[٢٤/٩ ١٤:٤٩]
الحلقة 35
#انا_واختي
#بوسي_مصطفي
................................
📞
نادين/ طيب اتكلم معاها شوفها مالها
كمال/ قافله ع نفسها من وقت ماجت من بره....انتي هتتاخري ولا ايه
نادين/ خلاص جايه ياكمال
كمال/ انا بقول تيجي تتكلمي معاها انا مينفعش اتكلم معاها اكيد في حاجه محرجه تقولهالي والا كانت قالتلي لما سألتها
نادين/ حاضر جايه....
بتعمل ايه دلوقت
كمال / رجعت من المدرسة زهقان قولت أدخل المطبخ
نادين/ بتعمل اكل؟!
كمال/ايه رأيك....هتتغدوا من أيدي النهاردة
نادين/ ههههههههه طيب بلاش انا أكل معاكم عشان تلاقوا حد يتصل بالاسعاف
كمال/ كده طيب اقفلي
نادين / ايه دا انت زعلت ولا ايه ياكيمو انا كنت بهزر معاك
كمال/ لا خلاص انا زعلان
نادين/ لما أرجع هصالحك
كمال/ طيب تعالي بسرعة بقي عشان عصافير بطني بتصوصو وريحة الأكل خلتني اجوع اكتر
نادين/ لا بقي دا انا اجي في طيارة واضح إن الأكل يفتح النفس
بس نشوف حكاية ياسمين الأول
كمال/ سلام بقي عشان اشوف الأكل ليتحرق
............................
هادي بيفتح باب الشقة وداليا بتجري تلحقه
داليا ممسكه بيد هادي/ مش هندخل قبل متقولي في ايه
وايه اللي قولته لياسمين خلاها منهاره بالشكل ده
هادي/ بقولك ايه ياداليا انا تعبان اجلي الكلام في الموضوع دا لبعدين
مروة خارجه من المطبخ/ في ايه مالكو وواقفين عندكو بتعملوا ايه
داليا دخلت بسرعة
داليا بحزن/ معرفش ياماما أسألي ابنك قال ايه لياسمين عشان كانت بتعيط
مروة بقلق/ في ايه ياهادي
وقابلت ياسمين أمتي
هادي/ من شوية ياماما
واتفقنا ع كل حاجه
داليا/ ايوه اتفقتوا ع ايه
هادي/ مش هقدر أكمل في الموضوع ده
داليا قعدت مكانها وهي مندهشه
مروة/ يعني ايه مش هتقدر تكمل
مفهمتش
هادي/ يعني في حاجات أهم من الحب والارتباط ياماما
مروة/ أهم من ياسمين نفسها؟!
متقولي ياابني في ايه
هادي/ اتفضلي حضرتك اقري الخبر ده
مروة ممسكه الجريدة وبتقرا الخبر اللي عليه دايرة باللون الفسفوري
مروة/ كلام فارغ
هادي/ كملي للآخر
داليا/ ايه اللي مكتوب هنا يعني
مروة/ ياحبيبي اكيد في حاجه غلط
هادي/ هو فعلا في حاجه غلط وهما عمالين يداروا عنها
داليا/ هما مين انا مش فاهمه آي حاجه
مروة/ طيب هنفترض إن الكلام اللي مكتوب دا حقيقي ياسمين ايه ذنبها في ده
هادي/ وانا ايه اللي يضطرني اني أكمل في علاقة بالشكل ده
مروة / عشان بتحبها
هادي/ كدب مفيش حاجه اسمها حب هي غشتني وخدعتني ولو كانت قالتلي يمكن كان يبقي فيها كلام تاني لكن كده دا يبقى اسمه غش ياماما هي محبتنيش
داليا/ متظلمهاش ياهادي ياسمين حبيتك بجد
هادي/ خلاص الموضوع انتهي
داليا بدموع/ عشان خاطري بلاش تكسر قلبها متعملش كده ياهادي
دا ذنبها عشان حبيتك
ودخل هادي الغرفة وهو منهار وبيعيط😢
...................
نادين/ افتحي ياياسمين عشان خاطري يابنتي اطب اقولك تعالي نخرج نتكلم بره وقوليلي مالك
ياسمينه بانفعال/ سيبوني في حالي مش عايزة حد
نادين/ طيب قوليلي مين مزعلك
ردي عليه يابنتي متسبنيش قلقانه كده
كمال/ تعالي يانادين دلوقت وسبيها هي لما تهدي هتتكلم
ياسمينه وفتحت الباب
نادين بدهشه/ عامله في نفسك كل دا ليه يابنتي؟!
ياسمينه/ قوليلي ياماما هو بابا بيشتغل ايه
نظرت نادين لكمال وسكتت
ياسمينه/ م حد يرد عليه
سكوتك دا ملوش معنى غير إن الخبر اللي مكتوب صح
نادين/ خبر ايه؟
ياسمينه/ الخبر اللي مكتوب في الجورنال
كمال/ هاتي الجورنال ده نشوف مكتوب في ايه
ياسمينه/ للأسف مش معايا دا مع هادي هو اللي واجهني بيه الصبح
بابا بيشتغل في المخدرات ياماما
نادين بحزن/ معرفش
ياسمينه/ بتخبي علينا عشان منعرفش
نادين/ قولتلك معرفش
ياسمينه/ لسه باقي ايه معملوش عشان يدمر حياتنا
نادين/ وهادي يكلمك في الموضوع دا ليه
ياسمينه/ حقه ياماما يعرف هو كان مناسب مين
نادين/ كان؟!
