الحلقة التاسعة عشر
#انا_واختي
#بوسي_مصطفي
............................
نادين/ ها يابنتي اختك ردت عليكي
ياسمينه/ مفتحتش اصلا ياماما
نادين/ طيب انتي متأكدة إن هو دا الايميل بتاعها
ياسمينه / عمر قالي إنه شاف الاكونت دا بالصدفه وهو بيعمل سيرش ع الفيس ب اسم
فيروز أو اسم بابا احتمال يلاقي ليهم اكونت ع الفيس
وفعلا حصل هو كان شاكك بس اتأكد وبعت مسج
نادين/ لفيروز؟
ياسمينه/ ايوه وكلمته
نادين/ 😢يبقي خليكي وراها لحد متفتح
ياسمينه/ ماما ممكن اتكلم معاكي في موضوع مضايقني
نادين/ طبعاً اتكلمي
ياسمينه/'حضرتك ليه معاملتك للأستاذ كمال جافه
نادين/ ازاي يعني مش فاهمه؟!
ياسمينه / دايماً تزعقي وتتنرفزي عليه وهو بصراحة بيصعب عليه اوي لانه ذوق ومحترم جداً وبيحاول يمتص غضبك
نادين/ ياسلام بقي انا بعمل كل ده؟! وبعدين احنا في ايه ولا في ايه دلوقت
ياسمينه/'انا حاسه من حضرتك إنك بتعاملي الأستاذ كمال ع عكس بابا
عشان خايفة يطلع شبه بابا بس أحب اقولك بقى إنه غير بابا خالص
ياريت كان هو بابايا بجد
نادين/ ياسمين ياحبيبتي
مهما كان برضو لازم تفتخري بباكي ومتحاوليش تتمني أب غيره
مشاكلي انا وباباكي حاجه متخصكوش لازم تفهمي كده كويس
ياسمينه / ازاي يعني متخصناش
: نادين/ ايوه متخصكوش ولو كانت علاقته بيه انتهت
فانتو ياحبيبتي عمر م علاقتكو بيه هتنتهي فاهمه
ياسمينه / م بلاش المثالية دي ياست ماما ومتحملنيش فوق طاقتي لاني عمري م هقدر أتعامل مع بابا زي أي بنت طبيعيه عشان هو كسر جوانا حاجات كتير وحضرتك عارفة
نادين/ ايوه ياحبيتي عارفه بس دا مهما كان باباكي
ياسمينه/ لأ مش بابايا
الأب اللي يحرم الأخوات من بعض ميستحقش يتقال عليه الكلمة دي
عشان انا اللي أعرفه وسمعته من أصحابي إن الأب دا حاجه كبيرة كده مينفعش تتوصف
ولا هقدر اصلا اوصفها عشان معشتهاش
انا عاشت مع اب محستش معاه بالأمان ولا كان حضن دافي يضمني لما أكون خايفه ولا بردانه
كان العكس تماماً انا اصلا معرفش يعني ايه أب عشان اتكلم عنه
نادين/ خلاص ياياسمين عشان خاطري كفاية كده
ياسمينه/ عارفة ياماما انا يوم م تجوز مش هتجوز شاب من سني
نادين / ليه يابنتي
ياسمينه/ عشان اللي هتجوزه لازم يكون بابا قبل أي حاجه لازم يعيشني اللي معشتهوش مع ابويا الحقيقي ودا مش هلاقيه في أي واحد من سني
نادين/ ياسمينه ياحبيبتي انتي خلاص خلصتي ثانوية عامه وبتستعدي لدخول الجامعة لازم تعرفي انك يوم متقدمي في الجامعة هتقدمي بأسم باباكي ويوم متشتغلي هيكون اسمه ملازم اسمك حتي يوم ميتكتب كتابك هيكون هو وكيلك وايده في ايد الشاب اللي هتتجوزيه
لازم تعرفي إن وجوده في حياتك مهم اوي حتي لو
ياسمينه/ كملي ياماما
حتي لو كان اسم بس لكن وجود حقيقي في حياتي مفيش
انا مش بكرهه لاني عارفة إن دا مينفعش بس كمان مش قادرة أحبه
ماما انا تعبانه ونفسيتي مدمرة من الموضوع ده
كفاية إنه دمر نفسيتي انا واختي وكل واحده فينا بقت عايشه بعيد عن التانيه ...انا فيروز وحشتني اوي ياماما😢
أمتي ترجع بقي عشان اخدها في حضني ونلعب مع بعض زي زمان
هسيبلها دراع الاتاري تلعب بيه لوحدها ومش هضايقها ولا أقولها يارغايه هسمعها وهي بتتكلم من غير م ازهق أو امل
نادين/ 😢
ياسمينه / وحشتني ووحشتني شقاوتها
ردي بقي يافيروز عاوزه اكلمك واطمن عليكي
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
