الحلقة 24
#انا_واختى
#بوسي_مصطفي
...................................
كمال واقف في بلكونة الغرفة قلقان وعينه رايحه جايه ع الطريق
نادين نايمه ع السرير تعبانه
وبتحاول تنام
نادين/ كمال انت مبنمتش
يقرب كمال منها/ هنام أهو انتي منمتيش ليه ياحبيبتي
نادين/ مش عارفة قلبي مقبوض كده
ومش مستريحه خالص
كمال/ نامي ياحبيبتي وانا كمان هنام
نادين/ هدخل أشقر ع البنات لتكون واحده كاشفه نفسها ولا حاجه
الجو بدأت يبرد
كمال / لا ياحبيبتي رايحه فين
نادين/ ايه ياكمال مالك انا هشوف البنات وجايه
كمال/ هما كويسين ياحبيبتي انا شوفتهم من شويه
ريحي نفسك انتي ونامي
نادين/ اتكلم مع ياسمين وعرفتها إن غلط جدا تتأخر بره البيت الوقت دا كله
كمال بقلق واضح في صوته / اه ياحبيبتي اتكلمت معاها وهي اعتذرت
يحدث نفسه/ كده ياياسمين
تتأخري كل دا بره
ياترى روحتي فين
نادين/ انا مش مطمنه وهروح اتكلم معاها
كمال قام بسرعة يمنع نادين تدخل غرفة ياسمينه عشان متكتشفش إنها لسه بره البيت
نادين/ في ايه ياكمال انت مش عايزني أدخل اشوف بنتي ليه؟!!
...............................
خيري/ أخيراً العيال نامت
فاتن بقلق/ مش مفروض ميعادنا كان بكره جيت ليه الليلة
خيري / وحشتيني ياحبيبتي
وبعدين انتي مش قولتي إن عصام مش جاي الليلة
فاتن/ اه بس انا العيال مودتهمش عند امي واخاف حد منهم يصحي تبقي مصيبه
خيري / خليكي معايا بس دلوقتي وقوليلي هو المغفل جوزك صحيح هيكتبلك المصنع والشقة زي م قولتيلي
فاتن/ هو قالي كده
خيري / حقه لو دا حصل يبقي
ياسعدك ياهناكي
فاتن/ بس انا قلقانه لا مراته تعرف إنه متجوز وتضغط عليه فيقوم مطلقني
خيري/ ساعتها اتجوزك ياجميل
المهم ينفذ كلامه الأول وبعد كده يعمل اللي يعمله مش فارقه بقى
فاتن/ هروح اشوف العيال
خيري / يابت ناموا
اهدي بقي انتي قلقانه ليه اوي كده
..................................
وليد/ وبعدين في العطلة دي بقي
الواد شكري دا شكله مش جاي ولا ايه؟!
فوزي/ بقولك ايه انت تروح تجيب بنت عمتك تركبها هنا الأول وبعد كده نشوف موضوع الواد ده
وليد / استني ...أهو جه أهو
شكري/ ايه يارجاله واقفين كده ليه
فوزي/ تصدق ياض إنك معندكش دم اللي آخرك كل ده
شكري/ راحت عليه نومه ياعم ايه مالك ياض يافوزي بالراحة ع نفسك شوية
وليد/ انت كمان لسه هتوقف تتكلم
فين الورق اللي معاك
شكري/ اتفضل الورق أهو
حسابي بقي يامعلم
وليد/ فوزي ابقي حاسبه
شكري / لا ياعم فوزي ايه
انا حسابي هاخده منك مليش دعوة انا بفوزي الواد دا جلده ومبيدفعش حاجه
وليد/ مش معايا المبلغ كله بقولك ايه هبقي ابعتلك من هناك
شكري/ لا ياحبيبي مينفعنيش الكلام دا حسابي اخده وقتي ياوليد
وليد/ انا مش فايقلك ياشكري قولتلك فوزي هيحاسبك
فوزي/ م خلاص ياض قالك هحاسبك خلصنا بقي
شكري/ كلام رجاله؟
فوزي / كلام رجاله ياعم وأبقى عيل لو مدفعتش
شكري/ ماشي...توصل بالسلامة ياعم وليد
..............................
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