ياسمينه / تفتكري في حد عاقل هيستمر في الارتباط من واحده أبوها بيتاجر في السموم دي
انا مش مصدقه اللي انا فيه اكيد دا كابوس صح
: نادين بتعيط
كمال/ اهدي بس يانادين مينفعش اللي بتعمليه في نفسك ده
نادين/ تعبت ياكمال تعبت
ياسمينه قعدت ع الأرض بحزن ودموعها ع خدها
ياسمينه / اشمعنه انا اللي يحصلي كده دا انا حبيته وقلبي اتعلق بيه
نادين بتمسح دموعها بحزن
ياسمينه/ هو انا مش هينفع أحب واتحب زي كل البنات ياماما
نادين/ ليه ياحبيبتي بتقولي كده
ياسمينه/ عشان بابا بوظ حياتنا
تفتكري حتي لو لاقيت الإنسان اللي يحبني بكل عيوبي دي هيستحمل اطباعي اللي بابا السبب فيها
كمال/ ياسمين انتي لازم تنسي اللي فات ده تعالي اقولك ازاي تقدري تفوقي من الصدمة دي
ياسمينه / معقولة هقدر أعيش وأكمل بعد كل اللي عرفته عن بابا
نادين/ ياحبيبتي دا مجرد كلام
وان شاء الله....يطلع كل دا كدب
ياسمينه / كدب ازاي بس ياماما م حضرتك عارفة إن التحقيق شغال وبابا تعبان في المستشفي اكيد اللي كان بيحاول يقتله دا من العصابة اللي بابا كان شغال معاهم
نادين/ هي فيروز لسه مجاتش
كمال/ اتصلي اطمني عليها
ياسمينه / قاعده جنبه بتخدمه دي لو عرفت حقيقته مش هطيق تبص في وشه
كمال/ بقولكو ايه انا جعان اوي مش هتاكلوا ولا ايه
ياسمينه / 😢مليش نفس
كمال بمزح/ لا نفسك هتتفتح لما تشوفي الأكل يلا قومي اغسلي ايدك وحصليني ع المطبخ مش هعمل كل حاجه لوحدي
ياسمينه/ مش هتقومي تريحي في اوضتك ياماما
نادين/ شويه اخد نفسي
ياسمينه احتضنت نادين وهي بتعيط/ ماما انا بحبك اوي
نادين/ وانا بحبكو اوي يابنتي مش عايزة اشوف دموعك ياياسمين
ياسمينه/😢غصب عني
نادين/ بكره يندم اوعى تزعلي نفسك ياحبيبتي
ياسمينه/ يندم علي ايه ياماما ؟!
هو معاه حق برضو...بس انا لسه بحبه😢
نادين/ بكره تنسي...تعالي نشوف كمال طابخ ايه جوه
ياسمينه ببتسامة وكمال خارج من المطبخ / الريحه تجنن شكلنا كده هناكل صوابعنا ورا الأكل دا
كمال / طب هاتي المياه والاطباق اللي جوه يلا
ياسمينه/ حاضر
نادين قامت وقربت من السفرة/ ايه دا ياكمال
كمال بحزن / اوعى تقولي ملكيش نفس
نادين/ انت عملت كل دا امتي؟!
كمال/ بصي بقي انا جهزت البشاميل والمكرونة وكنت مجهز البطاطس وظبط كل حاجه ودخلتهم مع بعض نسيت اقولك اني قطعت الفراخ الأول وتبلتها عقبال م البطاطس والمكرونة استوو لحقت الفرن بالفراخ وهو سخن
بس دوقي الأول وقولي رأيك
نادين/ تسلم ايدك ياحبيبي بس تعبت نفسك اوي
كمال وهو بيقبل ايدها/ تعبك راحه ياحياتي
ياسمينه خارجه من المطبخ/ احم...احم...نحن هنا يااستاذ
وبعدين راعي شعوري بقي دا انا لسه خارجه من صدمة عاطفية ومتخلنيش اعيط واكتءب تاني
نادين بخجل/ محصلش حاجه ياحبيبتي دا كمال كان بيدوقني الأكل
ياسمينه / ههههه ومالك مكسوفه كده ليه ياست الكل
خدوا راحتكو مفيش حد غريب
تورد وجه نادين من الخجل/ انا هدخل اغير هدومي
ياسمينه/ طيب بسرعة عشان الأكل دا هيتنسف دلوقت
كمال / طيب اقعدي وقولي رأيك
ياسمينه/ مفيش رأي بعد اللي شوفته انت مبدع يامستر في كل حاجة
كمال/ مش اوي كده يعني
ياسمينه / بلاش التواضع ده...عارف اني كان نفسي بابا يكون شبهك اوي
كمال بمزح/ اومال انا ايه يابنت
ياسمينه/ بابا ازاي يعني
طبعاً مينفعش عشان اللي هيشوفك عمره مهيصدق اني عندي بابا صغير كده
كمال/ هههههه حلوه بابا صغير دي نادين/ مبتاكلوش ليه
ياسمينه/ اخدني في الكلام عشان مخلصش الأكل
كمال/ ياريت تخلصيه عشان تدوقينا من ايدك بكره
ياسمينه وهي بتتذوق الطعام' امممم ايه ده
كمال بفزع/ في ايه
ياسمينه/ ههههههه روعه يااستاذ ايه العظمة دي محدش يقرب من الأكل دا انا بقول أهو
نادين/ ههههههههههه
كمال/ شكلك بتتريقي ياسمسمه خلصي أكل عشان عندنا مذاكرة كتير الليلة
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
