الحلقة 22
#انا_واختي
#بوسي_مصطفي
.....................
نادين تخبط ع باب غرفة ياسمينه وتدخل / بتعملي ايه ياياسمين
ياسمين ببتسامة/ ماما
اتفضلي تعالي
نادين/ قاعدة في اوضتك من وقت مرجعتي من الجامعة قولت أجي اطمن عليكي
ها بتعملي ايه
ياسمين/ أصل انا وانا جايه عديت ع المكتبة واشتريت رواية وقاعده اهو مندمجه في القرايه
نادين/'شكلها ممتعه الرواية دي
اسمها ايه
ياسمينه / انا وأختي
نادين / اسمها حلو
فيها بقي رومانسيه وكده
ياسمينه/ هههههه لا متخافيش مفيهاش حاجه من اللي بالك فيها
نادين/ هههههههههه
تبقي رواية كلها هم ونكد
حتي في الخيال مش عتقدنا
ياسمينه/'فعلاً حتي أحداثها قريبه اوي مننا
نادين/ لا دا انا اخدها اقراها بقى
ياسمينه / لما اخلصها الأول
واشوف نهاية الأب دا هتكون ايه
أصل البطل في الرواية إنسان قاسي اوي وعنيد وبخيل حتي في مشاعره لولاده ومراته مبيحبهمش إنسان وحش اوي
نادين/ ياسمين محبكيش تتكلمي ع بابا بالطريقة دي
ياسمينه / انا أقصد الأب في الرواية مش ابويا الحقيقي
نادين واكتشفت خطاءها/ طيب اخرجي عشان تاكلي
ياسمينه / حاضر
نادين واستندت بيدها ع مكتب ياسمينه وكانت هتوقع
ياسمينه قامت بسرعة / ماما مالك في ايه
نادين/ شوية دوخه ياحبيبتي متقلقيش
ياسمينه/'مبتكشفيش ليه وتطمني ع نفسك انا ملاحظة إن حضرتك بقالك كام يوم تعبانه وع طول نايمه ومش قادرة تعملي أي مجهود
نادين بتردد/ أصل
أصل انا حامل
ياسمينه/ بجد!
نادين/ اه بجد
ياسمينه/ مبروك
نادين/ أي مالك زعلانه
ياسمينه / لا طبعاً فرحانه
نادين/ طيب يلا عشان ناكل كلنا مع بعض
ع السفرة
كمال/ امسكي المعلقة ب اليمين ياهدي
هدي/ بابا حضرتك عارف اني مش بعرف
تهاني/ عصام كان مغلبني كده برضو بيعمل كل حاجة بالشمال إلا الأكل
كمال / انا معنديش مشكلة تعمل كل حاجه ب ايدها الشمال بس الأكل لأ
تهاني / واحده واحده وهتتعود
يلا بقي يابنات بتعملوا أي عندكو
ياسمينه ببتسامة/ انا جيت ياست الكل الدور والباقي ع ماما بقي
كمال / أي يانادين لسه تعبانه
نادين بتقعد بتعب/ شويه
تهاني /'طب اشربي شوية الشوربه دي
وانتي هتبقى زي الحصان
هدي/ هو البيبي هيجي أمتي ياطنط
كمال وهو ناظر لنادين/ قولنا أي ياهدي ؟!
هدي/ ماما نادين
نادين ببتسامة/ بعد كام شهر كده ياحبيبتي
هدي/ يااااه لسه كتير اوي
هو مينفعش يجي بكره
ياسمينه/ هههههههه
حاضر هنروح للدكتور ونقوله
تهاني/ بعد الشر دكتور أي دلوقت
بصي ياحبيبتي هو لازم يعيش شوية في بطن ماما ياكل ويكبر وبعد كده يخرج عشان تلعبوا مع بعض
هدي/ بابا انا عايزة أنزل اشتري لعب كتير عشان ألعب بيها مع البيبي لما يخرج من بطن ماما
كمال / حاضر ياحبيبتي نأكل بقي عشان عندنا مدرسة الصبح
ياسمينه/ ماما
نادين/ نعم ياحبيبتي
ياسمينه / عمر ابن عمتي كلمني امبارح وسأل ع حضرتك
تهاني/ فيه الخير الواد ده دايماً بيسأل ويتصل ببنتك
نادين / كان عاوز حاجه
ياسمينه/ بيقول إن تيته قالتله ع مكان بابا
نادين بلهفه/ها وبعدين
قالتله هما فين ؟
ياسمينه/ عمر بيقول إن بابا في إيطاليا
نادين/ هو كل يوم في بلد ؟!
هو متأكد يعني ولا مجرد كلام وبس
: تهاني/ ودا هنوصله ازاي
ياسمينه/ انا حاسه إنها بتكدب عليه عشان هي عارفة إننا بنتكلم مع بعض واكيد هيقولي
نادين/ مبتتكلمش ليه ياكمال
كمال/ هنتكلم اقول ايه
نادين/ تقول رأيك
كمال/'إحتمال يكون في إيطاليا واحتمال تاني يكون في بلد تانية
نادين بانفعال/'فهمت انا ايه دلوقت
كمال/ كلامي واضح يانادين
نادين/ يعني انا مبفهمش
كمال قام وهو بيقول لهدي/ يلا ياهدي عشان تنامي عندك مدرسة الصبح
واخد هدي من ايدها ودخل بيها جوه
تهاني/'مالك بس يابنتي....عصبيه اوي ليه كده
نادين/ مش شايفه ياماما بيكلمني ازاي
تهاني/ لا انتي الظاهر الحمل عامل عمايله معاكي
كملي أكل وادخلي نامي
نادين/ وانتي يا ياسمين مش عايزة تقولي حاجه انتي كمان
ياسمينه/ بصراحة ياماما عمو كمال مغلطش في حاجه بس حضرتك واضح إن اعصابك تعبانه شويه
نادين بحزن/ ياسمين
ياسمينه/ نعم ياماما
نادين/ اوعديني ياحبيبتي لو مت متنسيش اختك لازم تدوري عليها وتلاقيها
ياسمينه/ بعد الشر عليكي ياماما
إن شاء الله
فيروز ترجع ونعيش مع بعض تاني
تهاني / جرا لك ايه بس يابنتي
اتفاءلي خير يا حبيبتي
.........................
أنت تقرأ
أنا وأختي👩👧👧
Chick-Litيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
