الحلقة السادسة
#انا_واختي
☆☆☆☆☆☆☆☆☆☆☆☆☆☆☆☆
✏BOSY
تهاني/ بس الطلاق مش سهل زي م انتي فاكره يابنتي
وانتي عارفة جوزك مش هيوافق ع اللي بتقوليه ده
نادين/ عشان اناني
انا عارفة إنه بيحبني بس حب إمتلاك....أهي ست موجوده ف البيت تأكل وتشرب وتقضي طلبات البيت ومفيش مانع تصرف كمان ع البيت من تعبها وشقاها
ماما انا نزلت وسيبت شغلي وكل حاجه عملتها راحت ورجعت ببنتي هي الحاجه الوحيدة اللي كسبتها من الجوازة دي عايزة أعيش حياة مستقرة بدون قلق ولا خوف
مش عايزة لما تكبر تكرهني ولا تكره أبوها
وحيد/ عين العقل يابنتي
شوفتي ياتهاني بنتك عاقله ازاي
فعلا العلم بينور العقل
نادين/ يلا ياماما عشان نروح
وحيد/ ليه يابنتي كده هو لحقنا نشبع منكو
نادين / معلش ياخالي بس في حاجات لازم اعملها بسرعة
تهاني/'حاجات ايه دي يابنتي
نادين/ لما نرجع البيت هقولك ياماما بعد اذنك ياخالي هروح اغير هدومي
☆☆☆☆☆☆☆☆☆☆☆☆☆☆☆☆
✏BOSY
ونزلنا القاهرة وكانت المفاجأة إن والدة محمود عندنا ف الشقة
دولت/ بقي كده يانادين محدش يقولنا انكو رجعتوا مصر طب حتي اتصلي بيه ابعتيلي ياسمينه اشوفها
تهاني/ معلش يادولت ظروف بقي هنعمل ايه
دولت/'ظروف ايه م انتوا لسه راجعين من بره اهوه وشكلكو كنتو بتتفسحو
تهاني/ وانتي هتحاسبينا ولا ايه
ماهو ابنك هناك واخد راحته
ايه هتحبسوها ف البيت مش عايزينها تشم نفسها كمان
دولت/ انا كلامي مع مرات ابني مكانش معاكي انتي
تهاني/ لا ياحبيبتي مرات ابنك
مبقتش طايقاه قوليله كده خلي البنات اللي هو ماشي معاهم ينفعوه
دولت/ ماهو من بنتك لوكانت ماليه عينه مكانش بص بره
تهاني/ لا ابنك هو اللي عينه فارغة وشوفيله انتي اللي تملي عينه يااختي
اخدت ياسمينه جوه عشان متسمعش الحوار اللي دار بين ماما وطنط
وماما تتكلم وطنط دولت ترد عليها
وانتهي الحوار بإنها خرجت بعد م رزعت الباب وراها
خرجت لماما
نادين/ مكانش له داعي ياماما تقولي الكلام اللي قولتيه ده
تهاني/ فورت دمي....انتي مش كنتي قاعدة معانا وسامعه كلامها
نادين/ خلاص هدي نفسك واقعدي بس
تهاني/ اتصلي بيه دلوقتي خليه ينزل عشان نخلص من الموضوع ده
مها جات من الغرفة ع صوت ماما
مها / اهدي بس ياطنط ياما بيحصل الست العاقله لازم تستحمل
نظرت ليها بدهشة/ وانتي يامها لو عصام عمل كده ياترى هتبقى عاقله بردو ولا هتتجنني زي كده
مها سكتت ومردتش
تهاني/ ميحسش بالنار إلا اللي كابشها يابنتي
مها/ تقصدي ايه ياطنط
انا قلبي عليها وعايزة مصلحتها وبعدين هي كده اللي هتخسر كل حاجه هو هيروح يتجوز عادي ولا فارق معاه حاجه
