أنا وأختي👩‍👧‍👧

الحلقة ١١

#انا_واختي
#بوسى_مصطفى
الحلقة ١١

تهاني/ ميستهلش دموعك يابنتي
نادين/ ماما عشان خاطري سبيني دلوقتي انا تعبانه ومش حاسه بنفسي
تهاني/ نادين. .....نادين يابنتي ردي عليه
عصام اتصل بجوز اختك شوفها مالها
عصام/ في ايه ياماما
تهاني/ بكلمها مبتردش اتصل ليكون جرالها حاجه
ياسمينه/ 😢ماما مالها ياتيته
حصلها ايه
تهاني/ ايه ياعصام مبيردش
عصام / لا ياماما
ياسمينه تعالي يابنتي قوليلي
ياسمينه/ 😢نعم ياخالو
عصام/ عندك اي رقم لحد من جيرانكو هناك
ياسمينه / اه معايا
هات الفون كده
اخدت ياسمينة التليفون خرجت الرقم
مدام علياء / ياسمينه مين
ياسمينه / انا ياسمينه ياطنط اللي ساكنين قصادكو بنت البشمهندس محمود اللي
قاطعتها علياء/ ايوه ياحبيبتي افتكرتك. ..خير في حاجه يابنتي
ياسمينه/'معلش ياطنط هتعبك
ممكن ترنيمة الجرس ع ماما هي ف الفيلا اطمني عليها عشان بنتصل مبتردش وبابا كمان مبيردش
علياء/ بس باباكي ومامتك عزلوا بقالهم كام يوم
ياسمينه/ عزلوا!
عزلوا راحوا فين؟
علياء/ معرفش هو دا اللي سمعته عشان البواب  كان جايب زباين للفيلا وسألته قالي عزلوا
ياسمينه/ طيب ياطنط متشكره
: تهاني/ قالتلك ايه
ياسمينه/ ماما وبابا عزلوا
عصام/ طيب هتصل تاني يمكن يرد
.......................

صفاء/ لا انت كده بتغش دا خامس ولد يجيلك
محمود/ قولي إنك خايبه ومبتعرفيش تلعبي
صفاء/ طيب نلعب فوره غير دي
محمود' لا انا خلاص فصلت وهناااااام
صفاء/ محمود. ..محمود شوف تليفونك الشاشه منوره
محمود/ اه أصل انا عامله سايلنت عشان محدش يزعجنا
صفاء/ طيب هاتو اقلب فيه شويه
محمود واخد الفون منها/ محبش كده. ...نادين نفسها عمرها معملت معايا كده
صفاء/ طب ومالك خايف ليه؟!
محمود/ وهخاف من ايه
صفاء/ انت بعت حواله لمامتك النهاردة
محمود/ حاجة متخصكيش
ومتمسكيش موبايلي تاني ونامي بقي
محمود بدهشة/:أي كل المكالمات دى
ياسمينه!
وبسرعة بيتصل / الو
ياسمينه / خالو دا بابا.. كلمه
عصام/ أيوه يامحمود انت فين يااخي
محمود/ خير ياعصام البنات كويسين
عصام/ كويسين. ..نادين عامله ايه
محمود/ نايمه ف اوضتها كلمها
عصام/ بتصل مبتردش. ..ماما كانت بتكلمها وفجأة قفلت وهي منهاره
محمود/ طيب هدخل اشوفها
عصام / ابقي اتصل طمنا

