: الحلقة الثانية عشر
#انا_واختي
#بوسي_مصطفي
.............
في شقة مروة
داليا/ بسرعة بقي ياماما عشان عصافير بطني بتصوصو
مروة/ دا بدل م تيجي تساعديني
داليا/ ايه يامرمر مالك قافشه ليه كده من الصبح
مروة / بطلي بكش بقي وادخلي صحي اخوكي اللي مش عايز يصحي ده
داليا/ طب واحنا محتاجينه في حاجه. .....خليه نايم
مروة/ لا ادخلي صحيه عشان ياكل وبعد الغدا عايزة اتكلم معاه في موضوع مهم
داليا/ موضوع ايه ده. ...ومن ورايا ياهانم دا انتو بتستغفلوني بقي هههههههه
مروة / متعرفيش تاخدي أي حاجه جد دايماً كده كل حاجه بتهزري فيها
داليا/ بصراحة يامرمر بتخنق من الناس الخنيقه اللي حياتهم كلها جد كده ومبيضحكوش خالص زي ياسمينه كده ههههههه
مروة/ عشان مبتحبش الدلع وعاقله
داليا / عاقله اوي
دي هتجنني
مروة/ هى أخبارها
داليا / كويسه أهي قاعده في البيت إقامة جبريه
مروة/ ابقي كلميها تيجي تقضى يوم معانا
داليا/ لا كده الموضوع محتاج تصريح من خالها وجدتها
مروة/ البنات دول صعبانين عليه
داليا / عارفة ياماما بالرغم إن انفصالك عن بابا وجعنا اوي وتعبنا نفسياً انا وهادي
لكن احنا حياتنا أفضل من ياسمينه
مروة/ ليه ياحبيبتي مش باباها ومامتها عايشين مع بعض
داليا / للأسف
مروة/ ليه بتقولي كده
داليا / عشان وجود باباها في حياتها عملها عقدة نفسيه مش عارفين يفهموا بعض ودايما في مشاكل بينهم
مروة/ طيب ادخلي لهادي بقي عشان ميتأخرش ع بابا
داليا /:هو هادي عنده ميعاد مع بابا
.................
فى شقة سوسن
عمر/ اختيارك بقي ولا دا كان رأي مامتك
تليفون ياسمينه يرن
ياسمينه/ لحظة ي عمر اشوف مين اللي بيتصل
عمر / مامتك اللي بتتصل
ياسمينه ب ارتباك / لا دي واحده صاحبتي
كنا بنقول ايه؟
عمر/ كنت ب سألك مين اللي اختارلك القسم الأدبي....عمتي
ياسمينه/ لا ماما ملهاش علاقة بالموضوع ده وعمرها مدخلت في اختياراتنا هي بس بتوجهنا وفي الآخر كل واحد بيعمل اللي هو عايزة وحابه
عمر/ يبختك
ياسمينه/ أفهم من كده إنك م اخترتش دراسة الهندسه ومامتك وباباك اللي اجبروك ع
عمر/ ههههههه لا مش لدرجادي بس لو قولتلك لأ برضو يبقي بكدب عليكي ماما كانت دايماً تقولي عايزك تطلع شاطر لخالك محمود واشوفك مهندس زيه
ياسمينه/ وقد كان يابشمهندس
بس دا مش صح انت لازم تختار بنفسك دي حياتك ومستقبلك
عمر/ دماغك أكبر من سنك اوي ي ياسمين
ياسمينه / ليه عشان بقولك الصح
عمر/ تعرفي اني لحد دلوقتي معرفش انا عايز ايه أو كنت حابب ادرس ايه من يوم م تولدت لحد دلوقتي بسمع كلام اللي أكبر مني عشان شايفهم انهم صح
ياسمينه / مين قال إن كلام اللي أكبر مننا دايماً بيكون صح
سيبك من عقدهم وكل واحد كان نفسه يطلع حاجه ومحققش حلمه
فغصب عننا بقي لازم نحقق أحلامهم
عمر/ مش هتردي ع اللي بيتصل بيكي
ياسمينه/ قولتلك صاحبتي وانا مبحبش اتكلم معاها إلا لو كنت لوحدي
عمر/ هههههه يعني انسحب انا بقي
ياسمينه/ لأ مقصدش بس. ..
