الحلقة السادسة عشر
#انا_واختي
#بوسي_مصطفي
.........................
داليا / انا نازله هادي بيتصل واقف تحت
ياسمينه / ماشي مع السلامة
داليا / ومالك زعلانه اوي ليه
ياسمينه/ عشان مش عايزة تساعديني
داليا / اساعدك في ايه يامجنونه انتي
اوعى حد يعرف أي حاجه عن الكلام اللي قولتهولي ده بلاش جنان
ياسمينه/ امشي يلا عشان انا مش طيقاكي
داليا / هههههه هكلمك لما اروح سلام
خرجت داليا بسرعة وبتفتح باب الشقة قابلتها نادين كانت لسه بتفتح باب الشقة هي كمان بس من بره
داليا / مساء الخير ياطنط
نادين/ مساء الخير ياحبيبتي رايحه فين
داليا / مروحه انا هنا من بدري
نادين / طب خليكي نتعشا مع بعض
داليا / معلش ياطنط مره تانية هادي اخويا واقف تحت
نادين/ اها هو اللي واقف تحت بالعربية ده
داليا ببتسامة/ تقريباً كده
نادين/'انا برضو استغربت وقولت دا واقف كده ليه وكنت لسه هتخانق معاه
داليا/ ههههههههه أصل ياسمينه آخرتني وهو دلوقت ع آخره مني
سلام بقي
نادين/ مع السلامة ياحبيبتي سلميلي ع ماما
داليا/ يوصل. ...سلام
عصام كان طالع علي السلم
عصام/ استني يانادين متقفليش الباب
نادين تجاهلته ودخلت الغرفة
تهاني/ تعالى ياعصام
عصام/ شوفتي بنتك سابتني ودخلت جوه حتي معبرتنيش بكلمة
تهاني/ جاي ليه ياعصام
عصام/ دا نصيب نادين من أرباح المصنع
تهاني/ نادين
نادين / نعم ياماما
تهاني/ تعالي شيلي فلوسك يابنتي
نادين/ كتر خيرك وتاعب نفسك ليه
عصام/ في ايه يانادين لو مش طيقاني أنزل عشان مضايقكيش
تهاني/ اقعد ياابني اتعشا معانا
ياسمين تعالي يابنتي ساعديني في المطبخ
ياسمينه/ حاضر ياتيته
عصام/ ازيك ياياسمين اخبارك ايه
ياسمينه/ الحمد لله....ياخالو
عصام/ مبروك ياحبيبتي معلش جات متأخرة
بس اعمل أي بقي في مامتك مش عايزة تصفي ونرجع زي الأول
نادين / بلاش الدخله دي ياعصام
عشان انا بقيت أخاف منك
عصام وقرب قعد جنب نادين / تخافي مني انا يانادين!
دا انا اخوكي
نادين/ م انا بقول بلاش أحسن
نتكلم في أي حاجه وخليك في حالك وسيبنا في حالنا
عصام/ والمصنع؟
نادين/'عايز تشتري نصيبي وتخرجني منه مش كده
عصام/ لا مقصدش
نادين/ اللي فارق معاك المصنع مش اختك بلاش نضحك علي بعض
عصام /'انتي ليه عايزة تفهميني غلط كأنك عايزة تزعلي وخلاص
نادين/ اسمع ياعصام نصيبي في المصنع دا مش هبيعه لو ع جثتي عايز
عصام/ أهدى بس مين جاب سيرة البيع دلوقت انتي بتفترضي حاجات محصلتش ولا هتحصل اصلا
تهاني/ في ايه بس يابنتي انتي ع طول عصبيه كده
نادين/ اعمل ايه بس ياماما
دا انا بقيت ماشيه أتلفت حواليه خايفه من كل الناس حتي اخويا مش حاسس بيه ولا عايز يساعدنى
عصام/ اساعدك في ايه بس يانادين
نادين/ تساعدني الاقي بنتي
عصام/: ازاي مش فاهم
نادين/ تقولي محمود اخدها وسافر بيها فين
عصام/ تاني يانادين م انا قولتلك معرفش
نادين/ تاني وتالت ومليون ومش هزهق ياعصام ولازم الاقي بنتي
عصام/ تصبحو علي خير
نادين/ شايفه ياماما بيتكلم بكل برود ازاي
عصام/ لا بقي انتي مبقتيش طبيعيه بجد....انا مش فاهم انتي عايزة مني ايه بالظبط
نادين/ عايزاك تنزل ياعصام تنام تحت وتريح دماغك مني وتسيبني في حالي
عصام/ يبقي اريح برضو....سلام عليكو
ياسمينه/ مش هتاكلي ياماما
نادين/ كولي انتي ياماما انا مليش نفس
ودخلت نادين تنام
ياسمينه/ شايفه ماما ياتيته بتعاملني ازاي
تهاني/ سيبي مامتك في حالها يابنتي وتعالى خلينا ناكل
ياسمينه/ أنا كمان مليش نفس تصبحي على خير
......................
