[٢٦/٩ ٠٣:٤٦]
الحلقة 36
#انا_واختي
#بوسي_مصطفي
................................
هادي/ انا مش فاهم حاجه
محي/ انا باابني مش كنت قولتلك قبل كده علي بسمه
هادي/ ايوه يابابا بس مش هينفع ارتبط بيها
محي/ ليه....ايه السبب
مروة/ السبب إنه بيحب خطيبته
ازاي عايزة يرتبط بواحده وهو خاطب
محي/ احنا انتهينا من الموضوع ده
هادي /'اوك يابابا بس انا كمان مبفكرش في الموضوع دا دلوقت
محي/ اوك هسيبك شوية لما تفوق من الموضوع اياه نبقي نتكلم
هادي / بعد اذنكو
مروة/ استني ياابني
انت خلاص نهيت علاقتك بياسمين
هادي بحزن/ عندك حل تاني ياماما مروة/ البنت كويسه وملهاش ذنب في حكاية باباها دي كلمها ياهادي واعتذرلها ع الأسلوب اللي كلمتها بيه امبارح
محي بانفعال/'بقولك ايه يامروة ينفع تخليكي في المطبخ بتاعك وسبيني انا افكر في مستقبل ولادي
مروة/ دلوقت بقوا ولادك
مفتكرتهمش غير لما كبروا وهما صغيرين ياما اتحايلت عليك نربيهم مع بعض بس انت اللي طول عمرك أناني عايز تعيش لنفسك وبس
هادي خرج من الشقة بعد م احتد النقاش بين باباه ومامته
محي/ ميصحش الكلام اللي قولتيه قدام ابنك ده
مروة/'هادي مش صغير وعارف كل حاجه من زمان مش جديد عليه اللي انا قولته
محي/'وافقتي ليه نرجع لبعض وانتي مش قادرة تصفي من ناحيتي ولا قادرة تنسي اللي فات
مروة/ كنت فاكره إنك جاي تلملم شمل العيله اللي فركشتها ب انانيته وعصبيتك لكن اللي حصل العكس انت جاي تبوظ للعيال حياتهم انا مش هسمحلك يامحي تضيع اللي انا عملته في سنين
وقفت لوحدي كنت أم وأب ليهم وانت يادوب كنت البنك اللي بيصرف وكمان كان في حدود
نزلت اشتغلت فترة وربيتهم لوحدي مش هسمحلك تضيعهم انت فاهم
محي/ انتي اللي دماغك خلاص فوتت وفاكره إنك هتقدري تسيطري عليهم وتمشي كلامك عليه كمان
انا ماشي يامروة ولنا تعرفي انتي عايزة ايه ابقي كلميني.....سلام
................................
كمال/ يلا ادخلي واقفه ليه
نادين تقوم ببتسامة وتفتح ذراعيها لهدي/ هدي حبيبتي وحشتيني هاتي حضن بقي كبييير
هدي واقفه مكانها
كمال بحرج/'معلش ياحبيبتي أصلها تعبانه بقالها كام يوم والبرد مبهدلها زي م انتي شايفه بلاش عشان متتعديش
نادين حاولت تتجاهل الموقف/ فيروز...فيروز تعالي شوفي مين عندنا....ألف سلامة عليكي ياحبيبتي هدخل اعملك حاجه سخنه تشربيها
كمال ببتسامة/ ياريت وانا كمان زيها الجو برد اوي النهاردة...اقعدي ياحبيبتي
هدي / فين اوضتي بقي
كمال/ اوضتك زي ماهي ياحبيبتي هتشربي حاجه سخنه عشان تخف الالتهاب اللي عندك ده وبعد كده هدخل انيمك في سريرك
هدي/ فين ياسمين ومين فيروز دي
كمال ببتسامة/ ياسمين في الجامعة وفيروز دي تبقي أختها
هدي بحزن/ وانا مليش أخوات
كمال قرب منها ومسد ع شعرها/ هما اخواتك ياحبيبتي وماما نادين هتجبلك كمان بيبي تلعبي معاه
هدي/ أمتي بقي هي كل ده بتاكله عشان يكبر ويجي
كمال/ هههههههه هانت خلاص
نادين خارجة من المطبخ/ بتضحك ع ايه ضحكني معاك
اتفضلي ياحبيبتي عملتك ليمون سخن وانت ياحبيبي القهوة بتاعتك
كمال/'تسلم ايدك ياحبيبتي هدي ياستي مستعجله عايزة تشوف البيبي
نادين/ تعالي ياحبيبتي قربي
كمال/ هتعملي ايه
نادين ومسكت يد هدي ووضعتها ع بطنها/ قربي بقي والمسيه
هدي بدهشه/ دا بيجري يابابا
كمال/ ههههههه الواد دا طالع شقي ل أخته
هدي / اللي هو انا
كمال/ اومال انا؟
هدي/ طيب يلا ياطنط هاتيه بقي عايزة اشوفه
نادين/ حاضر لما الدكتور يقولي هنزله ع طول
فيروز خارجه من الغرفة
نادين/ تعالي يا فيروز شوفي مين عندنا
فيروز/ مين دي
هدي/ انا هدي بنت بابا كمال ده
فيروز بعدم اهتمام/ اه....طيب
نادين/ خدي هدي ياحبيبتي لعبيها شوية جوه
فيروز/ بس انا مليش مزاج وبعدين لسه مفطرتش
نادين: حاضر هدخل اجهزلك الفطار
كمال نظر لفيروز ببتسامة/ الجميل صاحي متأخر ليه انهاردة
فيروز بحده / م انا نايمه متأخر
كمال/ هشوف ماما جوه متتشقيش ياحبيبتي ماشي
هدي ببتسامة / حاضر يابابا
فيروز/ انتي بقي اسمك هدي
هدي/ اه دا اسمي
تعرفي إن اسمك حلو اوي يافيروز
فيروز / وانتي كمان اسمك حلو تيجي نلعب جوه انا عندي لعب كتير هدي/ عندك عروسة باربى
فيروز/ لا انا عندي عروسة كبيييرة اوي تعالي افرجك عليها
هدي/طيب هقول لبابا
فيروز/ ماهو اللي قالك تلعبي معايا يلا بقي
..............
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
