الحلقة الثامنة
#انا_واختي
#بوسي_مصطفي
عصام بانفعال/ قرب تعالي هنا
مها/ في ايه ياعصام
عصام/ انت قولتلي بقي إن ياسمينه بنت عمتك كانت واقفه مع زميلها ؟!
مها/ وابنك هيكدب ليه
عصام/ انا مقولتش إنه بيكدب
بس مقاليش إنها شافته وهو بيشرب سجاير
مها/ سجاير!
سجاير ايه.....البت دي كدابه عايزة تعمله مشكلة عشان جه قالك ع قلة أدبها
عصام/ مردتش يعني ياوليد
وليد بارتباك/ انا....أنا مبشربش سجاير يابابا
عصام / طب وريني كده
وكان عصام بيدور ع السجاير في ملابس وليد
مها/ شوفت بقي بنت اختك الكدابه
عصام ودخل جوه ... غرفة وليد
وليد واقف خايف ومضطرب
عصام خرج
عصام/ اومال ايه دي
وليد بيبتلع ريقه/ دي...دي مش بتاعتي يابابا
عصام وضربه بالقلم/ انت لسه هتكدب....ايه رأيك يامها بنت اختي كدابه مش كده ؟!
لعلمك بقي ياسمينه مقالتليش حاجه....اختها الصغيرة هي اللي شافته ومش هتكدب يعني
مها/ خلاص ياعصام آخر مره
عصام وسحب وليد من لياقة القميص وبانفعال/ بنت عمتك كانت واقفه مع زميلها وبيضحكوا مع بعض زي م قولتلي
وليد ساكت مبيردش
عصام وضربه بالقلم مره تانية/ بقولك بنت عمتك كانت واقفه مع زميلها
وليد😢/ لأ يابابا
مها نظرت بغيظ
عصام/ يعني كدبت عليه عشان تداري ع اللي عملتك السوده
وليد😢/ آخر مره يابابا
عصام/ مفيش مصروف ليك لمدة شهر
مها/ شهر كتير اوي ياعصام
عصام/ اخرسي انتي
وليد /وانا هروح المدرسة مشي ولا ايه
عصام/ تصحي من الساعة خمسه الفجر تصلي وتلبس وتنزل عشان تلحق الطابور
مها/ لا بقي دا كتير اوي
مقالك آخر مره
عصام / قولتلك اسكتي يامها سبيني اربي الواد اللي حيلتي بلاش دلعلك فيه دا اللي هيضيعه
مها/ خلاص سكت
يلا ياوليد ياحبيبي غير هدومك وتعالي عشان تتغدا
وليد/ لا انا هدخل انام
عصام/ مفيش نوم في مذاكرة
مش هتاكل تبقي تغير هدومك وتقعد ع المكتب تذاكر
وليد وجواه شحنة غضب لكن مش قادر يتكلم/ حاضر يابابا
فوق في شقة نادين
تهاني/ بعد كده لما تشوفي حاجه متجيش تقولي لحد غيري مفهوم
فيروزه/ يعني ياتيته يرضيكي اللي قاله وليد ده
ياسمينه/ بس لما اشوفو الصبح
مش هعديله اللي قاله دا ع خير
تهاني/ ملكيش دعوة بيه أبوه زمانه ظبطه تحت
ياسمينه/انا مش عارفة عملتله ايه عشان يقول عليه كده
وبعدين احنا اصلا ف المدرسة هناك ملناش علاقة بالولاد
وكلهم معلمات معندناش مدرسين رجاله خالص ولا حتي لينا صحاب هناك خالص
تهاني/ احسن حاجه ياريتك فضلتي هناك
فيروزه/ ماما اللي عاوزه كده
عشان نعيش بعيد عن بابا
تهاني/ لا يافيروز متقوليش كده ماما بتحبكو وعاوزه مصلحتك انتي واختك
فيروزه/ ماما بعدتنا عن بابا عشان كبرنا ومينفعش نشوف ونسمع خناقات بابا معاها
تهاني/ انتي بتجيبي الكلام دا منين
ياسمينه/ احنا كبار ياتيته مش صغيرين وماما تعبت من تصرفات بابا وقالت تبعدنا عن جو البيت اللي بقي يخنق ده
تهاني/ معلش يابنتي مامتك معذوره
فيروزه/ واحنا مش زعلانين منها ياتيته بالعكس احنا بنحب ماما اوي
تهاني/ ولازم تحبو بابا كمان
ياسمينه/ لا انا مبحبوش
ودخلت ياسمينه الغرفة
تهاني /'قوليلي يالمضه انتي اختك مالها
فيروزه/ اقولك ياتيته ومتقوليش لحد
تهاني / قولي سرك في بير
فيروزه بهمس/ أصل بابا مره كان جاي من بره شارب وبعدين
تهاني قاطعتها/ يعني ايه شارب دي
فيروزه/ في ايه ياتيته انتي متعرفيش يعني ايه ولا عايزة توقعيني ف الكلام
شارب يعني بيشرب حاجات وحشه
تهاني/ اه....وبعدين
فيروزه / ياسمينه بقي كانت قاعدة بتذاكر وماما نايمه فخرجت لبابا حاولت تسنده عشان كان هيوقع
فضربها كتير اوي وماما قامت ع صوت ياسمينه ومن يومها بقي ياسمينه مبتكلمش بابا
تهاني كانت حزينه وهي بتسمع الكلام دا من الصغيرة
تهاني/ طيب ساعديني ونضفي السفرة عشان تدخلي تذاكري
فيروزه/ حاضر بس تعمليلي عصير مانجه ماشي
تهاني ببتسامة/ ماشي يالمضه
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
