الحلقة الثالثة
#انا_واختي
#بوسي_مصطفي
☆☆☆☆☆☆☆☆☆☆☆☆☆☆☆☆
✏BOSY
: سحبت الورق بتاعي واخدت شهادة التخرج وانا ف طريقي للبيت قولت اعدي ع مامت محمود وبالمره اطمن ع أحواله منها
وقتها مكانش ف وسيلة إتصال غير جوابات ومكالمة تليفون كل فين وفين
دولت/ ادخلي يانادين تعالي
هي كانت مقابلتها ليه ع طول بارده
كنت بضايق بيني وبين نفسي لكن معاملتي ليها كانت طبيعيه جداً
نادين / مفيش أي أخبار عن محمود ياطنط
دولت/ لسه مكلمني من شويه
طبعاً اضايقت إنه محاولش يكلمني بقاله كتير ومعظم مكالماته كانت لماما أو عصام ومبيحاولش يتصل ف وقت تاني أكون موجوده فيه ف البيت
نادين/ غريبه اوي اومال مبيتصلش بيه ليه
دولت/ وانتي عاوزاه كل شوية يتصل بيكي انتي عارفة المكالمة الواحده بتكلفه كام
نادين / ماهو بيتصلش اصلا ياطنط
دولت/ أهو اتصل وكلمني وسأل عليكي
نادين / فيه الخير
دولت/ ايه اللي ف ايدك ده
نادين / دا الورق بتاعي سحبته النهاردة من الكلية
دولت/ طيب سبيه هنا عشان ابعته مع صاحبه
نادين/ ليه هو مش جاي عندنا
دولت/ لأ هيجي ليه
واعملي حسابك هو مش هيبعت حاجه تانية مع صحابه
نادين / مش فاهمه
دولت / يعني كفاية اللي بعته المره اللي فاتت
نادين/ اه هو بقى بيقولك ع كل حاجه
دولت / مش ابني ولا ايه
نادين/ بعد اذنك ياطنط ولما صاحبه يجي قوليله إن الورق عندي
ابنك عايزة يبقي يقول صاحبه ياخده من عندنا
سوسن / هو نظام عند وخلاص
متلايمها يانادين خليكو تتجوزوا عشان نخلص بقي
نادين/ تخلصي من ايه ياسوسن
يخصك ف ايه اصلا عشان تتكلمي
نزلت بسرعة وانا مخنوقه منهم ومقرره اني خلاص مش عايزاه
انا كرهت الجواز بسببه
لكن ماما أقولها ايه. .دي لو عرفت هتطب ساكته
مكانش في حل غير أني أتكلم مع عصام رجعت البيت
☆☆☆☆☆☆☆☆☆☆☆☆☆☆☆☆
✏BOSY
كان عصام ومها رجعوا من اسكندرية
نادين/ عصام عايزة أتكلم معاك شوية
دخلنا جوه ف اوضتي
عصام/ خير يانادين
نادين / انا مش عاوزه اتجوز محمود
عصام / نعم!
يعني ايه الكلام ده؟
نادين/ مش مستريحه ياعصام عشان خاطري مهد الموضوع لماما عشان متزعلش
عصام/ انتي عارفة يعني متتجوزيش محمود
نادين / عارفة
عصام / وانا مش موافق
نادين / بس دي حياتي وانا الوحيدة اللي اقدر أقرر استمر معاه ولا لأ
عصام/ اي السبب
نادين/ مبش مستريحه للموضوع كله محمود مبيكلمنيش انا معرفش عنه أي حاجه بقاله سنه قافل معايا الكلام تماماً ومامته مسيطره عليه
مش مستريحه ياعصام وخلاص
عصام/ قولتلك كل الكلام ده بس انتي صممتي وقولتي لا هو لا بلاش
نادين/ كنت غلطانه
عصام/ مفيش فرصة لرجوع خطوه واحده كملي بقي للآخر
نادين / يعني هتتخلي عني
عصام/ ماما عندها الضغط والسكر ولو انتي مستغنيه عنها روحي قوليلها انا عاوزه أطلق ياماما
وشوفيها هتقولك ايه
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
