الحلقة 28
#انا_واختي
#بوسي_مصطفي
.....................................
في إيطاليا
وليد/ وانا هروح فين
محمود/ دا العنوان اللي هتروح عليه
هتلاقي واحد اسمه على توفيق
قوله إنك من طرفي والباقي مكتوب عندك في الورقة هو هيعمل معاك الواجب
وليد/ طيب و الراجل اللي مات ده هنعمل ايه فيه
محمود/ ملكش فيه
انت طالما رافض ترجع معايا مصر يبقي تروح ع العنوان اللي مكتوب عندك في الورقة
والفلوس دي هتمشي نفسك بيهم لحد م تشتغل
يلا سلام
وليد/ مع السلامة
فيروز داخل العربية/ 😢هو وليد مش جاي معانا يابابا
محمود / لا يافيروز امسكي الشنطة دي وخليها تحت رجلك
فيروز/ حاضر
استقل محمود السيارة وابتعد عن المنزل ( القصر)
فيروز/ هو ايه اللي حصل جوه يابابا
محمود/ فيروز احنا هنرجع مصر
عايزك تنسي كل حاجه
انتي مشوفتيش ولا سمعتي حاجه الليلة مفهوم
فيروز بخوف/:مفهوم يابابا
بس احنا رايحين فين
محمود/ شوية وهتعرفي
بعد دقائق
يوقف محمود بالسيارة
نبيل ( أحد أصدقائه )/ محمود باشا أخيراً وصلت
حمدا لله....علي السلامة
محمود/ كويس اني قدرت أوصل
نبيل/ ليه في حاجه حصلت في الطريق؟
محمود / هقولك بعدين
نبيل/ العبارة هتطلع بعد شويه وكله تمام
محمود/ اوك بس اركنلي العربية
أنزلي يافيروز
فيروز تنظر حولها / احنا فين يابابا
محمود/ هنركب السفينه دي اللي هتوصلنا مصر
فيروز بفرحه/'بجد يابابا
نبيل/ انا شوفتلك اوضه جوه عشان تنام فيها الجو يرد ومش هينفع تتسطح ع ضهر السفينه
خصوصاً إن معاك الامورة الصغيرة دي
محمود/ اوك يلا بينا يافيروز
حاسبي ياحبيبتي لتوقعي
فيروز/ بابا الجو برد اوي
نبيل/ تعالي يامحمود جوه
اخده نبيل لغرفة داخل السفينه
نبيل /:ايه رأيك
محمود/ كويسه أهي تقضي الغرض
فيروز/ بابا انا بردانه اوي
خلع نبيل الجاكت
نبيل/ البسي دا هيدفيكي
محتاج مني حاجه يامحمود انا هقعد بره
محمود/ متشكر اوي يانبيل
فيروز/ احنا هنفضل هنا كتير يابابا
محمود / فيروز ممكن تنامي وتسبيني عشان انا كمان تعبان وعايز انام
فيروز / حاضر
................ ......
في اليوم التالي في المساء
مروة/ اومال ماما فين ياياسمين
ياسمينه بحزن/ تعبت شوية ودخلت جوه
مروة/ طيب ياحبيبتي
مش عايزة أي حاجه منى
ياسمينه / متشكره اوي ياطنط
داليا/ ياسمين لو محتاجاني في حاجه انا ممكن ابات معاكي
ياسمينه / متشكره ياداليا
انتو تعبتوا اوي معانا النهاردة
مروة / متقوليش كده ياياسمين
احنا أهل ياحبيبتي وطنط تهاني كانت غاليه علينا اوي
ياسمينه/ 😢
داليا /'متزعليش ياياسمين هي بتحبك متعذبهاش بعياطك ده
ياسمينه / وحشتني اوي ياداليا
كانت بتسيب سريرها وتيجي تنام جنبي
داليا/ 😢
ياسمينه/ كنت بقولها انا عايزة انام براحتي ياتيته
تقولي يابت انا بتونس بيكي عايزاني انام لوحدي ليه😢
أهي راحت وبقت لوحدها
وسبتني انا كمان لوحدي
مروة/ ياسمين مش كده ياحبيبتي انتي دموعك منشفتش من الصبح
قومي اغسلي وشك وكلي أي حاجه انتي تعبتي اوي النهاردة ومفيش لقمه دخلت بوقك
ياسمينه/ أكل من غير تيته😢
مروة/ قوميها ياداليا تريح جوه في اوضتها
الوقت اتاخر وخلاص محدش هيجي تاني
كان كمال وهادي داخلين من باب الشقة
مروة لكمال /'البقاء لله
كمال/ سعيكم مشكور
معلش ياجماعة تعبناكو معانا النهاردة
هادي/ متقولش كده يااستاذ كمال
طنط تهاني كانت في مقام جدتي بالظبط
ياسمينه بتبكي
كمال/ كفاية بقي ياياسمين
مروة/ قولها دي هاريه نفسها من العياط وعلى الحال دا من الصبح
كمال/ اومال فين ماما ياياسمين
ياسمينه / ماما جوه
مروة/ ادخل أطمن عليها يااستاذ كمال واحنا هنستأذن بقي...يلا ياهادي....يلا ياداليا
كمال/ لا مش هينفع
هنتعشا مع بعض
هادي/ معلش مش هينفع برضو
عشان نسيبكو تستريحو
ياسمين هبقي اكلمك أطمن علي طنط
هزت ياسمينه راسها بحزن
أنت تقرأ
أنا وأختي👩👧👧
Literatura Femininaيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
