أنا وأختي👩‍👧‍👧

الحلقة ٤١

[٣٠/‏٩ ٢١:١٧]
الحلقة 41
#انا_واختي
#بوسي_مصطفي

....................... ..

كمال/ روحتيله ليه يانادين
نادين/ صدقني انا مرحتش غير لما جدة البنات جات وقالتلي إنه عايزني في موضوع مهم
كمال / مقولتليش ليه
نادين/ مكونتش هتوافق
كمال/  يعني قاصدة انك متقوليش
قالك ايه بقي
نادين / مقالش حاجه مفيدة
كمال/ يعني كان عايزك عشان يملي عينه منك
نادين/ لو سمحت متغلطش
كمال/ مضايقة علشانه ولا زعلانه من نفسك
نادين/ انا معترفه اني غلط بس مش هسمحلك تغلط فيه
كمال/'اوك....وأنا احتراما للي كان بينا هخرج في هدوء
نادين/ كان!....عامل كل دا عشان اتهببت ورحت من غير مقولك م انا بعتذرلك أهو وانت رافض
كمال/ عشان انا مصدوم بجد ومش عارف عقلك كان فين وقتها
نادين/ عايز تسيبني وتمشي ياكمال عايز تسيب كل الحمل دا عليه
كمال/ حمل ايه؟ ...ولاد اخوكي رجعيهم لأمهم انا مستحمل نفسى بالعافية ومش هشيل مسؤلية اكتر من كده
نادين/ طيب خلاص اقعد خاطري ماهى دي شقتك هتمشي تروح فين
...............

ياسمينه/ بقولك ملايين يابنتي
وبابا هيوزعهم كلهم علينا وهيكتب جزء لماما بس انا عارفة ماما مش هتوافق
فيروز/ الدنيا والعه جوه وانتي بتفكري في الفلوس
ياسمينه/'شوية وهيهدي انا عارفة

.........

نادين بدموع وهي ممسكه في كمال / متمشيش ياكمال وتسيبني
أبعد يدها وبصوت عالي/ هدي خلصتي لبس
هدي/ هنروح فين يابابا
اخدها من ايدها وهو بيقولها/'هقولك  تحت يلا بينا
خرج من الشقة ونادين قعدت ودموعها ع خدها....البنات واقفين عند باب الاوضه كانوا بيراقبوا الموقف

: ياسمين قربت من نادين/ متزعليش ياماما هو شوية كده وهتلاقيه جاي لوحده انا عارفة عمو كمال كويس اكيد مش هنهون عليه
نادين / يارتني مسمعت كلامك ورحت هناك
اخوكي فين يافيروز
فيروز/ نايم جوه ياماما
نادين/ وفين ولاد خالك
فيروز/ وليد جه اخدهم
نادين/ هو وليد تحت انا مشوفتش العربية
فيروز/  عامل بيها حادثة
نادين/ ياخبر...وحصله حاجه
فيروز/  محصلوش حاجه العربية بس اللي اتخبطت واخدها الورشة
نادين/ هنزل اطمن عليه
ياسمينه/ ماما كنت عايزة أخرج
نادين/ تروحي فين احنا مش لسه راجعين من بره
ياسمينه/'ودي حضرتك بتسميها خروجه برضو
نادين/ هتروحي فين
ياسمينه / هعدي ع واحدة صاحبتي نخرج نروح أي كافيه ولا حاجه
نادين/ طيب متتاخريش
فيروز/ هلبس واجي معاكي
ياسمينه/ تيجي معايا فين هي رحله خليكي يااختي عشان تقعدي مع سيف
فيروز/ واشمعنه انتي تخرجي وانا اقعد هنا
متقعدي انتي مع سيف 
ياسمينه / انا داخله ألبس
نادين/ هبقي اخرجك ياحبيبتي متزعليش ...هنزل اطمن ع ابن خالك

.............
في العربية.. تحت
هدي/ هنروح فين يابابا
كمال كان بيفكر في الكلام اللي قالته نادين
كمال/ انا فعلاً زودتها اوي...هي غلطت...بس اعتذرتك. ..كنت خاصمتها بس مخرجش من الشقة واسيبها هي والبنات لوحدهم
والعمل ياكمال....هتطلع كده كأن مفيش حاجه حصلت
ولا لازم قرصة ودن عشان متتكررش تاني
هدي / بابا احنا خلاص مش هنرجع الشقة تاني
كمال / تحبي تروحي فين ياهدي
هدي/ يعني مش هشوف ياسمين تاني ولا ألعب مع فيروز ...وسيف مين اللي هياخد باله منه
انا مش عايزة اسيب اخواتى وماما نادين يابابا
كمال/'هنروح نتغدا وهندخل الملاهي نلعب شوية
هدي/ وبعدين نرجع بيتنا ولا هنروح لتيته
بابا انا مش عايزة اروح هناك انا عايزة ألعب مع سيف وفيروز
كمال/ طيب تعالي الأول ناكل عشان انا جعان اوي
..........................