الحلقة الخامسة
#انا_واختي
☆☆☆☆☆☆☆☆☆☆☆☆☆☆☆☆
✏BOSY
نزلت تحت وانا مش شايفة قدامي اخدت ياسمينه وخرجت بسرعة
كانت بتعيط حاولت اهديها عشان متعملش شوشرة وكأني انا اللي غلطت
وقفت بالعربية بعيد عن البيت
صرخت وانا بعيط
ياسمينه اتخضت بعد م كانت هديت شوية
انا تعبانه وقلبي اتكسر من جوه مش لاقيه حضن حنين اترمي فيه
هديت شوية وفكرت اني ارجع الشركة
بس مش هينفع هرجع اقولهم ايه وكمان معايا ياسمينة
فكرت اروح لطنط نبيله مامت رانيا لحد رانيا م ترجع من الشغل
☆☆☆☆☆☆☆☆☆☆☆☆☆☆☆☆
✏BOSY
وفعلا روحت هناك. ..شوية ورجعت رانيا
رانيا / ومدخلتيش ليه طربقتي البيت فوق دماغه
نادين / كويس اني معملتش كده
رانيا انا مش عايزة دلوقتي غير أني أنزل مصر ولو عملت أي مشكلة معاه هيعند ويرفض ينزلني
رانيا/ يعني ايه هتسكتي
نادين / هسكت لحد م رجع مصر وبعد كده هطلب الطلاق
انا مستحيل أعيش معاه تاني
رانيا / لا دا عايز يضرب علقة موت عشان يحرم أبو عين زايغه ده
لأ وايه فى بيتك كمان
ايه البجاحه دي؟!
نادين / بصي انا جيتلك بس عشان اهدي اعصابي وأفكر لما ارجع افاتحه ف موضوع نزولي مصر ازاي
رانيا / هو دا كل اللي هامك
نادين/ عشان خاطر بنتي
انا مش هستحمل ياخدها مني
رانيا / لا متقلقيش اللي زي ده مبيحبش يشيل مسؤلية دا مهيصدق عشان ياخد راحته
نادين / مبقاش يهمني يعمل ايه
ميفرقش معايا في حاجه
رانيا / بتضحكي ع نفسك
اومال هاريه نفسك من العياط ليه
نادين/ بعيط ع نفسي
ع بيتي وع بنتي اللي اختارت ليها أب زي ده
انا ماشيه يارانيا عشان متأخرش
رانيا /:ابقي كلميني قوليلي عملتي ايه
نادين/ لما نتقابل ف الشغل بقي عشان مش هعرف اكلمك وهو موجود ف البيت
رانيا/ لو خرج ابقي كلميني مع السلامة خلي بالك من نفسك
خرجت من عند رانيا وانا بفكر هتعامل معاه ازاي
☆☆☆☆☆☆☆☆☆☆☆☆☆☆☆☆
✏BOSY
وصلنا للبيت أخدت بنتي في حضني وفتحت الباب
كان محمود قاعد قدام التليفزيون اول م شافته ياسمينه بسرعة وجريت ناحيته اخدها في حضنه ببتسامة
محمود / ايه اللي اخرك كده يانادين
نادين بضيق/:كان عندي شغل كتير النهاردة
محمود / طيب ياحبيبتي اطلعي استريحي وانا و ياسمينه هنلعب مع بعض مش كده ياقلبي
ياسمينه/ بس تخرجلي الاتاري عشان أوافق ألعب معاك
محمود/ ههههههه حاضر
نادين/ محمود انا كنت عايزة أنزل مصر
محمود /'اصبري عشان ننزل مع بعض
نادين/ لا انا هنزل لوحدي
محمود / نعم
نادين/ أقصد يعني خليك براحتك عشان الشغل
محمود / لا انا مصر وحشتني وبعدين لو نزلنا مع بعض هنعرف نخرج براحتنا هناك
نادين/ ماشي زي م تحب انا هطلع انام تيجي معايا ي ياسمينه
ياسمينه / انا هلعب مع بابا
طلعت استريح فوق مش قادرة ادخل الغرفة بتاعتي دخلت نمت في غرفة ياسمينه
[ دماغي هتنفجر من التفكير
اواجهه وساعتها هيحبسني ف البيت وهيعمل اللي هو عاوزه بردو
اسكت عشان اقدر اخلع انا وبنتي من حياته
😢اعمل ايه ..مش قادرة أفكر
نمت. ..هروب من اللي انا فيه
شوية وحسيت بمحمود داخل الغرفة ومعاه ياسمينه
قرب نيمها جنبي وانا عملت نفسي نايمه
محمود / نادين قومي ايه اللي منيمك هنا
مش طايقاه يلمسني عايزة أبعد أيده من ع أيدي ..
نادين/ محمود سيبني انام هنا
محمود /:ليه؟ !
نادين/ مبستريحش في الاوضة التانية
محمود / يعني ايه انام لوحدي
مردتش وغمضت عيني عشان انام
خرج وهو منفعل خرجت بهدوء اشوفه رايح فين
نزل يتكلم في التليفون وسمعته بيتكلم مع واحده وبيديها ميعاد
محمود / نص ساعة واكون عندك. ..سلام
رجعت بسرعة نمت جنب ياسمينه
رجع الغرفة لبس ونزل بسرعة
وقفت ف البلكونة من بعيد
لحد م ركب العربية وخرج من الفيلا لومت نفسي وحسيت ب الذنب
مش يمكن أكون أنا السبب
لا بس انا مستحيل اعرف أتعامل معاه تاني بعد اللي شوفته الصبح
أنت تقرأ
أنا وأختي👩👧👧
Literatura Femininaيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
