[٢٩/٩ ٠٩:٥٧]
الحلقة 39
#انا_واختي
#بوسي_مصطفي.
...................................
نادين // ايوه طبعاً هو دا الحل تشغل المصنع من تاني ونحاول نصلح أي حاجه توقف الإنتاج
وليد // من بكره الصبح هنزل واشوف المصنع محتاج أيه واعمله
نادين// انا مبسوطه اوي أنك هتعمل اللي كنت ناويه اعمله
وليد// عمتي إنتي ليكي مبلغ في رقبتي.... ان شاء الله
اسدده لحضرتك في أقرب فرصة
........................
نادين/ مبلغ ايه انا مش هاخد أي حاجه...اسمع ياوليد انت ياحبيبي ابن اخويا واخ لولادي أي حاجه تحتاجها تقولي علي طول ماشي وليد/ انت حنينه اوي ياعمتي....ازاي قدرت اعمل كده في حضرتك
نادين/ انا كمان معشتش معاكم وكنت مسافره طول الوقت
أي حاجه تضايقك تيجي تقولي ع طول اوعى تخبي عني أي حاجه
وليد بفرحه/ حاضر
ياسمين خارجه من الغرفة / ازيك ياوليد اخبارك ايه
وليد/ الحمد لله....ياياسمين بخير
ياسمينه/ ماما كنت عايزة اطلب منك طلب
نادين بتنهيدة وضيق/'اتفضلي عايزة ايه
وليد/ طيب ياعمتو انا هنزل اقعد مع تيته تحت
نادين/ مش قبل منتغدا مع بعض
وليد / لا مش هينفع معلش اعذريني تيته تحت لوحدها ومينفعش أكل واسيبها تاكل لوحدها
نادين/ طيب خلاص تبقى تاخد اكلك معاك
وليد/'لا عمتو مش هينفع
نادين بتنادي/ فيروز...فيروز تعالي
فيروز/ نعم ياماما
نادين/ بص بقي ياوليد انا عامله ملوخيه وورق عنب عارفة إنك بتحبهم زي عصام حبيبي م كان بيحبهم بالظبط😢
قولي بقي تاكل بط ولا فراخ
وليد/ لا ياعمتو متتعبيش نفسك انا مش هقدر أكل كل ده
نادين/ خلاص يافيروز اعملي صنيه كبيرة ل ابن خالك
فيروز/ حاضر ياماما
نادين/ اقعد بقي لما فيروز تخلص عشان مش هتقدر تنزل بيها لوحدها
وليد / ملوش لزوم كل ده انا اصلا مبقتش أكل زي زمان
نادين ببتسامة/ ياحبيبي لازم تاكل وتتغذي عشان تقدر تشتغل ولا هتروح المصنع تنام هناك؟
ياسمينه شعرت إن نادين بتتعمد تتجاهل وجودها
ياسمينه/ ماما كنت عايزة اقولك حاجه
فيروز / خلصت ياماما
وليد/ معلش ياحبيبي ادخل هات الصنيه من جوه
وليد /'حاضر
اتجهت نادين ناحية الباب وفتحته من الجانبين
وليد/ تسلم ايدك ياعمتو
نادين/ بالهنا والشفا ياحبيبي سلملي ع تيته
وليد/ حاضر....يوصل
ياسمينه بصوت عالي / مامااااا
نادين وهي بتقفل الباب / حاضر جايه
وقربت من ياسمينه/ خير عايزة ايه ياسمينه/'كنت محتاجه فلوس
نادين/ ليه
ياسمينه/ هشتري طقم اقابل بيه الضيوف اللي جايلنا بعد بكره
نادين بضيق/ وهو لازم جديد يعني
ياسمينه / يعني اقابله بحاجه لابستها قبل كده
نادين / حاضر هجبلك الفلوس من جوه ولا اقولك هاتي انتي الشنطة من جوه هتلاقيها ع الكرسي
ياسمينه/'حاضر
فيروز /'ماما انا جعانه اوي
نادين/ حاضر ياحبيبتي خمس دقايق بس عمو كمال زمانه جاي
فيروز/ خلاص ماشي
نادين شعرت إن فيروز جعانه فعلا/ أقولك حضري السفرة تلاقيه طالع ع السلم دلوقت
فيروز بفرحه/ انا هفتح الباب اشوفه جاي تحت كده
نادين ببتسامة/ ماشي بس متقعديش ع السلم
ياسمينه/ اتفضلي ياماما
تفتح نادين الشنطة وتخرج الفلوس وتعدهم
نادين/ اتفضلي
ياسمينه / ايه دول ياماما
نادين/ فلوس هيكونوا ايه يعني
ياسمينه / بس دول ميكفوش
نادين/ ليه بقي
ياسمينه / مش لسه كمان هعمل ميكب أب
نادين/ نعم...ميكب اب ليه ياحبيبتي هو طقم بس اللي هتلبسيه وبالحجاب كمان فاهمه
ياسمينه /'وهطلع كده بقي من غير م احط حاجه في وشي
نادين/ ايوه ولو زودتي في الكلام بقي ياياسمين هخليكي تتصلي بالدكتور بتاعك ده تعتذريله احنا مبنقابلش حد في بيتنا ماشي
ياسمينه/ اه هو حضرتك عامله كل ده عشان كده بقي؟!
