيدخل مكانه
عصام/ اوك اتفاقنا
نادين / استني هنا رايح فين
عصام/ معلش يانادين عندي مشوار مهم هعمله ولما ارجع هنبقي نتكلم ونتفق ع كل حاجه
نادين / مقولتليش هتخليه يطلقني ازاي
عصام/ دا شغلي انا بقي
سلام دلوقت
[٢٩/‏٨ ٠٧:٢٩]