خرج محمود وبيخبط ع باب غرفة نادين ويدخل.
نادين واقعه ف الأرض مغمي عليها جرى ناحيتها بلهفه
محمود / نادين فوقي
حملها ووضعها ع السرير
صفاء/ تلاقيها نايمه سيبها للصبح
محمود/ هاتي كوباية مياة من عندك
قربت صفاء / اتفضل
محمود بيحاول يفوقها
نادين بتفتح عيونها / انتوا مين
صفاء بسخريه/ هههههه المدام شكلها كانت شاربه حاجه ومقدرتش تمسك نفسها ووقعت بالشكل ده
نادين/ انتي ايه اللي جايبك هنا
صفاء/ شوفت. ..أهي فاقت اهه
تصبحو ع خير
محمود/ قلقتيني عليكي يانادين
نادين/ اطلع وسيبني لوحدي
محمود / كلمي اخوكي طمنيه عليكي
نادين بصراخ/ قولتلك أخرج بره
محمود/ يعني انا الحق عليه اللي جريت عليكي كنت خايف يكون حصلك حاجه
نادين/ تخاف عليه ليه
محمود / عشان انتي مراتي حبيبتي
ضحكت نادين بسخرية/ مراتك ومصدقاها بس بلاش حبيبتك دي يامحمود عشان مش طالعه من قلبك
محمود / يبقي متعرفنيش اللي فقلبي يانادين
انا بحبك وبخاف عليكي حتي من نفسك
نادين/ لو بتحبني خرجني من سجنك يامحمود
: محمود/ لو عايزة تنزلي مصر
تشوفي البنات انا معنديش مانع
نادين بفرحه/ بجد يامحمود ...يعني موافق أنزل مصر
محمود/ شوفي عايزة تنزلي أمتي عشان احجزلك
نادين/ الاسبوع الجاي أكون قدرت اخد اجازة من الشغل
محمود / اوك....تصبحي ع خير
نادين اخدت التليفون وبتتصل
عصام/ ايوه يانادين قلقتيني عليكي
انتي كويس 
نادين/:الحمد لله....انا كويسه متقلقوش عليه
ياسمينه/ عايزة أكلم ماما لو سمحت ياخالو
نادين/ ياسمينه ياقلبي عامله ايه
ياسمينه / ماما انتي كويسه
نادين/ انا
: كويسه ياحبيبتي ياسمينه خلي بالك من نفسك ومن اختك ياحبيبتي انا نازله قريب مش هتاخر عليكو
ياسمينه/ كل مره تقولي نفس الكلام دا ياماما😢
نادين/ لا ياحبيبتي المرادي بجد
هنزل هقعد معاكو ومش هسيبكو ابدا
ياسمينه/ انتو عزلتوا ليه ياماما وعايشين فين دلوقتي
نادين / لما أنزل ياحبيبتي هقولك علي كل حاجه المهم دلوقتي تاخدي بالك من دراستك انا عارفة إنك هتنزلي الدروس بعد يومين عايزاكي تركزي مضيعيش كل اللي عملته يابنتي😢
ياسمينه/ ماما انتي وحشتيني اوعى متجيش
نادين/ جايه ياقلبي هاتي تيته اكلمها لو كانت جنبك
ياسمينه / تيته...ماما عايزة تكلمك
تهاني/ في ايه يابنتي....انتي كويسه
نادين/ ماما انا بخير متقلقيش عليه
المهم عايزة منك تشوفيلي انا بعت كام واتصرف قد ايه من الفلوس عشان اعرف راسي من رجليه وارتب حالي هنا
تهاني/ فلوسك زي م هي يابنتي
انا م اخدتش منها حاجه....مصاريفنا كلها كانت من معاش ابوكي
نادين/ ليه بس كده ياماما....
تهاني/ تصدقي بقي يانادين
إن معاش ابوكي القليل ده  فيه بركه من وقت م بناتك قعدوا معايا
نادين/ متحرمش منك ياست الكل
انا هعوضك لما أنزل
تهاني/ بتشتميني يانادين دي اخرتها
نادين/ مقصدش ياماما انا آسفة
تهاني / المهم قوليلي عامله ايه مع جوزك
نادين/ وافق أنزل مصر هروح بكره الشغل اخد كل مستحقاتي واحجز وأنزل ع طول
تهاني / ومحمود
نادين/ ماله
تهاني / يعرف بالموضوع ده
نادين/ لا مش هيعرف غير وانا في مصر
تهاني/ ياريت يابنتي تيجى تعيشي في وسطينا وتاخدي بناتك في حضنك
نادين/ ياااااه ياامي 😢لو تعرفوا وحشتوني قد ايه
تهاني/ طيب اقفلي عشان مش قادرة اتكلم😢
نادين/ متعيطيش ياماما انا كويسه
تهاني/ كلميني لو في جديد
نادين / حاضر....تصبحي علي خير
..............
عصام/ ها ياماما قالتلك ايه
تهاني/:اختك كويسه ونازله اجازة قريب
