الحلقة الثانية
#انا_واختي
#بوسي_مصطفي
☆☆☆☆☆☆☆☆☆☆☆☆☆☆☆☆
✏BOSY
: رجعنا القاهرة بعد كام يوم واتبسطنا اوى ف إسكندرية كان أول مره نصيف هناك كل سنه كنا بنصيف في السويس أو اسماعيلية لكن إسكندرية كانت حاجه تانية مكانش معكنن عليه غير موضوع سفر محمود ومعاملته ليه اتغيرت تماماً
قابلت مها صاحبتي وانا طالعه شقتنا ماهي ساكنه ف نفس العمارة اللي انا ساكنه فيها
مها/ حمدا لله. .علي سلامتك يادودو وحشتيني
نادين/ وانتي كمان وحشتيني اكتر. ..تعالي عايزة أتكلم معاكي شوية
مها/ لا تعالي انتي جوه
نادين/ معلش يامها راجعه تعبانه وبعدين أخواتك جوه انا عايزة اتكلم معاكي لوحدنا
مها/ طيب هقفل باب الشقة واحصلك ع طول
لحقتني مها وانا بفتح باب الشقة
دخلنا مع بعض
مها/ بسرعة بقى عشان ماما عازمه خالتي وعايزاني اساعدها
#في الوقت دا كان عصام خارج من الحمام اول م شافته مها
ههههههه صرخت ودارت وشها
عصام جري بسرعة دخل اوضته
مها/ مش تقولي يانادين إن اخوكي هنا
نادين/ ياسلام يااختي هو مش كان طالع قدامنا وانا بكلمك ع السلم
مها/ اه طيب يلا قولي عايزة ايه؟
نادين/ طب تعالي نتكلم جوه
#انا كنت عارفة إن في حاجه بين عصام ومها. ..إعجاب. .حب. .
معرفش بس كل م يشوفها أحس بنظرات كده غريبه شوية ههههه
أصل عصام بيتكسف اوي
دخلنا جوه فتحت الشباك وخلعت الحجاب وخرجت من الدولاب حاجه البسها لان الهدوم اللي كنت لابسها كانت مضايقاني
مها/ متخلصي بقي انا مش فاضيه
نادين/ اتخضيتي ليه لما شوفتي عصام
#اتلجلجت وهي بتكلمني وقتها اتأكدت من اللي كنت حاسه بيه
خبط عصام خبطه خفيفة ع الباب
عصام/ نادين محتاجه حاجه انا نازل تحت
مها/ طيب يانادين انا نازله بقي عشان ماما
نادين/ استني رايحه فين
#خرجت بسرعة ملحقتش أكمل كلامي معاها
عصام/ انا خارج ياماما محتاجه حاجه مني
تهاني/ لا ياحبيبي سلامتك
خرجت بسرعة اشوف ايه الحكاية طبعاً الست هانم واقفه تحت مع عصام ههههههه
بس كنت مبسوطه اوي
مها/ ازيك ياعصام اخبارك ايه
عصام/ الحمد لله
انتي اخبارك ايه يامها
مها/ كويسه انت اللي مبتسألش
اتبسطوا ف إسكندرية
عصام/ .نادين كان نفسها تكوني معانا هناك
مها/ ياريت ينفع بس انت عارف ماما بقي
عصام/ انا فكرت فيها وقولت كان مفروض جيتي معانا وانا كنت هبات مع واحد صاحبي بس كنت هسيبكو لوحدكو ف الشقة؟
مها/ لا طبعاً مينفعش. .
نادين / انا بقول تدخلي تشوفي مامتك جوه عشان متقلقش عليكي
أوحرج عصام واستأذن منها ونزل بسرعة
مها/ طيب يااختي اتبسطي دلوقتي
نادين/ هههههه خلصي واطلعيلي بسرعة عشان اشوف الحكاية دي !
مها/ حكاية ايه؟!
نادين/ وهو ينفع الكلام ع السلم بردو خلصي وتعالى
مها/ طيب يااختي. ..مش هنخلص من التحقيق بتاعك الليلة
نادين / جبتيه لنفسك عشان تبقي تخبي عليه تاني
مها/ انت محسساني اني عملت مصيبة كل ده عشان اخوكي قالي ازيك
نادين / متستهبليش
نزلتي جري ليه يامها
مها دخلت الشقة بعد مامتها نادت عليها
طلعت بسرعة لماما عشان كمان كانت بتنادي
تهاني / واقفه عندك بتعملي ايه
نادين/ كنت واقفه مع مها
تهاني/ هي مكانتش هنا دلوقتي ادخلي يلا
جرس التليفون يرن
نادين / دا ترانك ياماما اكيد محمود
جريت ناحية التليفون بسرعة كنت هقع بس لحقت نفسي رفعت السماعة بسرعة
نادين / الو ازيك يامحمود
محمود/ وحشتيني اوي يانادين
اخبارك ايه
نسيت كل اللي بينا قلبي اللي كان بيتكلم
نادين/ حبيبي انت وحشتني اوي. .انا كويسه انت اخبارك ايه
محمود/ تعبان اوى ياحبيبتي حاسس بالغربة. ..حاسس اني مليش حد ف الدنيا
حاولت اهديه بالرغم من اني كنت محتاجه حد يطبطب عليه بعد بعاده عني
نادين/ معلش ياحبيبي هي ف الأول كده. .بكره تتعود وبعدين مش هتنزل بعد سنه ولا رجعت ف كلامك
محمود / غريبه اوى فكرتك هتضايقي وتزعلي
نادين/ لا ياحبيبي مش انت مسافر عشان مستقبلنا هزعل ليه
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
