الحلقة العاشرة
#انا_واختي
#بوسي_مصطفي
نادين جوه ف الغرفة سامعه صوت ضحكات صفاء
خلاص مبقتش قادرة تتحمل اكتر من كده
محمود / كفاية بقى ياصفاء
وطي صوتك قولتلك
صفاء/ ليه هو دا مش بيتي وبعدين انا بضحك في اوضتي
محمود يقرب منها بحب / ايه ده انتي زعلتي ولا ايه
صفاء/ لا انا مخصماك متكلمنيش بقي
محمود/ طب ينفع عروسة تخاصم عريسها في ليلة زي دي
صفاء/ شوف مين بقي بيخبط
محمود يقوم يفتح الباب
صفاء/ تلاقيها مراتك ....ماهي نارها مش هتبرد غير منتخانق مع بعض
محمود/ عايزة ايه يانادين
نادين/:كنت عايزة اتكلم معاك شوية
محمود / طيب شويه وجايلك
صفاء قامت وقربت من الباب/ هي حبكت يعني دلوقتي
نادين تجاهلتها ودخلت الغرفة
محمود / انا هروح اشوفها وارجعلك ع طول
صفاء بضيق/ طيب
نادين قاعدة ع طرف السرير
محمود/ خير عايزة ايه
نادين/ انا عايزة أنزل مصر
محمود / اشمعنه ؟!
نادين/'البنات وحشوني وعايزة اشوفهم
محمود/ بعدين نبقي نتكلم ف الموضوع ده
نادين/ 😢عشان خاطري يامحمود انا سيبتك تعمل ال انت عاوزه سيبني اشوف بناتي
محمود/ عايزة تنزلي عشان مترجعيش
نادين/ وانت محتاجني ف ايه مش خلاص اتجوزت
محمود/ اه اتجوزت بس مفيش في قلبي غيرك ...بتخنق وانتي بعيده عني
نادين/ انت اكيد مجنون
محمود/ انا لسه بحبك يانادين
نادين/ مش بقولك مجنون
محمود/ عمرك م سألتي نفسك انا ليه مطلقتكيش لحد دلوقتي
نادين/ عشان انا البنك بتاعك يابشمهندس
محمود / لا يانادين انتي غلطانه يمكن أكون مسرف شوية بس مش دا السبب أظن ليلة زي دي مينفعش اقولك فيها الكلام ده
بس انا كل م حس انك هتبعدي عني بخاف
نادين/ انت مريض ولازم تتعالج يامحمود
قفل محمود الباب وقعد جنب نادين
نادين/ انت قفلت الباب ليه
محمود/ هبات الليلة هنا
نادين/ وعروستك
محمود / متشغليش بالك بيها
نادين فتحت الباب وخرجت
محمود / انتي رايحه فين
خبطت ع صفاء
صفاء وايدها في وسطها / نعم...خير
نادين/ محمود منتظرك جوه
صفاء/ جوه فين
نادين/ في اوضتي. ...روحيله انا هنام ع الكنبه ف الصاله
نظرت صفاء لنادين بدهشة
محمود/ ايه اللي بتعمليه دا يانادين
نادين/ قسمت الحق
اليوم دا لعروستك .....ياعريس
في الصباح
تهاني/ افطروا بقي بسرعة عشان نروح قبل الدنيا متليل
فيروزه/ منقعد شوية ياتيته
مروة/ اقعدوا كمان كام يوم ياطنط احنا حجزين أسبوع هنا
تهاني/ معلش عشان عصام ابني قلقان علينا ومعملتش حسابي غير ع اليومين دول
هادي / طيب انا هوصلكو بعربيتي
ياسمينه/ لأ الطريق طويل عليك وهضيع يوم بحاله عشانا
مروة/ ماهو مينفعش تسافروا لوحدكو احنا كمان هننزل معاكو
داليا / بس العربية كده مش هتاخدنا ياماما
هادي/ نادر صاحبي معاه عربيته
طنط وماما يركبوا معاه
تهاني/ لا انا هركب مع البنات
مروة/ سبيهم ياطنط مع داليا وانا وانتي ف العربية التانية
تهاني/ ليه بقي
داليا /'يعني ياطنط شباب مع بعض
غمزتلها مروة عشان تسكتها/
داليا/'أقصد يعني العربية التانية مريحه أوي وهتعرفي تاخدي راحتك فيها
هادي/ انا هلبس وهروح لنادر أقوله
مروة/ طيب ياحبيبي متتأخرش
ياسمينه / بس احنا كده هنتعبكو اوي ياطنط
مروة/ مفيش تعب ولا حاجه ياحبيبتي. ..
ماما موصياني عليكم ومينفعش اسيبكم تسافروا لوحدكو
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
