Mystic (COMPLETED) (Published by PHR)

Thirteen

MALAKAS ang musikang naririnig ni Mavis di-kalayuan. Napabalikwas siya ng bangon. Hinahabol niya ang hininga. May nararamdaman siyang kirot sa dibdib at sa wari ay hindi siya makahinga.

Ang mga kamay niya, na paulit-ulit na lang niyang ginagawa sa tuwing nagigising siya mula sa masamang panaginip na iyon ay dumadama nang marahas sa dibdib niya. As if expecting to find a hole in her chest and blood oozing from it.

Napaungol siya. Kapagkuwa'y natuon ang pansin niya sa ingay na naririnig. She realized it was her cell phone's alarm. I Will Survive, iyon ang pinili niya para sa alarm at sa ringing tone niya. At iyon ang gumising sa kanya.

Butil-butil na pawis ang gumigiti sa paligid ng noo niya. Para siyang galing sa isang mahabang pagtakbo at pagod na pagod. Inabot niya ang cell phone sa ibabaw ng side table at ini-off ang alarm. Pagkatapos ay nanghihinang nagbalik muli sa pagkakahiga. Her hands were still clutching her chest painfully. Patuloy pa rin ang marahang pagbaba-taas ng dibdib niya hanggang sa ilang sandali pa'y bumabalik na sa normal ang paghinga niya.

She had set her cell phone alarm last night at exactly nine in the morning. Gusto niyang matulog nang mahaba dahil pagod siya. Besides wala namang dahilan para magising nang maaga. Nilingon niya ang mga bintana. Maliwanag ang sikat ng pang-umagang araw na pumapasok. Tumayo siya at binuksan ang mga bintana. Sa kabila ng alas-nueve na ay malamig pa rin ang ihip ng hanging pumapasok mula roon at nalalanghap niya ang sariwang amoy ng kapaligiran.

She took a deep breath, revelling at the sweet scent of the air in the morning. Then she stared at the ceiling. Pilit niyang binabalikan sa isip ang mga pangalang binanggit sa panaginip niya. Ang mga pangalang alam niyang inusal niya sa panaginip. Pero tulad ng dati, mailap iyon na tila siya naghahagilap ng hangin.

Nag-init ang sulok ng mga mata niya. Nang nasa Amerika siya ay minsan lamang sa isang linggo kung dalawin siya ng ganoong mga panaginip at pangitain. Subalit mula nang tumuntong siya sa norte ay tatlong beses na siyang sinalakay ng mga panaginip at pangitain sa loob lamang ng wala pang beinte-kuwatro oras.

Ano ang ibig sabihin ng mga panaginip na paulit-ulit? Ng mga gayunding pangitain? Would she ever be free of it? Matutuklasan ba niya ang kahulugan ng mga iyon dito mismo sa bayan ng mommy niya? She blinked her tears away. Ano man ang mangyari ay hindi siya titigil hangga't hindi niya natutuklasan ang kahulugan ng mga panaginip at pangitaing iyon.

Kailangang bigyan niya ng normalcy ang buhay niya. She couldn't live like this for the rest of her life. Kailangang malaman niya kung sino ang babae sa pangitain niya. Gayundin ang lalaki. At kung ano ang nangyari rito. Sukdulang magsaliksik siya.

Maybe the right place to start with was at the hospital.