نادين/ ممكن تخليكي في نفسك
ماما تعالي نتكلم جوه
☆☆☆☆☆☆☆☆☆☆☆☆☆☆☆☆
✏BOSY
بعد شوية
عصام راجع من بره
مالك يامها قاعدة كده ليه
مها / مفيش
عصام/ هي ماما ونادين رجعوا
مها/ اه لسه داخلين من شوية
عصام/ طيب هدخل أسلم عليهم
مها/ بلاش أصل اختك عامله اجتماع جوه مع مامتك ومش عايزين حد يزعجهم
عصام/ وانتي زعلانه ليه
مها/ عشان انا اتخنقت هنزل اقعد مع امي تحت
تهاني/ انت رجعت ياعصام
عصام/ حمدا لله....علي السلامة ياماما
تهاني/ اومال مراتك خارجه رايحه فين
عصام/ نزلت تحت عند مامتها
: تهاني/ اختك كانت عايزاك تسألها ع سعر الشقة اللي فوقينا
أسأل صاحب العمارة هيبعها ع كام
عصام/ ليه هي نادين ناويه تشتريها
نادين / ايوه ياعصام
عصام/ إستثمار يعني ولا ايه
نادين/ لا انا هعيش فيها
عصام/ تاني يانادين
نادين/ ايه مش هتستريح كمان لو قعدت في شقة لوحدي
عصام/ انا هستريح لما ترجعي لجوزك وشغلك وتنسى اللي في دماغك ده
نادين/ اسمع ياعصام انا تعبانه ومش قادرة
حسيت بدوخه قعدت ع الكرسي وقلبي اتقبض
تهاني / مالك يابنتي
قرب عصام ناحيتي/ ايه يانادين اخدك للدكتور
نادين/ لا انا هدخل انام وهبقي كويسه
دخلت جوه وانا خايفة قعدت اعيط ع نفسي
معقولة أكون حامل للمره التانية
هو انا كل م حاول أخلص منه تيجي حاجه تربطني بيه
طب وايه يعني لو كنت حامل ماهو بردو مش هرجعله
بس هيبقى معايا اتنين هقدر عليهم لوحدي
في ايه يانادين خليكي جامده مش كده ...إن شاء الله
هتقدري....انتي شكلك عايزة ترجعيله صح؟!
لا لا مستحيل ارجعله الموت عندي أهون
فضلت ع الحال ده لحد م نمت لوحدي
الصبح لبست بسرعة واخدت ياسمينة معايا عشان وليد شقي شوية
وروحت للدكتورة وفعلا اللي حسبته لقيته
حامل😢
: رجعت للبيت وانا الدنيا بتلف بيه
فتحلي عصام باب الشقة
عصام/ تعالي يانادين كلمي محمود مردتش ودخلت اوضتي
سمعت عصام وهو بيتكلم في التليفون
عصام/ ماهو اللي انت عملته مش شوية بردو يابشمهندس حاول بقي تصلح الأمور م بينكو
ثواني هقفل واتصل تاني
عصام بيخبط ع الباب
نادين/ مش عايزة اتكلم مع حد
عصام/ افتحي الباب بس يانادين عايزك في حاجه ضروري
فتحت الباب
نادين/ نعم جاي وجايب معاك التليفون ليه
عصام/ اسمعي بس محمود عايز يقولك حاجه ضروري
نادين/ وانا مش عايزة اسمع منه أي حاجه
عصام / طيب هو بيتصل أقوله ايه دلوقتي
نادين/ هات التليفون انا اللي هقوله
نعم عايز مني ايه سيبني في حالي بقي يااخي
محمود / نادين الشركة كلمتني وقالتلي لازم تيجي ضروري
نادين/ كدبه جديدة صح؟!
