الحلقة الثالثة عشر
#انا_واختي
#بوسي_مصطفي
............................
مها/:واحنا مالنا ياعصام بالموضوع ده مش مامتك عاجبها كلام اختك وكمان مشجعاها يبقي خلاص سيب كل واحد يعمل اللي ع مزاجه وتشرب هي بقي بس متجيش تشتكي عشان محمود هيذلها فالمحاكم وهيبيعها اللي وراها واللي قدامها
عصام/ مليش دعوة ازاي بس يامها
هي دي مش اختي
مها/ واختك مش عايزة تعيش معاه ومامتك الظاهر عايزاها تقعد معاها فالشقة
عصام/ انا روحت عشان خاطر البنات مش عايزهم يعيشوا بعيد عن باباهم
مها/ يااخويا خلي كل واحد ينام ع الجنب اللي يريحه احنا مالنا
.....................
محمود ببتسامه/ عجبتك الهدايا اللي جبتهالك يافيروز
فيروزه/ تسلم ايدك يابابا....بس بلاش تجبلي لعب تاني انا كبرت مبقتش صغيرة
محمود/ ههههههه حاضر ياانسه فيروز آخر مره
هي ياسمين هتتاخر يانادين
نادين/ زمانها جايه
محمود/ حلوه الشقة. ...هي كام اوضه
نادين/ زي شقة عصام اللى تحت
محمود/ قصدك شقتك انتي وعصام
نادين/ مفرقتش كتير
قولي تشرب ايه
محمود / لا انا همشي بقي عشان عندي ميعاد مهم ولما ترجع ياسمين خليها تجيلي عند ماما
نادين/ ياسمين مبتخرجش غير ع قد الدروس وبس
محمود/ قوللها اني عايز أتكلم معاها شوية خليها تجيلي بكره
فيروزه/ طب اقعد معانا هنا يابابا
قاعد عند تيته ليه
محمود/ فيروز ياحبيبتي ممكن تدخلي جوه دلوقتي عشان عايز اتكلم مع ماما في موضوع مهم
فيروزه/ حاضر
نادين/ خير يامحمود
محمود بغضب/ لما اقولك البنت تجيلي عند ماما يبقي تسمعي الكلام وانتي ساكته ومتعارضنيش
ولا دول بناتك لوحدك
نادين/ بااااس طالما بقي اعترفت انهم مش بناتي لوحدي يبقي تشيل معايا في مصاريفهم ولا هما بناتك بس لما تحب تتحكم فيهم
محمود/ اسمعي يانادين اسلوبك دا انا مبحبوش ومتوفقيش قصادي احسنلك
نادين/ لو مش عايزني أقف قصادك يبقي طلقني يامحمود
محمود/ ههههههههه الكلمة دي انا سمعتها منك كتير ومبقتش تأثر فيه خلاص
نادين / انا بتكلم بجد
طلقني وانا مش عايزة منك حاجه لا مؤخر ولا نفقه ومصاريف البنات انا متكفله بيهم قولت ايه
محمود / قولت تعقلي يانادين وسيبك من شغل الجنان بتاعك ده
نادين/ انت مش اتجوزت عايز مني انا ايه بقى دلوقتي
محمود / أطلقها عادي لو تحبي بس ترجعي لعقلك
نادين/ محمود مش هينفع نعيش مع بعض انا حاولت كتير مقدرتش
محمود/ انا لسه بحبك ومستحيل اديكي فرصة إنك تبعدي عني انسي
نادين/ بس مبقاش عندي ذرة حب ليك.....ازاي تقبل ع نفسك تعيش مع واحده مبتحبكش
: تفتح ياسمينه باب الشقة....وتدخل
ياسمينه / السلام عليكم
محمود/ وعليكم السلام....ازيك ياحبيبتي اخبارك ايه
ياسمينه وهي بتحاول تهرب من الموقف
ياسمينه/ الحمد لله.....ماما انا عندي مذاكرة كتير ممكن تعمليلي قهوة عشان اعرف أركز
محمود مسك ايدها وهي داخله الغرفة
محمود/ مش عايزة تسلمي ع بابا ياياسمين
ياسمين/ 😢حمدا لله.....علي سلامتك
محمود احتضنها بقوة وهي بيمسد ع شعرها
محمود/ وحشتي بابا اوي ياقلبي من جوه
نادين/ اقعدي مع بابا ياياسمين وانا هعملكو القهوة
..............
في المطبخ
تهاني/ انا ساكته أهو زي طلبتي مني
بس مش عاجبني اللي بتعمليه دا يانادين
نادين/ ليه بس ياماما
انا عايزة نفسية بنتي تبقي احسن
انا عمري م هستريح وهي مخاصمه باباها بالشكل ده مهما يكون المشاكل اللي بينا بس في النهاية دا أبوها ولازم يبقي في ود بينهم
تهاني/ انا مبتكلمش ع ياسمين
نادين/ تقصدي موضوع الفلوس يعني
تهاني/ انا هنزل تحت لعصام وهتكلم معاه بالراحة هو اكيد مش هيقبل ع نفسه ولا ع بيته الفلوس دي
نادين/ مها لو عرفت هتقلبه علينا ياماما انا مش عايزة ادخل مع عصام في أي مشاكل دلوقت انا عايزاه يقف في ضهري عشان أخلص من محمود عايزة أتنفس بقي 😢
تهاني/ طيب يابنتي براحتك
.....................
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
