الحلقة الثامنة عشر
#انا_واختي
#بوسي_مصطفي
...................
تهاني/ ياخبر وبعدين عملتي ايه
نادين/ طبعاً مدخلش عليه الكلام اللي قاله إن كان في ورق واقع تحت المكتب
انا متأكدة من اللي عنيه شافته
وليد كان بيفتح الدرج ياماما بعد م خرجت الفلوس وعطتهم لحنان
تهاني/ يبقي هو
نادين/ نفس اللي جه في دماغي
بس مش مهم الفلوس
انا مش زعلانه ع العشر تلاف اللي اخدهم
انا اللي قلقني هو بياخد الفلوس دي بيعمل بيها ايه
اكيد مش اول مره ولا هتكون آخر مره يمد ايده ويسرق
تهاني/ اكيد مصاحب عيال فسدانه و هما اللي بيحرضوه ع السرقة
نادين/ ماما لمحي لعصام من بعيد لبعيد انه يخلي باله من ابنه
انتي عارفه لو انا اتكلمت ممكن يحصل ايه
وكمان مها مش هتسكت دا انا كده ومش سالمه منها
تهاني/ حاضر هقوله
بس لازم يرجع الفلوس اللي اخدهم
نادين/ مش عايزاهم ياماما انا مسامحه المهم وليد ميكملش في الطريق اللي هو ماشي فيه
دا مهما كان ابن اخويا وبخاف عليه زي ياسمينه وفيروز بالظبط
وقعدت نادين بعد م افتكرت
فيروز / 😢ياحبيبتي يابنتي ياترى عامله ايه من غيري
ياترى فين اراضيك يامحمود مش كفاية كده وترجع بقي😢
تهاني/ وبعدهالك يابنتي انتي مش هتريحي نفسك من الموضوع ده
بنتك مع أبوها ومسيرها ترجع
هو يعني هيفضل هربان بيها علي طول
نادين/ أمتي بس ياماما
تهاني/ الصبر يابنتي
مفيش أقرب من الأيام....مسيره يرجع يشوف أمه
فكرتي يابنتي
نادين / فكرت!
فكرت في ايه ياماما؟
تهاني/ في الموضوع إياه
نادين/ تاني ياماما
: تهاني/ انا مش عارفة انتي رافضه ليه الموضوع ده
بنتك وبتقولي موافقه والراجل محترم وبنتك متعلقه بيه وانتي لسه صغيره ومن حقك تتجوزي
نادين/ أنا مش فاهمه اتجوز ليه
ناقصني ايه عشان اتجوز
تهاني/ ناقصك راجل يقف جنبك ويحميكي يابنتي انا مش هعيشلك العمر كله ومحمود مسيره يرجع وخايفه عليكي منه وعصام زي م انتي عارفة ملهى في حياته
وبنتك بكره تتجوز هتعيشي كده بقي لوحدك
نادين /'ماما عشان خاطري بلاش نتكلم في الموضوع ده
تهاني/ الراجل جاي بكره واكيد مستني الرد منك
نادين/ عشان كده مش هكون موجوده ف البيت بكره
تهاني/ بتهربي منه ليه
نادين/ خايفه😢
اللي عمله محمود مش شويه
صعب اوي أأمن لراجل بعد اللي حصلي من محمود
تهاني/ بس دا شكله يابنتي غير محمود خالص
نادين/ خلينا في وليد دلوقتي ياماما لازم عصام ياخد باله من ابنه
.......................
حاتم / اسمعني بس انا عندي ليك مصلحه لو تمت يبقى هتاخد فلوسك وفوقيهم بوسه كمان
وليد/ جرا ايه ياعم حاتم انت فاكرني اهبل عشان أصدق كلامك ده
حاتم/ اسمع مني الأول وبعدين توافق. .ترفض براحتك
وليد / فلوسي اخدها كاش ودلوقتي
حاتم/ هتاخدها كاش وبزيادة كمان بس انت وشطارتك بقى
وليد/ يعني ايه مش فاهم
حاتم/'عندي بضاعة محتاج اللي يوزعها وليك تلاتين في الميه أرباح غير العشر تلاف بتوعك اللي هتاخدهم من اصل فلوس البضاعة قولت ايه
وليد/ اقول ايه في ايه
هو انا فاهم حاجه اصلا
بضاعة ايه دي؟
حاتم/ أعشاب طبيه هههههه
وليد/ هي المخدرات بقت أعشاب طبيه دلوقتي
حاتم / هههههه مش بتريح الأعصاب وبتعلي الدماغ وليها آثار جانبية زيها زي أي دوا بيتباع في الصيدلية
وليد بسخريه/ هههههههه تصدق اقنعتني
بس ياحبيبي دي لو اتمسكت بيها فيها كلبوش وانت واضح إنك عايز تخلص مني
حاتم/ العشر تلاف بتوعك هيرجعوا عشرين قولت ايه
وليد / الحكاية دي عايزة واحد فاهم ودايس في الموضوع دا كويس
انا منفعش
حاتم / وليد خد وقتك وفكر براحتك دي الطريقة الوحيده اللي اقدر ارجعلك بيها الفلوس بتاعتك
وليد/ وانا مش مستغني عن نفسي ياعم وفلوسي هقدر اخدهم منك لو حكمت اقول ل ابويا هقوله
حاتم/ طيب معطلكش....سلام
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
