أنا وأختي👩‍👧‍👧

الحلقة ٣٨

[٢٧/‏٩ ١٨:١١]
الحلقة 38
#انا_واختي
#بوسي_مصطفي

.....................

ياسمينه/'عمر انا بكلمك مبتردش ليه
عمر/ البيه دا بقى عنده كام سنه اكيد كبير مش كده
ياسمينه / لا مش كبير اوي وبعدين دا أفضل سن انسان كده واعي وناضج ومثقف اوي وكاتب وشاعر حاجه دي ملهاش حل
عمر/ ياسلام وهو دا اللي جذبك ليه
ياسمينه/ مش احسن من شباب اليومين دول
عمر / مالهم يعني مش فاهم
ياسمينه/ مبيتحملوش مسؤلية وكلامهم كل فنشنك عيال يعني ميعتمدش عليهم في أي حاجه
عمر / مين قالك كده....مش كلهم علي فكرة
ياسمينه / ع الأقل اللي عرفتهم طلعوا بالشكل ده
خلينا بس في المهم دلوقتي
هتقدر تساعدني
عمر بنفاذ صبر/ ايوه يعني انا مطلوب مني ايه مش فاهم
ياسمينه / انا لو كلمت ماما في الموضوع ده انا عارفة إنها هترفض
مستحيل توافق
عمر/ يبقي خلاص متحاوليش بقي وانسى الموضوع ده
ياسمينه /
بس انا معجبه بيه اوي ياعمر
عمر بضيق / والمطلوب
ياسمينه/ تتكلم مع ماما وتفهمها وجهة نظري انت شاب زي يعني واكيد فاهمني
عمر/ وياتري هو بقي شباب
ولا عجوز ومصدق لقي بنت صغيرة تعجب بيه
ياسمينه / هو مش صغير ولا كبير وسط يعني
عمر بانفعال/ اخلصي عنده كام سنه
ياسمينه/ واحد وأربعين
عمر بدهشه/ نعم!
واكيد بقي متجوز وعنده ولاد كمان مش بعيد يكونوا قريبين من سنك
ياسمينه / لأ هو مسبقلوش الجواز
عمر/ نعم! كمان متجوزش لحد دلوقتي
ياسمينه / في ايه ياعمر هو انت عايز تطلع فيه عيب وخلاص يعني لو كان متجوز كان هيبقى كويس
عمر/ لا طبعاً فكل الأحوال الموضوع مريب وانا مش مستريحله ياسمينه/ مريب ايه؟...ايه جو افلام الرعب دي؟!
اسمع ياعمر انا غلطانه اني اتكلمت معاه خلاص مش عايزة منك أي حاجه
عمر/ يابنت خالي انتي شايفه إن دا الشخص المناسب
ياسمينه بحزن / انا جربت مره ومش مستعدة أعيد التجربة دي تاني كفاية كده
عمر/ ومين قالك انهم كلهم زي هادي في ناس بتحب بجد مبيفرقش معاهم الحاجات دي
ياسمينه/:بس هو معاه حق وانا مش زعلانه منه. ..هو أتصرف بشكل طبيعي وتلقاءي للموقف اللي اتحط فيه بلاش نعيش في الخيال
مين دا اللي هيقبل يتجوز واحده باباها مسجون في قضية زي دي
عمر / والدكتور دا بقي ليه وافق مسألتيش نفسك السؤال ده
ياسمينه/:عشان كل واحد فينا محتاج للتاني وكل واحد بيحاول يتغاضي عن العيوب اللي شايفنها ببعض
عمر/ العلاقة دي مش صح وعمرها مهدوم صدقيني ياياسمين
مسيره يزهق بعد م يكون خلاص اخد اللي هو عايزة
ياسمينه بغضب/ انت قليل الأدب وانا غلطانه اني اتكلمت معاك
تركته ودخلت الغرفة.....خرج كمال بسرعة
كمال/ في ايه يابشمهندس
عمر بحزن/ مفيش يااستاذ بعد اذنك وأبقى سلملي ع طنط معلش عندي سفر بكره ولازم انام بدري
كمال / طيب اقعد نتعشا مع بعض مش هناخرك
عمر / متشكر....يدوم الخير يارب....تصبح علي خير
.....................  .
ياسمينه بغضب/ ممكن تقفلي النور بقى وتخرجي
فيروز/ وبتتتنرفزي عليه ليه هو انا كنت كلمتك
ياسمينه بانفعال/ اخرجي بالذوق بدل م أقوم اطلعك بره
كمال بيخبط ع الباب
فيروز بتفتح الباب
كمال/ ياسمين نايمه؟
فيروز/ أهي قاعدة جوه عماله تزعق
كمال/ طيب روحي شوفي ماما عايزة محتاجه حاجه كده ولا لا
فيروز/ حاضر
كمال بخجل/ ممكن أدخل ولا هتنامي
ياسمينه / لا لسه هذاكر شوية
كمال/ طب ممكن اتكلم معاكي شوية
ياسمينه/:اه طبعاً اتفضل
ترك كمال الباب مفتوح ودخل قعد ع كرسي المكتب
كمال// قوليلي بقي مالك كنتي بتزعقي لعمر ليه
ياسمينه// بني آدم غبي وقليل الأدب
كمال بقلق// ليه حصل ايه
ياسمينه // حوار كده وقل أدبه بس انا مسكتلوش
كمال// بس عمر انسان مؤدب ومتربي كويس م اظنش إنه اتطاول عليكي
ياسمينه // انا غلطانه اني بتكلم معاه....انا اكلمه ليه اصلا
كمال // خلاص لو تحبي اتكلمي معايا انا
ياسمينه نظرت لكمال بتردد/ كنت باخد رأيه في موضوع كده
كمال // مش عايزة تقولي بلاش
ياسمينه // هو مش سر يعني مش ضامنه رد فعل حضرتك هيكون ايه
كمال // اسمع وبعدين نتكلم
ياسمينه// دكتور رياض
كمال بانفعال // تاني
ياسمينه // شوفت انت لسه أهو متكلمتش وحضرتك اتعصبت عليه
كمال // خلاص انا آسف قوليلي بقي ماله دكتور رياض
ياسمينه// طلب يتقدملي
كمال بيحاول يداري غضبه/ اممم وبعدين
ياسمينه // مفيش....انا بس منتظره ماما تستريح شوية من تعب الولادة وكده وبعدين ابقي افتح معاها الموضوع
كمال // لا سيبي الموضوع   دا عليه
ياسمينه // يعني حضرتك تقصد انك هتكلم ماما
كمال / نعم....هو كده بالظبط
ياسمينه // طيب هتقولها ايه
كمال/ ملكيش دعوة بقي
المهم ركزي في مذاكرتك وبعدين نبقي نشوف الموضوع ده
ياسمينه / هو قالي كده برضو
الظاهر انكو بتفكروا زي بعض
كمال/ مش سننا قريب من بعض بقي لازم تبقي الدماغ واحده
ياسمينه / احم احم دا كلام متغطي بقي يامستر
كمال / لا متغطى ولا مكشوف تصبحي علي خير وذاكري كويس