نادين/ايوه وانا مش عايزة الموضوع دا يتم اصلا لإنه مش نزلي من زور أي رأيك بقي
ياسمينه/ 😢 أوك ياماما اللي تشوفيه
كمال يدخل ومعاه هدي وفيروز / ايه يانادين صوتك عالي ليه
نادين بتعيط
كمال بانفعال/ قولتي لماما ايه ياياسمين خلتيها تعيط بالشكل ده
ياسمينه تركتهم ودخلت جوه وهي بتعيط
كمال/ في ايه بس ياحبيبتي
نادين/ بنتي بتتحداني ياكمال وانت السبب
كمال/ انا!
ادخلوا جوه يابنات
هدي/ انا هدخل اشوف سيف
نادين/ معلش ياهدي ياحبيبتي سيف نايم دلوقت لما يصحي ابقي ادخليله
هدي بحزن وعينها مدمعه/ 😢طيب
نظر كمال لهدي واتأثر من رد فعلها ع كلام نادين
كمال/ فيروز ادخلي جوه انتي وهدي
فيروز/ تعالي معايا ياهدي نلعب جوه
كمال قعد جنب نادين اللي كانت بتغلي من الغيظ
كمال/'ليه تزعلي البنت كده يانادين نادين/ انا برضو اللي مزعلاها
مش شايف بتتحداني ازاي وعايزة ترتبط بواحد أكبر منها ب اتنين وعشرين سنه😢
كمال / انا مقصدش ياسمين
نادين/ فيروز؟. انا مقولتلهاش حاجه
كمال/ انا أقصد هدي
نادين/ ليه عملت ايه
كمال/ كلامك كان عنيف اوي معاها
نادين/ ليه عشان قولتلها سيف نايم
كمال/ بس مكلمتهاش كده
نادين/ كمال أنا مخنوقه ومضايقة متعلقش علي كل حاجه بقولها
كمال / انتي مضايقه نفسك ليه احنا مش اتفقنا إننا هنسايرها لحد متشوف عيوبه بنفسها
نادين/ قلبي مش مطمن
كمال/ بقولك ايه انا راجع واقع من الجوع محطتش حاجه في بوقي من الصبح وجدة هدي كمان كانت شبطانه فيها ومش عايزاني اخدها لولا إن هدي مسكت فيه وقالت عايزة اروح لسيف
ابتسمت نادين/ ياحبيبتي يبقي كلامي ضايقها فعلا بس انا مكانش قصدي
كمال يقبل ايدها/'انا عارف ياحبيبتي بس لازم تتعلمي إنك تسيطري ع انفعالاتك شوية ياسمين غير فيروز غير هدي
كل واحده سن مختلف عن التانية متخليش مشكلة زي دي تبوظ علاقتك بالباقي
نادين/ انا هدخل اصالحها وانت غير هدومك عشان البنات كمان واقعين من الجوع
كمال ببتسامة// حاضر ياحبيبتي
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
