أنا وأختي👩‍👧‍👧

الحلقة ١٧

2/9/2018
الحلقة السابعة عشر
#انا_واختي
#بوسي_مصطفي

...........................

في اليوم التالي
تهاني/ أهي بنتك مش موجودة ومفيش غيري انا وانتي قوليلي بقي في ايه
وايه الموضوع المهم اللي عايزة تكلميني فيه
نادين/ هو انا مش عارفة اقولك ايه ياماما بس بجد انا معرفتش انام طول الليل من التفكير
تهاني/ خير يابنتي قلقتيني
نادين/ مدرس ياسمين بتاع العربي
تهاني/ الأستاذ كمال؟
ماله يابنتي؟
نادين بتبتلع ريقها/ جاني امبارح المحل و
بتردد وتنهيده/ وطلب أيدي
تهاني بدهشه/ بجد
نادين بغضب/ شوفتي ياماما
تهاني/ شوفت ايه
نادين/ انا كنت هطرده بس مسكت نفسي بالعافيه
تهاني/ وتطرديه ليه
الراجل مغلطش
نادين/ حضرتك بتقولي ايه بس ياماما
هو طلب زي ده يترد عليه برضو
تهاني/ ايوه يترد عليه بس بعد م تفكري كويس
نادين/ أفكر في ايه
تهاني/ تفكري في مصلحتك
شوفي نفسك بقي يابنتي
نادين/ تقصدي ايه ياماما
تهاني/ أقصد إنك تتجوزي
نادين بدهشه/ ياخبر!...اتجوز
بقي بعد العمر دا كله اتجوز ياماما
تهاني / عمر ايه يابنتي
هو انتي لسه عيشتي سنك ولا تجوزتي وفرحتي زي كل البنات
نادين/ هههههه بنات ايه بس ياماما
اللي يسمعك كده يفكر اني لسه متجوزتش فعلا
تهاني/ جوازة الندامه
هي دي كانت جوازه؟!
أنا عايزاكي تفكري كويس قبل متردي عليه
نادين/ ياريت ياسمين متعرفش ياماما
تهاني/ ليه بقي.....دي لازم تعرف واوعي تخبي عليها حاجه ابدا
نادين/ لا ياماما عشان منظري بس قدامها وكمان عايزة السنه دي تعدي خصوصاً إنها مرتبطة اوي بيه وهو فعلاً يستاهل لانه تعب جداً معاها وخلي مستواها كويس جداً في العربي
تهاني/ يبقي تدي نفسك فرصة وتفكري مش هتخسري حاجه
نادين/ انا اتأخرت على حنان زمانها محتاسه من غيرى....سلام ياماما
تهاني/ مع السلامه يابنتي
.....................

كمال نزل بسرعة تحت
كمال لهدي/ بتعيطي ليه ياهدي ومين اللي عمل فيكي كده
خرجت فتحيه / كمال طلع هدي عندك عشان مش مبطله شقاوة وعماله بتكسر في حاجة غادة
هدي/ انا مكسرتش حاجه يابابا
خرجت غادة منفعله/ انتي كدابه انا شوفتك وانتي بتكسري وتبهدلي في علبة الميكب بتاعتي
هدي بتعيط/ لا محصلش
كمال/ خلاص ياغادة هشتريلك غيرها
دولت/ احنا مبنتكلمش ع كده ياكمال ياابني بس فعلا هدي بقت شقيه وبتكدب كتير
كمال / انا آسف بعد اذنكو
واخد هدي وطلع بيها فوق في شقته
قعدها ع الكرسي وقعد قصادها
كمال / انا بقي مش مصدق حد وهصدق بنوتي حبيبتي عشان هي مبتكذبش وبتقول الحقيقه مش كده ي هدي
هزت هدي راسها
كمال/'مين بقي اللي بهدل حاجة خالتو وكسرها
هدي ببكاء/ انا يابابا كنت عايزة اعمل زي خالتو
كمال / يعني مسكتي العلبة وفتحتيها صح
هدي/ انا مكونتش عايزة اكسرها
هي اللي وقعت مني
كمال/ وينفع ناخد أي حاجه من غير م نستأذن أصحابها
هدي/ لا مينفعش
كمال / يعني اللي انتي عملتيه دا غلط ولا صح
هدي/ غلط طبعاً يابابا
كمال/ يبقي نروح نشتري لخالتو علبة غيرها مش كده
هدي هزت راسها
كمال/ اغسلي وشك بقي وغيري هدومك عشان ننزل نشتري
وكمان ليكي هديه عندي عشان قولتي الحقيقة ومكذبتيش
هدي احتضنت كمال/ ياحبيبي يابابا انا بحبك اوي
كمال/ وانا بحب هدي وعايزها تسمع الكلام....ماشي
هدي/ ماشي
قبلها كمال ببتسامة واخدها من ايدها غسلها ايدها ووشها ولبست فستان جميل ونزلت مع كمال