[١٤/٩ /٢٠١٨
الحلقة 29
#انا_واختي
#بوسي_مصطفي
................................
فيروز ممسكه بيد نادين اللي بتحاول تستعيد وعيها
فيروز/ انا فيروز ياماما
مش مصدقه اني رجعت صح؟
نادين واحتضنت فيروز وهي بتبكي/😢
روحتي فين يافيروز وسيبتي ماما
فيروز/ مش هبعد عنك تاني
ماما انتي وحشاني اوي وكمان ياسمين وحشتني ووحشني الرغي معاكو
اومال فين تيته دي بقي اللي وحشتني اوى
اكيد نايمه هدخل اصحيها
انهارت نادين وانفجرت بالبكاء
ياسمينه/ تيته توفيت يافيروز
فيروز بصدمه/ ازاي...انتي بتهزري
ياسمينه/ والحاجات دي فيها عزاء
فيروز/دي كانت كويسه اوي قبل مسافر
ياسمينه/ كان نفسها تشوفك اوي يافيروز
فيروز / 😢ياحبيبتي ياتيته
كده تمشي وتسبينا طب كنتي استني اما اشوفك واودعك😢
محمود/ نادين كنت عايز اتكلم معاكي لوحدنا
كمال نظر لنادين بدهشه
ومنتظر رد فعلها علي طلب محمود
نادين/ أي كلام عايز تقوله يامحمود ممكن تقوله هنا
مفيش حد غريب
وكمال يبقي جوزي ومفيش حاجه ممكن اخيبها عليه
محمود/ طيب حيث إنك فتحتي موضوع الأستاذ كمال
فأنا حابب اعرف هو وضعه ايه بالنسبه للبنات
كمال / باشمهندس محمود بناتك هما بناتى
قاطعه محمود/ معلش يااستاذ
قولتلي اسمك ايه
نادين بانفعال وشعرت وشعرت إهانة محمود لكمال/ اسمه الأستاذ كمال وهو في مقام والد ياسمين وفيروز
محمود / هنضحك ع بعض ولا ايه يانادين
دا اللي هو ازاي يعني
ماهو إن مكانش ابيض يبقي اسود
الوضع دا ميناسبنيش
ياسمينه/ بس هو مناسب ليه
محمود /'لما الكبار يتكلموا الصغيرين مينطقوش
نادين/ خدي اختك ياياسمين وادخلوا جوه
ياسمينه / يلا يافيروز
نادين/ انت ايه يااخي
عمرك مهتتغير ابدا....دا انت استكترت حتي تاخدها في حضنك وتحسسها بحنانك
محمود/ كفاية عليها حنان الأستاذ كمال
كمال / لو سمحت مفيش داعي للغلط انا محترم حضرتك بس عشان في بيتى
محمود/ بيتك!
وكمان كتبتيلو الشقة باسمه ياهانم
نادين/ ع مهلك شوية الشقة دي انا بعتها لكمال مقابل فلوس
جوزي راجل مبيقبلش ع نفسه جنيه من عرق مراته
ضغط محمود ع أسنانه من شدة الغضب
: نادين / اه وكمان نسيت اقولك إن ياسمين اتخطبت
محمود بسخرية/ وبتعرفيني ليه من باب العلم بشيء يعني
نادين/ انت برضو باباها ومن حقك تعرف
قام كمال وخبط ع باب غرفة ياسمينه
اللي خرجت بسرعة
كمال/ ممكن تقعدي مع باباكي ومامتك عشان هدخل اوضتي
ياسمينه / حاضر
محمود/ ويبقي مين البيه بقي وبيشتغل ايه
نادين /'اسمه هادي محي فرحات
محاسب في شركة والده
محمود/ وشافها فين
جات ياسمينه وقعدت/ يبقي أخو واحده صاحبتي
محمود/ اشوفه الأول وبعد كده اقول رأيي
نادين/ محمود بلاش اسلوبك ده
قابله براحتك وانا متأكدة إنه هيعجبك بس بلاش حكاية العند بتاعتك دي
محمود/ نرجع بقي لوضع جوز حضرتك بالنسبة للبنات
ايه رأيك شايفه إن دي حيا
ة طبيعيه
نادين/ ياسمين متعلقة اوي بالأستاذ بتاعها
اه نسيت اقولك إن كمال كان بيدارسلها في ثانوي
محمود / أوباااا هي الحكاية كده
نادين/ حكاية ايه
محمود / البيه شافك بقي وعجبتيه فراح موقعك واتجوزك
نادين/ بلاش الكلام دا قدام بنتك
محمود / قدامك يومين يانادين
فكري في وضع بناتك هنا
عشان لو فضل الوضع كده انا هاخدهم عند ماما
ياسمينه بدهشه/'ايه!
محمود/ مش احسن متعيشوا مع راجل غريب
اسمعي يانادين
زي م قدرت اخدت فيروز مش هيكون صعب عليه اخدهم هما الاتنين......سلام
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
