الحلقة التاسعة
#انا_واختي
#بوسي_مصطفي
محمود/ سيبي الزفت اللي ف ايدك دا وكلميني زي م بكلمك
كانت نادين بتقرا ف كتاب
نادين/ مالك يامحمود جاي متعصب عليه ليه
محمود/ بناتك فين ياهانم
نادين/ البنات مع ماما ليه
محمود / مع مامتك فين؟ !
نادين/ في الغردقة
محمود / يعني الكلام اللى وصلني صح بقي بناتك أمك اخدتهم الغردقة من غير م حد يقولي
نادين/ مين اللي قالك
محمود / يهمك في ايه تعرفي مين اللي قالي
المهم إن حضرتك وبناتك ماشيين بدماغكو ولا كإن ليكو راجل يحكمكو
نادين/ ياااااه أخيراً
أخيراً افتكرت إنك راجلنا يامحمود
اشمعنه دلوقتي ولا عشان الموضوع جه ع كرامتك اوي
محمود/ متغلطيش في الكلام يانادين
نادين/ مفتكرتش إنك راجلنا غير عشان تتحكم فيه وفي بناتك
مفكترتش إنك راجلنا لما كنت بتسهر طول الليل وانا وبناتك لوحدنا ف البيت وحضرتك ترجع وش الفجر؟ !
مفتكرتش إنك راجلنا لما كنت أنا بصرف ع البيت وانت بتاخد فلوسي
مفكترتش في يوم تحضن بناتك
محمود/ انتي عاوزه تثبتي لنفسك ايه يانادين
وبعدين مين قال إني مكونتش بحضنهم
نادين/ افتكر آخر مره طبطبت عليهم فيها
اكيد مش هتفتكر وانا مش عايزة أثبت لنفسي أي حاجه
انت عارف الحقيقة بس بتستهبل أو يمكن مستضعفني
بس بكره تشوف نادين هتاخد حقها منك ازاي
محمود / اه بمناسبة الحق بقي
انا قررت اتجوز
نادين / ايه!
محمود/ أظن إن دا حقي
نادين/ بتكسرني عشان اسكت
ماشي يابشمهندس اتجوز معنديش مانع
محمود / انا مباخدش رأيك ع فكرة
بس عشان تبقى عارفه هجبها تعيش معانا هنا
نادين بانفعال / هنا فين انت اكيد اتجننت
محمود / عشان طولة لسانك دي
هتسيبي الاوضة دي وهتنامي في الاوضة التانية عشان دي كبيرة عليكي
نادين/ انت إنسان خسيس ومعندكش أصل
محمود قرب منها وضربها بالقلم
نادين/ انا غلطانه اني اتنازلت عن حقي وعيشت مع واحد زيك😢
محمود/ تدفعي كام واطلقك
نادين/ ولا مليم عشان انت مستهلش تاخد فلوس بناتى
مروة/ ايه رأيك ف الاوتيل دا ي ياسمينه
ياسمينه/'جميل اوي ياطنط
تهاني/'هو الواحد لو عايز يعمل أكل يطبخ فين يااختي
داليا/ هههه ياطنط هنا مطعم كبير فطار وغدا وعشا ودا ع حساب الاوتيل احنا دافعين دم قلبنا هنا
مروة/ هههههه طيب يلا عشان ميعاد الغدا جه
فيروزه/ تيته انا عايزة انام تعبانه اوي
مروة/ تاكلي الأول ياحبيبتي وبعدين نامي براحتك
داليا / ايه دا هو انتي جايه تنامي يافيروز
فيروزه/ تعبانه من السفر وعايزة انام
تهاني/ طيب تعالي ناكل بسرعة وبعدين نامي
قعدوا ع التربيزة وقامت مروة تجيب الأكل
مروة/ شوفو يابنات انا هجبلكم طبق كوكتيل من كل حاجه موجوده ف المطعم وانتوا اختاروا اللي يعجبكم
داليا / انا جايه معاكي ياماما
تعالي ي ياسمينة معانا
تهاني/'هاتي ل اختك الأول
عشان لو نامت يابنتي
ياسمينه / حاضر ياتيته
داليا / شوفي هادي قاعد فين
ياسمينه/'بلاش تشاوري ياداليا
داليا/ عشان يشيل معانا الأطباق مش هنعرف نشيلها لوحدنا
هادي كان قاعد بياكل مع أصحابه ع أحد التربيزات قام بسرعة لما لمح داليا وياسمينة
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