...............
داليا/ انت يااخينا....يابشمهندس رد علينا.....انت ياسطي
هادي/ هههههههه عايزة ايه
داليا / ساكت ليه
هادي/ مركز في الطريق
داليا / حاسه إنك عايز تقول حاجه ومتردد
هادي/ ياسمينه أخبارها ايه
داليا/ اممم
هادي/ هو ايه اللي امممم؟!
بسألك عادي
داليا/ كويسه...الحمد لله
هادي/ مفيش أي أخبار عن أختها
داليا/ لا مفيش
هادي/ خلاص كده يعني الموضوع اتنسي وكأن محصلش أي حاجه
داليا / محدش يعرف أي حاجه وياسمين بتقول إن خالها عنده كل اخبار باباها بس في مصالح بينهم عشان كده ميقدرش يتكلم
هادي/ لا مش معقول دي مهما كان أخته واكيد لو عنده أي معلومة هيقولها
داليا / ياريت
بتشوف بابا
هادي / اكيد
داليا /:مبيسألش عليه؟
هادي/ كل يوم يسألني عليكي
داليا/ هو ينفع اروح اشوفه في الشركة
هادي/ وليه مش فالبيت
داليا / مش عايزة احتك بمراته
هادي/ ع فكرة دي طيبه اوي
انا بروح هناك عادي
داليا/ لا انا هروح معاك بكره اشوف بابا بلاش البيت عشان ماما ممكن تزعل
هادي/:وماما تزعل ليه
بالعكس هي اللي شجعتني اني أقرب من بابا واشتغل وأبقى جنبه عشان يحس بوجودنا فى حياته
داليا / اه
هادي/ اه ايه؟!
داليا / ركز في الطريق احسن
هادي/ ياسمينه مقالتلكيش حاجه عني
داليا / اشمعنه
هادي/ مجرد سؤال
داليا /'لأ
مجبناش سيرتك خالص
هادي/ داليا انا معجب ب ياسمينه وعايز أقولها
داليا / ايه؟!
هادي/ مالك اضايقتي ليه
داليا / لا ابدا بس انا كنت افتكرت انك نسيت الموضوع ده
هادي/ متحاولي تلمحي ليها من بعيد لبعيد وشوفي اي ردها
داليا / ياسمينه مبتفكرش غير في مذاكرتها وبس
وريح نفسك بقي
هادي/ ومالك متنرفزه ليه
داليا/ عشان شاغل نفسك بيها وهي ولا ع بالها وحتي لو اعجبت بحد مستحيل تكون أنت
هادي/ ليه يعني مستحيل أكون أنا
داليا/ عشان ياسمينه دماغها غيرنا خالص ومبتفكرش زينا كده
هادي/ انا مش فاهم منك أي حاجه ومش عارف انتي متعصبه ليه اصلا كلمة وقولتهالك ملوش لزوم بقي المحاضرة اللي سمعتهالي دي
وأنا ندمان اني كلمتك اصلا
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
