الحلقة 21
#انا_واختي
#بوسي_مصطفي
.............................
: في المحل
حنان بسخريه/ مكملتيش نوم ليه للصبح يااختي
نجوي/ انتي مش عايزاني أكل عيش بقى
حنان/ اللي يسمعك كده يقول إنك جايه من الصبح بدري مش جايه بعد العصر!
نجوي/ هي المدام جوه
حنان /:لا مجاتش النهاردة
نجوي/ طيب كويس
اومال مين اللي جوه
حنان / الأستاذ كمال جوز المدام ومعاه وليد أين أخوها
نجوي/ وجاي يعمل ايه الواد ده
حنان/ جاي بالبضاعة من المصنع
نجوي / امممم
وهي المدام مجاتش ليه
حنان/ بيقولوا تعبانه
نجوي / وجوزها بقي اللي جاي يسد مكانها
حنان / دا لسه جاي من شوية
نجوي/ شكله صغير اوي اللي يشوفه يقول أخوها الصغير
هههههههه
حنان / وطي صوتك يخرب عقلك لو حد سمعك هنروح في داهيه
نجوي/ يااختي هي الستات لما بتكبر مش مفروض تعقل ولا بتجنن وتروح تتجوز
دي بنتها بقت طولها
حنان/ يابنتي احنا مالنا خلينا في حالنا كلي عيش واسكتي
لو عايزة تعمري هنا يابنت خالتي لسانك دا يبقي جوه بوقك لحد متروحي البيت متخلنيش أندم اني كلمت المدام تشغلك هنا
نجوي / كل الرغي دا ليه
عشان بقول مكانش ليها الجواز في السن ده
حنان/ تاني!
يابنتي قولتلك اسكتي بقي ملناش دعوة
يخرج وليد وهو بيتكلم في التليفون
وليد/ خايف عمتي تزعل يابابا
عصام / تزعل من ايه دا شغل ياحبيبي مضيه بس ع إستلام البضاعة وملكش دعوة
وليد/ ولو رفض
عصام/ يبقي تجيني بالعربية زي م هي
وليد/ انا عارف اليوم ده مش هيعدي ع خير
عصام/'بطل كتر كلام يالا واقفل بقي
نظر وليد لحنان
وليد/'معندكوش حاجه هنا تتشرب الواحد ريقه نشف
نجوي بسخريه/ اطلبك سحلب ياوليد بيه
وليد/ أهلا هو حضرتك شرفتي
كنتي فين
نجوي/ مش شغلك هو انا شغاله عندك؟!
وليد / عندك حق بس انتي شغاله عند عمتي
ولا هو إن غاب القط ألعب يافار
نجوي/ لم لسانك يالا احسنلك
وليد / يالا؟!.
دا انتي وقعتك مهببه
انتي عارفة بتكلمي مين
حنان/ معلش يااستاذ وليد امسحها فيه المرادي
نجوي/ ليه يااختي هو هيعمل ايه يعني
وليد / انتي يابت جايبه طولت اللسان دي منين
نجوي/ بت أما تبتك!
أنت كنت اشترتنا يالا ولا ايه
وليد / يالا تاني؟!
واضح إنك عايزة حد يشكمك ويقطع لسانك ده
يخرج كمال من المكتب
كمال/ هو ايه اللي بيحصل هنا دا ياحنان
حنان/ مفيش يااستاذ كمال
أستاذ وليد بس بيحب يهرج معانا شوية
نظر كمال لوليد بغضب
وليد / جوز عمتي هتمضي ع إيصال إستلام البضاعة ولا ارجع بيها لبابا تاني
كمال/ قولتلك مش همضي ع حاجه وليد / يعني ارجع لبابا ولا ايه
هو مستنيني هناك
كمال/:زي م تحب عايز تخرج اتفضل
.............
نادين/ شوفتي ياماما عصام عمل ايه مع كمال
تهاني/ معلش يابنتي متزعليش
هو كمان عايز يتأكد إن الحاجه وصلت عندك واستلمتيها
نادين / ياريت الموضوع كده
عصام عايز يعملي مشكلة مع كمال ويضايقه
إيصال ايه اللي يمضي عليه عمري م مضيت ع حاجه لإنه عارف اني استلمتها لازمتها ايه المشاكل دي بقي
تهاني/ معلش كلمي اخوكي تاني
نادين/ دي رابع مره اكلمه ويقولي مش عاجبك متاخديش حاجه من عندي تاني
تهاني/ طب هاتي التليفون و انا اكلمه
نادين / 😢تعبت
تعبت منه ومن أسلوبه معايا وكمان قدام جوزي دلوقتي يقول ايه
أخوها مش مستامنها وبيمضيها ع استلام الحاجه اللي بتتورد للمحل من المصنع اللي انا اصلا شريكه معاه فيه يعني مش بتاعه لوحده
تهاني/ الو ايوه ياعصام انا ماما
عصام/ ازيك ياست الكل اخبارك ايه
تهاني/ انا كويسه ياابني
قولي مش عايز تنزل البضاعة عند اختك ليه.
عصام/ ماما الست بنتك عايزة مش عايزة تزعل البيه جوزها
قال ايه الأستاذ مش عايز يمضي ع إستلام البضاعة
تهاني/ ولازمتها ايه الإمضا دي ياابني ماهي أختك عندها خبر بالموضوع وهي اللي قالتله يروح يستلمها
عصام / وايه المشكلة لما يمضي
انا مش عايز بعد يومين ولا حاجه ترجع نادين تقولي في حاجه ناقصه من البضاعة
تهاني/ أخس عليك ياعصام هو جوز أختك هياخد حاجه برضو
دي هي اللي تحايلت عليه عشان يروح النهاردة وهو كان عنده شغل وعطل نفسه عشان اختك تعبانه ومش قادرة تنزل
عصام/ يمضي ياماما ورجله فوق رقبته مش عايز بلاش يبقي لما نادين تقدر تنزل المحل هجيلها بنفسى بالبضاعة. ..وقوليلها الف سلامة عليكي. .محتاجه مني حاجه ياماما
تهاني/ بضيق/ عايزة سلامتك
عصام/ سلام
وقفل التليفون
نادين/ قالك ايه ياماما
تهاني/ خليه يمضي يابنتي وخلاص
نادين بغضب/ برضو مفيش فايدة!
تهاني/ معلش قوليله ميزعلش دا شغل يابنتي
نادين بتنهيدة قويه/ حاضر
......................
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