عصام/ طيب... الحمد لله
أنزل انا بقي تصبحو ع خير
يفتح عصام باب الشقة وينزل
ياسمينه / هي ماما مالها ياتيته
تهاني/ مالها يابنتي. ....انتي مش كلمتيها وقالتلك إنها كويسه
ياسمينه/ ايوه بس صوتها باين إنه في حاجه
تهاني/ هي مش قالتلك نازله قريب ابقي كلميها وهي هتقولك علي كل حاجه
سبيني انام بقي وروحي نامي مع أختك وغطيها كويس
ياسمينه/ الجو حر ياتيته....انتو مش ناوين تركبوا تكييف ولا ايه
تهاني/ لما مامتك تيجي قوللها
تصبحي علي خير
: ياسمينه دخلت لفيروز تصحيها
ياسمينه/ فيروز اصحى...انتي ياخم نوم انتي اصحى
فيروزه/:في ايه ياياسمين بتصحيني دلوقت ليه النهار لسه مطلعش
ياسمينه بفرحه/:انا من فرحتي مش عارفة انام
فيروزه/؛خير ايه اللى مفرحك اوي كده
ياسمينه/ ماما يافيروز
فيروز/:مالها ماما
ياسمينه/:نازله قريب
فيروزه بعدم اهتمام/
وايه الجديد يعني م كل مره تقولنا نازله قريب ومبتنزلش
ياسمينه / لا المرادي بجد
فيروزه/ وانتي اتاكدتي منين
: ياسمينه/ ماما اتصلت من شوية وقالتلي إنها هتنزل قريب اوي
فيروزه/ طيب
ياسمينه/ طيب ايه.....انتي هتنامي
فيروزه/ اه
تليفون ياسمينه يرن تجري بسرعة عشان تشوف مين بيتصل
داليا/:اه ياندله مبتتصليش ليه
ياسمينه/ هههههه دودو ازيك
داليا/ ياسلام...وبتضحكي ع ايه بقي
ياسمينه / معلش يادودو انا عارفه إن قلبك كبير وخليكي انتي الكبيرة بقي
داليا /:كل مره انا اللي ب سأل وبتصل وانتي مبتفكريش تكلميني خالص
ياسمينه/:م انتي عارفة يادودو تيته بتتعصب أوي لما بتشوف الموبايل في أيدي
داليا/ هتنزلي بعد بكره بقي عشان الدروس ولا ايه نظامك
ياسمينه/'هنزل طبعاً بس قوليلي هو أستاذ العربي اسمه ايه
داليا/ كمال....اشمعنه
ياسمينه/ ماما كانت قالتلي اني اطلب منه يجي البيت عشان اخد الدرس هنا
داليا/ يعني ايه....هروح لوحدي
ياسمينه/ مش عارفة....بس لما نشوف بيعرف يشرح ده ولا ايه
داليا / لا متقلقيش دا مدرس ممتاز بنت خالتي كانت بتاخد عنده عقبالك في تالته طب دلوقتي
ياسمينه/ ماشي هشوف
داليا / سيبك من حكاية الدروس الخصوصية دي عشان تعرفي تنزلي وتفكي عن نفسك شويه
ياسمينه/:نفسي....بس تيته اللي اقنعت ماما بكده
داليا/ ودا هيجي عندكو ازاي مش بتقولي خالك شديد اوي فالمواضيع دي
ياسمينه / تيته قالت إنها هتتفق مع كل المدرسين وتحدد ميعاد يكون خالي موجود في البيت عشان ميعملش مشاكل معانا
داليا/ يلهوي ع الخنقه
ايه يابنتي ده؟!
ياسمينه/ بصي متخنوقنيش اكتر م انا مخنوقه انا مش ناقصه
داليا/ خلاص اضحكي وفرفشي كده بقولك ايه في فيلم جامد اوي بيتعرض في السينما ايه رأيك نروح احنا الأربعه كده بربطة المعلم هههههه
ياسمينه/ سينما!...ماشي هعديها
بس مين الأربعة دول بقي
داليا/ انا وانتي وفيروز اختك وهادي
ياسمينه / هادي!
داليا / اومال هنروح لوحدنا كده من غير راجل
ياسمينه / طب انا عندي اقتراح
احنا منروحش اصلا وتيجي تقعدي معايا هنا ونسهر سهرة حلوه ونأزأز لب وسوداني واعملك فيشار بالشكولاتة كمان
داليا/ يااااه داانتي قديمة اوي
ياسو فوكيها شوية ياحبيبتي
ياسمينه / انا عارفة اخرت صحوبيتنا دي هتودينا فداهيه
داليا / ههههههههههه بعد الشر
ياسمينه/ طب اقفلي تيته بتخبط
تهاني/ ياسمين لسه منمتيش
ياسمينه/'هنام أهو ياتيته
تهاني/ طيب يابنتي تصبحي ع خير
ياسمينه/ وانتي من أهل الخير
تيته/ طيب سيبي التليفون ده ونامي بقي
ياسمينه / حاضر