الحلقة 32
#انا_واختي
#بوسي_مصطفي
............................
في المستشفي
هادي/ م خلاص بقي ياجدعان في ايه؟
ايه ياماما بتعيطي ليه دلوقت مش الدكتور طمنا...الحمد لله
مروة/ الحمد لله.....ياابني انها جات علي قد كده
هادي / واهي كلها كام يوم وأقدر احرك دراعي براحتي
محي/ انا عايز بس أفهم مين اللى عمل كده وليه
نظرت نادين لكمال بقلق وسكتت
هادي/ متشغلش بالك يابابا بالموضوع ده....دا الظاهر واحد غشيم معرفش ينشن صح
ياسمينه/ الحمد لله....انك كويس
هادي ببتسامة / دا انا كل يوم اعملها عشان اشوف الاهتمام ده
مروة/ بعد الشر عليك ياحبيبي ليه بتقول كده
محي لمروة/ عايزك بره في كلمتين
وخرجت مروة ومعاها محي
: ياسمينه/ متبقاش تقول الكلام دا تاني انت متعرفش خضتنا عليك ازاي دا انا قلبي وقع في رجليه اول م شوفتك واقع ع الأرض
هادي/ بجد!
طب بقولك ايه م اتأجري واحد يقتلني بالمره عشان أحس إنك خايفة عليه
نادين / ياابني كفاية بقي...انت مش تعبان
كمال/ سبيه يانادين شكله فرحان إنه اتعور
هادي/ انا فعلاً فرحان والدنيا مش سيعاني
ياسمينه / هههههههه دا انت مجنون بقي
هادي/ البت داليا الندله دي راحت فين
ياسمينه / قعده تحت
هادي/ حسابي معاها لما اروح البيت
ياسمينه/ أصلها جبانه اول م شافتك اغمي عليها ومامتك خرجتها بره
هادي/ انتي اللي قلبك جامد اوي
ياسمينه/ ايوه طبعاً ايه م شوفتنيش وانا بصوت وبقول إسعاف
كمال/ هههههههههههههههه
ياسمينه/ بتضحك ع ايه ياعمو
نادين/ بطلي رغي انتي وخطيبك دماغى وجعتني
اتصلي بفيروز طمنيني عليها
ياسمينه/ حاضر
........... .............
محي/:هو دا بقي النسب اللي يشرف يامدام
مروة/ انت عايز ايه يامحي مش كفاية ان ابنك تعبان وحضرتك واقف تناقشني في كلام تافه زي دا
محي/ كلامي مش تافه يامدام
ابنك اتصاب وهو نازل من عندهم عارفة دا معناه ايه
مروة/ ايوه بقي معناه ايه؟!
محي/ إن في حد متربصله
مروة/ حد مين
محي/ اكيد حد من طرفهم
ماهو الموضوع دا محصلش إلا بعد مقابله والد خطيبته في الشركة
مروة/ تقصد إن هو
وسكتت
محي/ دا مليون في الميه
والاحتمال التاني بقي اللي بفكر فيه إن الأستاذ اللي جوه دا هو اللي مقصود بالحكاية دي وابنك اتاخد في الرجلين
مروة/ الحمد لله...إنه كويس
محي/ اسمعي يامروة انا مش مستريح للموضوع ده العيله دي كلها مشاكل ومش هيجيلنا من وراهم غير المصايب
دول شكلهم قتالين قتله كفاية خال المحروسة اللي جوه اللي متهمينه بجريمة قتل
مروة/ اديك قولت متهمينه يعنى ممكن يطلع بريء
محي/ ميخصنيش
انا عايز ل ابني عروسة من عيله كويسه
مروة/ ابنك بيحبها ومتمسك بيها اتكلم انت معاه وخرجني انا من الموضوع ده
..............................
محمود/ عشان غبي يانبيل ومبتعرفش تصيد كويس
نبيل/ جرا ايه يامحمد هي أول مره اعملها
وبعدين ياحبيبي طالما مش عاجبك شغلي كنت قومت بالمهمه دي لوحدك
محمود/ لو بعرف كنت نفذتها لوحدي ولا الحوجه ليك
نبيل/ هنكدب بقي!
اومال مين اللي قتل ناصر
محمود / كنت بدافع عن نفسي
نبيل/ انا مسافر المغرب الاسبوع الجاي هتيجي معايا
محمود/ مش هقدر أجي معاك خليك كام يوم يمكن الظروف تتحسن شوية ونقدر نسافر مع بعض
نبيل/ لا ياحبيبي انا انتظرك كتير الظاهر بتحب مصر ونفسك تموت فيها
محمود/ خلاص يانبيل سافر انت وانا هحصلك
نبيل/ اوك......سلام
........................
أنت تقرأ
أنا وأختي👩👧👧
Чиклитيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
