[٢٣/٩ ٢٣:٢٥]
الحلقة 34
#انا_واختي
#بوسي_مصطفي
.................
📞
نادين/ قولها تهدي لحد م نجيلها
كمال/ ياسمين ماما معايا تحبي تكلميها
هزت نادين رأسها بدموع رافضه تكلم ياسمين
ياسمينه/ قولها اني كويسه ياعمو
كمال/ حاضر....بس اجمدي كده وخلي بالك من نفسك احنا مسافة السكه وهنكون عندك ....إن شاء الله
مين معاكي؟
ياسمينه / كلهم هنا...بس عمر اللي واقف جنبي ومسبنيش لحظه
طيب هاتي اكلمه
ياسمينه/ حاضر
نادين/ انت عارف العنوان ولا لسه هنسال
كمال / متقلقيش انا حافظ المكان ده حته حته
عمر/ الو....انا عمر...اخبارك حضرتك ايه يااستاذ كمال
كمال/ الحمد لله...انا كويس
المهم خلي بالك من ياسمين اوعى تسيبها عشان هي خايفة
عمر/ لا انا معاها أهو متقلقش حضرتك
كمال/ هو خالك لسه مخرجش
عمر/ لسه في اوضة العمليات
ادعيله يااستاذ كمال
كمال / إن شاء الله
يقوم بالسلامة....مين معاك غير والدتك وجدتك
عمر/'الدنيا مقلوبه هنا والشرطة عماله تحقق معانا
كمال/'انا مش فاهم يعني خالك اتضرب ازاي ومنين
عمر/ الرصاصة جات من العمارة اللي قصادنا زي م استنتجت الشرطة بس لسه طبعاً التحقيق شغال وهيطلبوا شهادة كل الجيران اللي حوالينا
كمال/:وياسمين مين اللي قالها إن فيروز عندكو
عمر/ بصراحة أنا
خالي لما جه عندنا بالليل ومعاه فيروز عرفت إنه اخدها من مامتها بالعافية قولت أكلم ياسمين اطمنها لاني فهمت إنها معرفتش مكانها
وفعلا اللي حسبته لاقيته وياسمين حكتلي ع كل اللي حصل عندكو بالليل واقترحت عليها إنها تيجي تشوف فيروز وتصالح خالي بس عشان يوافق إن فيروز ترجع مع ياسمين معرفش إن المجنونه دي هتعمل اللي عملته ده
كمال/ كويس إنها متهورتش والا كانت راحت في داهيه
عمر/'انا مسكت ايدها ع آخر لحظة بس كلنا كنا في حالة ذهول وقت م وقع خالي ع الأرض غرقان في دمه
كمال/ طيب انا دقيقتين واكون عندكو...
عمر/ تيجو بالسلامة
................................
مروة/ مبتاكلش ليه ياهادي
هادي/ م انا باكل أهو ياماما
مروة/ مالك ياحبيبي مش مركز ليه الطبق فاضي قدامك مفهوش حاجه
هادي/ اه م اخدتش بالي
وقرب ياخد أكل من الطبق اللي قدامه
داليا/ متصلتش بياسمين النهاردة
هادي نظر ليها وهو مش قادر يتكلم وبتنهيدة/ لأ....ليه؟
داليا/ أصلها مجاتش الجامعة النهاردة وكمان بتصل بيها مبتردش قلقت يعني قولت أسألك
هادي/ شوية وهكلمها
داليا/ وانتي ياست ماما لسه برضو سايقه الدلال ع بابا
مروة ببتسامة/ خليكي في طبقك واسكتي
داليا / انا بقول خير البر عاجله ونخلص بقي ونكتب الكتاب ونعلي الجواب وتجيبوا صبيان وبنات
مروة/ بنت...ايه اللي بتقوليه ده
داليا/ دا شعر كده لازم بيتقال مره واحده
مروة/ ههههههه طب انا راضيه ضميرك
دا شعر دا؟!
ايه رأيك ياهادي
هادي/ ها؟
داليا بمكر/ سيبي هادي في حاله ياماما واضح إنه مش معانا ودماغه في حته تانية خالص
مروة/ هههههه اللي واخد عقلك ياابني
داليا/ شكله كده غيران وعايز يكتب الكتاب بسرعة هو كمان
مروة/ م بلاش تلميحاتك دي
قولتلك لسه بفكر
هادي/ انتي متعرفيش تاكلي وانتي ساكته لازم اللت والعجن بتاعك ده
داليا/ انت بتزعقلي ليه هو انا جيت جنبك
مروة / ايه ياهادي فى ايه ياابني
أختك بتهرج معاك
هادي/ وانا مش مستحمل تهريج من أي حد
وقام دخل اوضته وقفل الباب
داليا/ ماله ده هو حد كلمه
مروة/ سبيه دلوقت ياداليا واضح إنه متخانق مع حد في الشركة
داليا/ هو انا كلمته
انا كنت بهرج معاه....بس خلاص مش هكلمه تاني خليه بقي لوحده ويشوف مين اللي هيعبره بعد كده
هادي ع باب الغرفة / داليا معلش اعمليلي قهوة
داليا/ لأ روح اعملها
هادي/ يابت ميبقاش مخك صغير قومي عشان خاطري
داليا / لأ برضو
مروة/ انا هقوم اعملهالك ياحبيبي
هادي/ تسلم ايدك ياست الكل
مش زي ناس
داليا / طب روح اطمن ع ياسمين وطمني
أنت تقرأ
أنا وأختي👩👧👧
Chick-Litيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