قاطعها عمر/ هشوف ماما. ..بتنادي
ياسمينه/ ماشي
.........
في شقة مروة. ...في غرفة هادي
داليا / م حضرت صاحي أهو اومال مبتردش ليه
هادي/ نعم عايزة ايه
داليا / امممم. ....مكالمة مهمه مش كده
هادي/ دا الواد معتز مش عايز يرد تلاقيه بياكل
داليا/ ريح نفسك تلاقي طنط تهاني جمبها
هادي/ طنط تهاني مين؟
داليا بمكر/ جدة ياسمين
هادي/ وحد جاب سيرة ياسمين دلوقت
داليا بغمز/ اطلع ياحبيبي ماما عايزاك في موضوع مهم
هادي/ هههههههه مالك يادودو
بتغمزي ليه
داليا / ياعم وانا مالي
بس ريح نفسك ياسمين مش جايه معانا السينما
هادي/ ليه
داليا/ كالعادة جدتها وخالها مش هيوافقوا اصلا تخرج من البيت
م بالك بقي لو قالتلهم إنها رايحه السينما
هادي/ خلاص مفيش مشكلة
داليا / طيب يبقي انا وانت نروح بقي لوحدنا كده من غير عزول ياحبيبي
هادي/ هههههه ومين قالك انى هروح اصلا
داليا / نعم.....ليه بقي
هادي/ عندي ميعاد مهم
داليا / انا ولا أصحابك الابقي ليك
هادي/ هههههههه صحابي طبعاً واطلعي بقي عايز اغير هدومي
...............................
حاتم / ياض دول خمس تلاف جنيه
مش هتقدر تقلب أبوك فيهم؟!
وليد/ ياابني ابويا منشفها معايا ع الآخر ولو عرف اللي فيها مش هيبقى فيها سفر اصلا
حاتم/ اومال فين فلوس الدروس الخصوصية ياض
هو أبوك مبيحوش من وراكو ولا ايه
وليد/ الظاهر كده
حاتم/ بقولك ايه المركب هتطلع بعد بكره الفجر لو مجبتش الفلوس مش هتسافر معانا
وليد/ هديهوملك لما نسافر مع بعض واشتغل هناك
حاتم/ انت فاكر اني هاخد الفلوس دي لنفسي
ياحبيبي الفلوس دي اللي هياخدها الراجل اللي هيسفرك
وليد/ كان نفسي اطلع من البلد دي واشوف الدنيا.....هي إيطاليا حلوه زي م بنسمع عنها ولا ايه نظامها في الشغل
حاتم / لو جبت الفلوس هتشوفها
وليد/ انا نفسي أخرج من البلد دي واسيب المدرسة دي انا اصلا مليش في التعليم والكلام ده
انا مستقبلي مش هنا
حاتم/ أتصرف في الفلوس وانا هستناك متنساش بعد بكره الفجر واوعي حد ياخد خبر بالموضوع ده
سلام
..........
ياسمينه/ قولتلك كنت عند عمتي ومعرفتش اكلمك
وبعدين انت مش شايف إنه مينفعش اصلا نتكلم مع بعض
هادي/ ليه ياياسمين هو احنا مش اتفاقنا إننا نتكلم ونسأل ع بعض
ياسمينه / ايوه نسأل ع بعض ليه
مش شايف إن الموضوع دا غريب شوية
هادي/ انتي في مقام داليا اختي وانا يعني
قاطعته ياسمينه/ اسمع ياهادي انا مش اختك ولا قريبتك عشان تكلمني ومفيش سبب يخلينا نخرج مع بعض اصلا
هادي/ هو احنا هنخرج لوحدنا ماهي داليا هتكون معانا وكمان اختك هتيجي معاكي
ياسمينه/ ولو عرفت إن داليا بتخرج هي كمان مع واحد بيقولها إنك زي اختى هتعمل ايه
هادي / نعم!
