أنا وأختي👩‍👧‍👧

الحلقة ٤٠

[٢٩/‏٩ ٢٢:٢٤]
الحلقة 40
#انا_واختي
#بوسي_مصطفي

............................
في الصباح
نادين في المطبخ/ افتحي يافيروز الباب
فيروز/ هو مفيش حد غيري في البيت ده
نادين/ افتحي وانتي ساكته
تفتح فيروز الباب
دولت  // صباح الخير يافيروز
فيروز// صباح الخير ياتيته اتفضلي
دولت// مامتك موجودة
فيروز// اه ماما جوه
تخرج نادين من المطبخ // مين يافيروز....
تلمح دولت// طنط !
ازي حضرتك
دولت/ الحمد لله....ازيك يانادين
نادين/ بخير..الحمد لله
فيروز اعملي حاجه لتيته تشربها
دولت/ انا مش جايه اضايف ياحبيبتي...انا جايه اقولك كلمتين وامشي ع طول
نادين // خير...اتفضلي اقعدي الأول
دولت// جوزك هنا
نادين // لأ بره....خير ياطنط
دولت// محمود عايز يشوفك
نادين / انا!...ليه
دولت// معرفش بس بعد بكره عنده جلسه في المحكمة عايز يشوفك قبلها
نادين// لا مش هينفع
دولت// عشان خاطر البنات...ابني لا هيأذيكي ولا هيعملك حاجه
فيروز// عشان خاطري ياماما
دولت// شوفيه يمكن عايز يقولك ع حاجه تخص البنات
نادين//'بس انا مينفعش أخرج من غير م اقول لجوزي
دولت// وفيها ايه متقوليله
نادين// طيب هشوف
دولت// اسمعي يانادين محمود عنده فلوس كتير ودا حق بناتك قابليه وشوفيه هيقولك ايه
نادين// فلوس!...انا محرمه الفلوس دي على بناتي مش هاخد ولا جنيه حرام
دولت// حرام ايه بس
كل فلوس محمود اللي حوشهم من الغربة كتبهم بأسمى عشان كان حاسس إن دا اللي هيحصل أما الفلوس التانية دي الحكومة حجزت عليها
نادين// وايه اللي يخليني أصدق الكلام ده
دولت// شوفي انا متعلمتش ولا دخلت مدارس بس دماغي دي توزن بلد ياحبيبتي
محمود لما حول الفلوس لحسابي حولهم من الدرهم ل الجنية المصري لكن الفلوس التانية كانت في حسابه بالورق الاخضر اللي بيقولوا عليه الدولار
مش كنتي هناك بتقبضي بالدرهم برضو ولا اناغلطانه
نادين// ايوه بس انا مش عايزة الفلوس دي
دولت// اسمعي يانادين انتي مش عايزاهم عشان دول مش فلوسك دي فلوس بناتك وانتي محتاجه مصاريف كتير وبنتك ع وش جواز ودي فلوس أبوهم ياحبيبتي عايزة تسبيهم انتي حره عايزة تاخديهم يبقى افتحي حساب للبنات احولهم الفلوس عليه
من غير م حد يعرف عشان ميتحجزش عليهم هما كمان دا مال حلال من تعب وشقي ابني في الغربة
اوعى تفتكري اني راضيه عن اللي هو عمله ده بس في الآخر هو ابني ولازم أقف جنبه وأحاول أحافظ ه فلوسه عشان خاطر عياله
خرجت ياسمين من الغرفة/ تيته بتتكلم صح ياماما
دولت/ طب قولي الأول  ازيك ياتيته
قربت ياسمين تسلم علي دولت
دولت/ مبروك ياياسمين الولا عمر قالنا إن اتقرت فاتحتك امبارح
نادين/ هو الموضوع جه فجأة كده...مقولناش لحد
دولت // هو احنا حد برضو يانادين أخص عليك دي بنت ابني
والمثل بيقول أعز الولد ابن الولد
ياسمينه/'متشكرة اوي ياتيته
دولت / قوليلي هو العريس دا غني يابت ياياسمين
ياسمينه// معرفش
دولت// متعرفيش ازاي يعني
هو انتو مسألتوش عليه
نادين// هو أستاذ ياسمين في الجامعة
دولت// قولتيلي بقي...يعني حالته علي قده أصل انا اعرف المدرسين دول بيقبضوا مرتب أي كلام
محمود كان أتعرض عليه يدرس في الجامعة اللي بتقولوا عليها دي وهو رفض
ياسمينه// وهو بابا كان هيدرس ازاي ياتيته في الجامعة بالتقدير بتاعه ده
دولت// لا محمود كان شاطر اوي
ياسمينه // اومال نجح بمقبول ازاي
نظرت دولت لنادين بغضب
نادين// محمود اللي قالها بس الكلام دا زمان لسه فاكره ياياسمين ؟
ياسمينه// خلينا  في الموضوع اللي تيته جايه فيه انا من رأيي ياماما تقابلي بابا وتشوفيه عايز ايه
نظرت نادين لياسمين بدهشه
ياسمينه// وانا كمان هروح معاكي دولت// ع فكرة باباكي كان عايز يشوفك برضو
ياسمينه / خلاص يبقي تاخدي أذن بالزيارة ليه وليكي ياماما
نادين محدثة نفسها/'ياترى بتفكر في ايه ياياسمين مبقتش فاهماكي ولا عارفة انتي عايزة ايه بالظبط
دولت// ها يانادين قولتي ايه اقول للمحامي ياخدلك تصريح بالزيارة
ياسمينه/'قوليلوا ياتيته
نادين بخوف// بلاش ياياسمين
ياسمينه// خلاص ياماما براحتك بس انا هروح أزور بابا
نادين بتردد/'هتروحي لوحدك
فيروز// متروحي معاها ياماما
نادين// خلص ياطنط كلمي المحامي
دولت ببتسامة// ماشي فوتكو بعافية بقي
ياسمينه // م انتي قاعدة ياتيته
دولت// معلش أصل عمتك واين عمتك جايين الليلة يتغدوا معايا ولازم ارجع بدري
ياسمينه// سلميلي ع عمتي...مع السلامة
...............
قربت ياسمين من نادين بعد م قفلت الباب
فى ايه ياماما مالك بتفكري في ايه نادين/'انتي اللي بتفكري في ايه ياياسمين
ياسمينه // ولا أي حاجه مش حضرتك دايماً تقوليلي إن دا باباكي واللي بينكو مليش فيه وانه هيفضل بابايا مهما حصل
نادين// خايفة عليكي ياياسمين
ياسمينه// دا حقنا ياماما كفاية اللي شوفناه من بابا فلوسه كمان هتتحرم علينا
نادين/'بس انتي عارفة الفلوس دي مصدرها ايه
ياسمينه// بس تيته وضحت إن الفلوس دي تحويشة سنين الغربة اللي عيشتيها مع بابا
نادين/ بس انا معرفش كانوا قد ايه ياسمينه // يطلعوا زي م يطلعوا انا مش هتنازل عن الفلوس دي
دي حقي انا وفيروز