الحلقة 23
#انا_واختي
#بوسي_مصطفي
..........................
: نادين/ انا مبقتش عارفة اعمل أيه دلوقت أوافق عصام وابيع حصتي في المصنع ولا أرفض والمصنع يوقف ومنستفدش منه ب أي حاجه ونخسر فلوسنا
كمال/ المحامي قال إن الورق من الناحية القانونيه سليم لكن في أمور مش واضحه
نادين/ ازاي يعني مش فاهمه
كمال/ زي مرتبات الموظفين اللي شغالين في المصنع وحجم الديون اللي ع المصنع بمبالغ كبيره جدا
مفيش خساير بالحجم ده في مدة قصيرة اوي
الفلوس دي اتصرفت فين
وليه كل الموظفين دول شغالين في المصنع مع إن مفيش إنتاج زي م بيقول ولو الديون دي اتصرفت مكينات استوردها لتحسين الإنتاج
ليه مشتغلتش؟!
نادين/ انا دماغي تعبتني من التفكير ومش عارفه اخد قرار
عصام زمانه جاي وعايز يعرف وصلت ل ايه
كمال / انا هدخل انام شويه
محتاجه مني حاجه؟
نادين/'لا ياحبيبي كفاية تعبك عشاني النهاردة
كمال/:انتي ليه يانادين بتعامليني كإن دا مش فرض عليه
مصلحتك ياحبيبتي هي مصلحتي وياريت كنت اقدر افيدك في الموضوع ده
نادين/'عشان طول عمري لوحدي
كل حاجه بعملها لوحدي عمري محسيت إن معايا راجل واقف جنبي فاحساس غريب اوي إن الاقي حد خايف ع مصلحتي
كمال / تاني هنقلب في القديم تاني
نادين / كان نفسي اخد بناتي ونروح مكان محدش يعرفنا فيه ولا حد يعرف احنا فين
نفسي اخد بنتي في حضني ونهرب من كل المشاكل اللي محوطانا دي
كمال / إن شاء الله
ترجع لحضنك من تاني وننسي بقي كل اللي فات
اومال فين هدي صحيح
نادين/ دخلت من شوية تذاكر
كمال/ وياسمين
نادين/:سيبتها جوه بتتكلم في التليفون
: جرس الباب يرن
هدي تخرج م الغرفة جري تفتح الباب
كمال / استني ياهدي عشان ماما تدخل جوه
نادين/ خلاص لبست الايشارب
هدي/ عمو عصام يابابا
نادين/ عصام
اتفضل أدخل
عصام/ مساء الخير
كمال /'مساء النور اتفضل يااستاذ عصام
عصام/ كنت عايز أتكلم معاكي شويه يانادين
كمال / طيب بعد اذنكو
نادين/ اقعد ياعصام
عصام/ ها وصلتي ل ايه
نادين/ هو مينفعش نوقف الشغل في المصنع عشان نوفر المرتبات دي ولحد حتى م نلاقي بيعه كويسه للمصنع احنا كده هنبيعه برخص التراب
عصام/ نادين انا هبيع حصتي في المصنع عايزة تحافظي ع نصيبك فيه براحتك هتبقى شريكة مع اللي هيشتري نصيبي
نادين بانفعال/ يعني عايزني ابقي شريكه مع واحد غريب معرفهوش انت عارف اني قبلت موضوع الشراكة دا عشان انت اخويا وهنعرف نتفاهم مع بعض لكن الغريب دا اتفاهم معاه ازاي
عصام/ خلاص بيعي نصيبك انتي كمان وريحي دماغك من قرف المصنع دا
انتي تعبانه ومش هتقدري تفضلي رايحه جايه ع المصنع كده
نادين/ خلاص ياعصام اللي تشوفه
عصام بخبث/ براحتك يانادين عشان مترجعيش تقولي اني ضغطت عليكي
نادين/ ايوه بس المبلغ قليل اوي
خليه يزود شويه
عصام/ انا وصلت معاه لآخر سعر
انتي تيجي معايا بكره وتبقي حاضره القاعدة كلها والقرار ليكي في الآخر انا هبيع الجزء اللي يخصني وانتي براحتك
نادين/ خلاص هشور كمال وارد عليك
عصام / كمال!
نادين/'ايوه مش جوزي ولازم اخد رأيه
عصام/ براحتك
اه نسيت.....اقولك مبروك
نادين ببتسامة/ عقبال م مها تعملها هي كمان
عصام/ ههههههههه
بعد اذنك هنزل اريح شويه
نادين/ مشربتش حاجه
عصام / لا مش قادر انا تعبان وعايز انام
سلميلي ع ماما
..........................
أنت تقرأ
أنا وأختي👩👧👧
ChickLitيا من أحببته لقد خدعتني 😔 القصة عبارة عن ماضي وحاضر ماضي كتبته نادين بخط ايدها في مذكراتها والحاضر اللي هنعيشه انا وانتم مع أحداث القصة بينا نعرف حكاية نادين الأم هي وبناتها.