ياسمينه/ انا بفترض يعني
دا طبعاً عمره م حصل بس مردتش عليه يعني
هادي/ ياسمين انتي مش واثقه فيه؟ .
ياسمينه/ لا طبعا ولو وثقت فيك مفروض تخاف مني. .....انا معرفكش عشان تقولي كده
هادي/ خلاص ياياسمين واضح إنك مش حابه إننا نبقي أصحاب براحتك
ياسمينه/ لما تقبل إن اختك تصاحب يبقي وقتها اتصل واقنعني بوجهة نظرك
هادي/ طيب. .....سلام
ياسمينه/ سلام😏
................
فيروزه/ أول وأخر مره ياتيته اروح هناك
تهاني/ خلاص بقي مكونوش كلمتين قالتهم عمتك
ياسمينه/ هما كانوا كلمتين ؟!
وبعدين كله منك ومن لسانك الطويل جيبتلنا الكلام
فيروزه/ خلاص خلصتي المكالمة المهمه بتاعتك وجايه تقولي كلمتين ملهمش لازمه
ياسمينه/ هي جدتي وعمتي بيكرهوا ماما ليه ياتيته؟ .
هي عملتلهم ايه؟
تهاني / مامتك عمرها معملت حاجه وحشه في أي حد
بالعكس عمرها مردت ولا اخدت حقها من أي حد هانها
فيروزه/ بس دول بيكرهوا ماما اوي حتي مش عارفين يداروا اللي جوه قلوبهم من ناحيتنا
تهاني / خلاص قفلوا ع الموضوع ده وخلينا في المهم
فيروزه/ بالحق ياتيته مين اللي جه هنا واحنا بره
تهاني/ محدش جه يابنتي
فيروزه/ لا انا شوفت طافية سيجارة فالبلكونة
ياسمينه/ تلاقي تيته كانت بتاخدلها نفسين
فيروزه/ هههههههههههه
تهاني/ بقي كده ياياسمين بتألسي عليه
ياسمينه/ بهرج ياتيته اضحكي بقي
تهاني/ تلاقيه وليد ابن خالك أصله جه هنا واتغدا معايا
حسابك معايا
ياسمينه / غريبه يعني
ايه اللي جابه
تهاني/ أهو جه قعد معايا شوية ودخلت المطبخ اجهز الأكل وسيبته قاعد قدام التليفزيون
فيروزه/ انا داخله انام تصبحو ع خير
................
بعد كام يوم
صفاء/ في ايه يامحمود. ..مش هتنام بقى
محمود / لا سهران شوية
صفاء/ ايه اللي شاغل بالك
محمود/ مفيش
صفاء/ اومال في ايه مش عايز تنام ليه
محمود/ نامي ياصفاء ومتشغليش بالك
...........
📞
نادين/ لا م انتي لازم تقوليلي عايزه اجيبلك ايه معايا وانا نازله
فيروزه/ عايزاكي ترجعي لينا بالسلامة ياماما
نادين/ طيب يابكاشه هههههههه
هيشتريلك بقى ع ذوقي
فيروزه/ ههههههه اوك ياماما وانا واثقه في ذوقك
نادين/ اوعى تكون اختك تعبانه ومش عايزة تقوليلي
فيروزه/ لا هي من وقت م بدأت دروس وهي بتنام بدري
نادين / طيب اقفلي بقى عشان تنامي انتي كمان وسلميلي ع تيته كتير
فيروزه / خلاص هتقفلي ياماما😢
نادين/ مش عايزة اقفل معاكي ياقلب ماما بس انا عندي شغل الصبح بدري ولازم أسلم أوراق مهمه لشركة عشان خلاص بقي هسيبها وأنزل أعيش معاكو ومش هسيبكو ابدا ياروحي
فيروزه/ تصبحي ع خير ياماما😢
نادين/ متناميش وانتي معيطه ماشي
فيروزه/ ماشي
نادين/ مع السلامة ياقلبي
الباب يخبط
نادين/ أدخل
محمود/ انتي لسه صاحيه
نادين/ كنت بخلص شوية شغل قبل م سلمه بكره
محمود بسخريه/ كنت عايز اتكلم معاكي لو معندكيش مانع يعني
نادين/ خير يامحمود
محمود/ طبعاً هتشتري هدايا وانتي نازله
نادين/ لو معندكش مانع يعني
محمود/ لا طبعاً براحتك بس انا كنت عايز اشترى شوية حاجات لماما ولسوسن اختي
نادين/ طب م تشتري براحتك ايه المشكلة
محمود/ المشكلة فالفلوس
نادين/ اه.....هو الموضوع كده بقي
محمود/ اعتبريهم سلف وهردهوملك اول م نرجع مع بعض
نادين/ بس انا فلوسي ع قدي و
قاطعها محمود/ قولتلك سلف وبعدين دا شرطي عشان تنزلي
نادين/ عافيه يعني؟!
