[١٩/٩ ١٩:٣٣]
الحلقة 33
#انا_واختي
#بوسي_مصطفي
............................
نادين بتفتح باب الشقة وتدخل ومعاها البنات
نادين/ استني يافيروز متناميش قبل م تاكلي
ياسمينه/ انا مليش نفس ياماما هدخل انام....تصبحو علي خير
نادين بتشغل لمبه الصاله
اتفاجأت بكمال جالس في الصالون
نادين/ كمال ايه اللي مقعدك كده ياحبيبي ورجعت أمتي
كمال بحده/ كنتي فين يانادين
نادين/ انت مجبتش هدي معاك ولا ايه؟!
كمال/ انا ب سألك كنتي فين لحد دلوقتي
نادين/ انا كلمتك وقولتلك إننا رايحين عند هادي نتطمن عليه
كمال/ لا مقولتليش
نادين/ لا قولتلك انت بقي اللي مسمعتنيش
كمال/ تقصدي ايه بكلامك ده؟!
نادين/ انا معرفش في ايه ومالك جاي من بره مش طايق حد يكلمك ليه لو كان مرواح المحل اللي مضايقك بلاش ياكمال انا هقفله
كمال/ يبقي احسن برضو
طالما انتي تعبانه
نادين/ حاضر هقفله
كمال / تصبحي على خير
نادين/ مش هتاكل
كمال / لا مليش نفس
ودخل كمال الغرفة
فيروز/ في ايه ياماما وعمو كان بيزعق ليه
نادين / مفيش حاجه ياحبيبتي
تعالي معايا المطبخ نجهز الأكل
ع السفرة
فيروز/ هى عمتي مبتجبش هنا ياماما
نادين/ لا ليه
فيروز/ مش مفروض يعني نروح نزورهم
نادين/ عايزة تروحي هناك
فيروز/ وحضرتك تيجي معايا
نادين/'لا بلاش انا
كمال خارج من الغرفة / نادين اعمليلي فنجان قهوة
نادين/'حاضر
فيروز بصوت منخفض/ وهو ميعملش لنفسه ليه
نادين / خلصي أكل وأبقى دخل الأطباق المطبخ
فيروز / مش هتاكلي ياماما
نادين/ شبعت ياحبيبتي
بعد شوية
نادين / القهوة يا كمال
كمال/ سبيها عندك وروحي كملي أكل
قربت نادين من كمال وقعدت جنبه ع السرير
نادين/ هي ايه يا كمال ومجبتش هدي معاك ليه
كمال/ مش عايزة تيجي
نادين/ معقولة! ليه
كمال/ معرفش
نادين / طيب انا ممكن اروح اجيبها يمكن تيجي معايا
كمال /'لا بلاش انتي
نادين/ ليه بلاش انا
كمال /'كده وخلاص يا نادين
نادين/ طب ومتعصب ليه
كمال/'انا مش متعصب ولا حاجه بس انتي اللي تصرفاتك بقت مستفزة
نظرت نادين بدهشة/ مش فاهمه انا عملت ايه عشان تقول كده
كمال/ مفروض لما تخرجي من البيت أكون عارف انتي فين وهترجعي أمتي مش داخله البيت الساعة حداشر
نادين/ انت عارف إن المسافة بعيدة وبعدين انا قولتلك يعني انت عارف كنا فين
كمال / مقولتيش ولما اتصلي وانتي بره قولتي انك هتعدي ع المحل وانا عشان متتعبيش قولتلك بلاش تقومي تخرجي بالليل تروحي هناك
نادين / مصر برضو اني مقولتلكش!
خلاص يا كمال انت حر
: كمال/ رايحه فين
نادين/ هدخل اقعد مع البنات شوية
كمال/ طيب
كنت منتظره إنه يقولي خليكي معايا
هو انا مش فاهمه في ايه
بس اكيد حاجه مضايقاه قولت اسيبه براحته
ولسه خارجه من الغرفة
الفون يرن / الو....أستاذ شاكر في حاجه حضرتك
كمال خطف التليفون/ الو....انا كمال حضرتك في حاجه....
أ. شاكر/ أستاذ كمال مدام نادين اللي ردت عليه ؟
كمال/ ايوه...في حاجه يامتر
نادين مركزه اوي في المكالمة وفجأة
كمال بدهشه/ ايه...امتي حصل ده
طيب...طيب....مع السلامة
نادين بقلق/ في ايه ياكمال
انت بتلبس ورايح فين.....
مترد عليه
نادين واقفه ومنتظره تسمع رد من كمال
كان بيلبس وخرج من الغرفة
نادين ببكاء/ طمني في ايه.....عصام كويس؟
نظر كمال لنادين والدموع في عينه ويبتلع ريقه
قبل ميتكلم كانت نادين بتصرخ بأعلى صوتها/ اخوياااااا
😭ياحبيبي يااخويا
ياسمينه/ في ايه ياماما
كمال/ نادين اهدي ياحبيبتي متعمليش في نفسك كده
فيروز/ هو في ايه ياماما
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