محمود / انا مبكدبش عليكي صدقيني
الشركة عندكو هفتح فرع ليها ف القاهرة ولازم تكوني موجوده عشان تعدلي شوية شروط كده في العقد عشان تقبلي في الفرع الجديد
نادين / كداب
محمود / طيب متشكر... وانا كداب ياستي ولا تزعلي
وقفل التليفون
عصام/ متسمعي منه عشان مصلحتك
نادين/ كداب ياعصام وانا عارفة
عصام/ طيب انتي مش ليكي زميله هناك بتقولي إنها صاحبتك اوي اتصلي واتأكدي منها
نادين/ ماشي هتأكد
ثواني
رانيا/ الو
نادين/ ايوه يارانيا انا نادين
رانيا/ نادين حبيبتي ازيك اخس عليكي دا انا قولت إنك هتكلميني
لسه كنت بكلم جوزك عشان اخد رقم تليفونك
نادين / اسمعي يارانيا محمود كلمني وبيقولي إن الشركة عندنا هتفتح فرع ليها هنا في القاهرة ولازم أكون موجوده هناك
رانيا / اه م انا اتصلت بيه عشان أقوله وأخدت الرقم كويس إنه قالك
نادين / يعني الموضوع اكيد
رانيا / ايوه يانادين
يعني هكدب عليكي
نادين / طيب انا مفروض اجي أمتي
رانيا / أي وقت بس كل متسرعي يكون أفضل عشان عايزين عدد محدد بس
نادين/ طيب هقفل وأبقى اكلمك تاني
عصام/ ايه الأخبار
نادين/ كلام محمود صحيح
رانيا اللي أكدتلي الموضوع
عصام/ طيب كويس يبقي تسافري تخلصي كل حاجه وترجعي تشتغلي هنا
نادين/ بس غريبه اوي
محمود مكلمنيش في أي حاجه غير الموضوع ده
عصام / مش عايز يعمل مشاكل وكويس إنه اخد الموضوع ببساطه عشان يتجنب الخناق معاكي واكيد حاسس بغلطته
المهم فكري هتعملي ايه وقرري
نادين/ الأول هشتري شقة بالفلوس اللي معايا
عصام/ اه من حق انا كلمت صاحب العمارة وقالي الشقة ب خمستاشر
نادين / كويسه مش غاليه
عصام/ لو معاكي اكتر اشوفلك شقة أكبر في مكان كويس
نادين/ لا الشقة دي ع قد فلوسي
عصام / طيب تحبي تكتبي العقد أمتي
نادين/ دلوقتي لو موجود
عصام/ اه هو فوق هطلع اكلمه
نادين/ ماشي هغير هدومي
عصام/ طيب سلام
: شوية وجه صاحب العمارة وكتبت عقد الشقة كانت أول حاجه اشتريها وتكون ملكي
قعدت أفكر ف الكلام اللي قالته رانيا
مش مطمنه وخايفة من محمود اكيد عرف اني عرفت كل اللي بيعمله ومامته اكيد قالتله إن ماما اتخانقت معاها هنا
هدوءه ده اللي محيرني
يمكن بيتجنب الخناق معايا زي م قال عصام
مش عارفة أفكر أسافر واسجل أسمى ضمن الموظفين اللي هيشتغلوا هنا يمكن أقبل واهي هتكون فرصة اني استقر هنا في مصر وتكون معايا وظيفة كويسه اقدر أعيش منها وابعد عن محمود
قطع تفكيري صراخ ياسمينه جريت اشوف في ايه
ياسمينه مالك ياحبيبتي
مها/ شوفيلك حل في دلع بنتك دا يانادين
نادين/ مالها ياسمينه عملت ايه
مها/ عماله تتخانق مع وليد وعايزة تاخد كل اللعب ليها
نادين/ خلاص ي ياسمينه هشتريلك لعب غير دي
مها/ هو دا اللي قدرتي عليه
بنتك طماعه وعينها فارغه عايزة كل حاجه ليها
نادين/ معلش بقي يامها بنتي عينها مليانه وشبعانه....الحمد لله
مها/ لا ماهو واضح...شكلها كده طالعه عينها فارغة ل أبوها
نادين/ لو سمحتي بقي يامها متجبيش سيرة محمود ع لسانك
مها/ ياسلام اومال لو مكانش مستغفلك وخاين وفيه كل العبر
☆☆☆☆☆☆☆☆☆☆☆☆☆☆☆☆
✏BOSY
أنت تقرأ
أنا وأختي👩👧👧
Chick-Litيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