محمود/ متكتريش في الكلام
وهاتي اللي معاك
انتي عارفة كويس اني اقدر اخد اللي انا عايزة بس قولت اقولك الأول
نادين/ عايز كام
محمود/ خمسة آلاف
نادين/ نعم!
دا مبلغ كبير وانا كل اللي معايا ألفين كنت هشتري بيهم حاجات للبنات
محمود/ خلاص هاتيهم
نادين/ بقولك هشتري
: بيهم حاجات للبنات
محمود/ يبقى مفيش نزول
نادين بحزن / 😢خلاص نقسمهم بينا
محمود/ لا كلهم وبعدين البنات مش ناقصهم أي حاجه م انتي كل شهر بتبعتي فلوس قد كده لمامتك بتروح فين
نادين/ انت كمان هتحاسبي ع الفلوس اللي ببعتهم للعيال مش كفاية إنك مبتصرفش عليهم ولا مليم
انا اللي مفروض أسألك فلوسك بتروح فين يامحمود ليك بيت تاني غير ده
محمود/ مش شغلك وهاتي بقي اللي معاكي عشان هنزل بكره اشتري وانتي هتيجي معايا عشان تشتري ع ذوقك
............
مروة/ عملت ايه مع باباك. ..كلمته فالموضوع اللي قولتلك عليه
هادي وفي أيده الموبايل/ قالي سيبني كام يوم أفكر
مروة/ يعني ملقكش أي حاجه تانية
هادي/ لأ
مروة/ سيب اللي في ايدك ده وكلمني
هادي/ م انا بكلمك أهو ياماما
مروة/ ايه اللي مضايقك
اوعى تكون مرات باباك كلمتك بطريقة وحشه
هادي/ لا بالعكس كانت ذوق اوي وكمان كانت عايزاني اقعد اتعشا معاهم
مروة/ غريبه يعني دي عمرها معملتها بس سيبك من كل ده وقولي ايه اللي مضايقك
هادي / زهقان
مروة / عشان كده قولت تروح لباباك يشوفلك شغل في الشركة ولا حتي يديك فلوس تعمل مشروع
هادي/ ماما هو انا ممكن اتكلم معاكي بصراحة
مروة/ طبعاً ياحبيبي.....قولي بقي قلقتني
هادي/ هو ينفع شاب في سني يرتبط ببنت بيحبها
مروة/ هههههههه هو دا الموضوع بقي
هادي/ هو يضحك اوي كده
مروة / ههههههه مش لما تشتغل الأول ولا هتتقدملها وانت كده
بس قولي هي مين😉
أعرفها يعني
هادي/ ياسمين
مروة بدهشه/ ياسمين مين
اوعى تقولي صاحبة اختك
هادي/ هي ياماما
مروة/ هههههههههههههههه
هادي/ انا مش فاهم حضرتك بتضحكي ع ايه
مروة/ انت مش شايف إنها صغيرة اوي عليك ههههههه
.............
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
