الحلقة 25
#انا_واختى
#بوسي_مصطفي
.............. .........
📞
هادي/ عشان خاطري ياياسمين متقفليش
ياسمينه/ 😢هادي انا مش فايقه للحوارات بتاعتك دي اقفل بقي
هادي/ طب اهدي بس وقوليلي بتعيطي ليه
ياسمينه/ ملكش دعوة
هادي/ ياسمين متقلقنيش قوليلي مالك يمكن اقدر اساعدك
ياسمينه/ هتعرفلي مكان اختي فين وتوصلني ليها
هادي/ هو دا اللي مزعلك
ياسمينه بتعيط ومبتتكلمش
هادي/ طيب انتي ب ايدك ايه بس
هي مش عايشه مع باباكي
ياسمينه/'اه
هادي/ يبقي متقلقيش عليها
مسيرها ترجع اكيد هتوحشوها وتيجي تشوفكو
ياسمينه/ بس بابا واخد الموضوع عند مع ماما عشان يضايقها
هادي/ طيب وانتي
ياسمينه / انا ايه
هادي / هتفضلي كده
ياسمينه/ مش فاهمه
هادي/ يعني هتفضلي كده منفضالي ومش عايزة تبلي ريقي ب أي كلمة
هي مامتك مكلمتكيش ولا ايه
ياسمينه / شوف احنا في ايه
وانت بتتكلم في ايه
هو دا بقي اللي قلبك عليه وخايف ع مشاعري
هادي/ ياسمين مش هينفع الكلام في التليفون
ا يه رأيك اعزمك بقي بكره و
قاطعته ياسمينه بحده/ نعم!
شوف ياهادي انا مش بتاعت خروج وعزومات والكلام دا فوق وشوف انت بتكلم مين!
هادي/ ههههههههههه
م انا عارف بكلم مين كويس اوي والا مكانتش ماما قابلت مامتك
ياسمينه/ ياابني شوف مصلحتك بعيد عني انا اصلا معقده ومنفعكش
هادي/ برضو عايزك ومش هسيبك
ياسمينه/ ياد يالزقه حل عني بقي!
هادي/ ههههههههه تعرفي انا كده متمسك بيكي اكتر من الأول
ياسمينه/"وله ياهادي انا جوعت ورايحه أكل سلام
هادي بمكر/ أفهم من كده إنك موافقه
ياسمينه بغضب/ انا قولت كده
هادي/ ههههههههههه
انا وماما والبت داليا جاينلكو بكره عشان نتفق بقي هنعمل الخطوبة فين عندنا ولا عندكو
ياسمينه/ انت بتقول ايه
هادي/ خير البر عاجله
يلا اقفلي عشان تعرفي مامتك اننا حاينلكو بكره....سلام
ياسمينه/ استني يامجنون انت بتقول ايه؟!!!!!
: نادين/ ياسمين مش هتيجي تاكلي يابنتي
ياسمين / حاضر ياماما جايه
اقفل ياهادي دلوقت
هادي / هههههه انا اصلا قفلت
سلام ياسمسمه
ياسمينه لنفسها / هو انا الظاهر هحبه ولا ايه؟!
داهيه ليكون بيتكلم بجد وجاي هو مامته بكره؟!
نادين / ياسمين جايه ولا ايه نظامك
ياسمينه/ حاضر ياماما جايه أهو
نادين/ اومال ماما فين
كمال/ يمكن تكون نايمه
نادين/ شوفي تيته نايمه جوه كده ياياسمين
ياسمينه بتقعد ع السفرة/ لا تيته نزلت تحت
نادين/ تحت فين
ياسمينه / عند خالي
.............................
عصام/ اطلع فين ياماما؟!
مها/ وكمان هيطلع يعتذرلها ياطنط
تهاني/ مها ممكن تخرجي نفسك من الموضوع
أظن انا بتكلم مع ابني
مها/ وبنتك هزأت مرات ابنك دا وضربتها
تهاني/ انا عارفه بنتي كويس وعمرها متهزأ حد إلا إذا كان يستاهل
مها/ بقى كده ياطنط
؟!
سامع ياعصام؟!
تهاني/ قول لمراتك تدخل جوه ياابني لحد مخلص كلامي
مها/ انتي كمان جايه تتحكمي فيه في بيتي
تهاني/ بيتك!
عصام يغمز لمها/ ادخلي جوه دلوقت يامها
مها بغضب/ حاضر بس انا ليه حق عند الست والدتك ولازم تجيبهولي
تهاني/ متخليه يضربني قلمين احسن
قامت مها ودخلت الغرفة
تهاني/ عصام ياابني انتو أخوات متخليش حد يدخل م بينكو
عصام/ نادين ياماما هي اللي زودتها امبارح مع مها وهي اللي بدأت بالضرب
تهاني / هو انتو لسه عيال ياحبيبي انت الراجل ولازم تستحمل اختك
مش كفاية اللي هي فيه
دا بدل م توقف جنبها وتبقي راجلها انت اللي تيجي عليها بالشكل ده
عصام بسخريه/ راجلها ليه
مش كفاية عليها الأستاذ كمال!
تهاني/ الراجل محترم وذوق ومشوفتش منه أي حاجه وحشه انا معرفش ليه مبتحبوش
عصام/ أحبه ولا أكرهه مش دا موضوعنا
تهاني/ ايوه خلينا في موضوعنا
أختك ياحبيبي تعبانه ومحمود افترا عليها كتير ياعصام عشان خاطري ياابني كفاية اللي هي فيه واطلع راضيها بكلمتين وخدها في حضنك انتو ملكوش غير بعض
عصام/ حاضر ياماما
تهاني/ انا هطلع وانت شوية كده وتيجي ماشي
عصام/ اللي تشوفيه ياماما
.............................
أنت تقرأ
أنا وأختي👩👧👧
Chick-Litيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
