Mystic (COMPLETED) (Published by PHR)

One

"Mavs, wow, naman!" pasipol na sabi ni Billy nang umahon siya mula sa swimming pool. "Ang sexy mo talaga!"

She smiled demurely. At wala siyang pakialam kung sumimangot ang ilan niyang mayayamang classmate na babae na hindi nagawang magsuot ng bikini. Katunayan, mula nang lumusong siya sa tubig ay nakapaligid na sa kanya ang classmate niyang boys. Kaya naman dinusa niya ang nanlilisik na mga mata ng ilang classmates niyang girls.

Hindi katulad ng karamihan sa fifteen-year-old na classmates na babae na wala pang maipagmamalaking dibdib, nagsisimula nang magkaroon ng dibdib si Mavis. Kung hindi nga lang baby pa ang tingin sa kanya ng mommy niya ay nunca na makapagsuot siya ng two-piece swimsuit sa school outing na iyon sa Laguna. Her mother was conservative when she was concerned.

They'd been around Mt. Makiling. Ang paliligo sa resort ang last stop nila bago bumalik sa Maynila. Binili niya sa Rustan's ang neon green two-piece swimsuit na iyon para lang sa outing ng buong klase nila sa Mt. Makiling sa Laguna. At walang makaawat sa kanyang isuot iyon. Not even her mother. At ikinagagalak niyang napapayag niya ang mommy niya na huwag siyang i-chaperone sa outing na iyon. Lagi nang kumukuha ng atensiyon ang mommy niya mula sa mga classmate niyang boys.

Hindi naman niya masisisi ang mommy niya dahil bata pa naman ito at maganda ang hubog ng katawan na tila dalaga. And she was glad she inherited some of her mother's physical attributes. Iyon ay sa kabila ng petite siya. Samantalang ang mommy niya ay five foot and six inches tall.

Sabi ng mommy niya ay nagmana siya sa ama niya—ama na hindi siya nagkaroon ng pagkakataong makilala—sa height na hindi naman kataasan. Ganoon din ang kulay ng balat—na siya niyang naging kalamangan sa mommy niya. She was as fair as her mother was exotically dark.

"Sana'y i-confirm mong ikaw ang partner ko sa birthday party ni Charlotte, Mavs," ani Billy na umahon mula sa pool at tinabihan siya sa silyang bakal habang pinapatuyo niya ng tuwalya ang katawan.

"I am not thinking about it yet, Billy. That's still a week from today." Charlotte was Billy's younger sister and a schoolmate. Ang papa ng dalawa ay sa Malacañang nagtatrabaho at ang mommy naman ng mga ito ay executive sa bangko.

Karaniwan na ay tinatanggihan niya ang ganoong uri ng pagtitipon kasama ng mga anak-mayayamang mga classmate niya. Hindi dahil hindi niya gusto. Kundi iniiwasan niya ang mga tanong na: "Do I know your parents?", o di kaya ay, "Oh, saan nagtatrabaho ang mga magulang mo, hija?"

Sa panlabas na kaanyuan ay hindi niya ikinahihiya ang mother niya. Nerissa had a touch of class. Iyon ay sa kabila ng hindi ito nakatuntong ng kolehiyo. Her mother was also very expensive from head to foot in a very subtle way. Walang mag-iisip na hindi sila galing sa mariwasang angkan lalo at mamahalin ang paaralang pinapasukan niya at hatid-sundo siya ng ina sa isang mamahaling SUV. Pero lahat ng iyon ay pawang mga pakunwari lamang. Lahat ng karangyaang tinatamasa nila ay galing sa mga naging boyfriend ng mommy niya.

She bit her lip apprehensively. Sinulyapan si Billy na nakangiti at nakatitig sa kanya. She reminded him of her puppy at home. Of course at fifteen, she had crushes. Ang ilan doon ay crush din siya. Pero hindi niya magawang magpaligaw o imbitahin man lang sa kanila ang mga ito. Natatakot siyang matuklasan ng mga classmate niya ang totoo nilang buhay.

And her bitchy classmates had started to suspect that she was hiding something. Napabuntong-hininga siya at tumayo. "Punta lang ako sa kiosk, bibili ako ng soft drink."

"Sasamahan na kita, Mavs," masigasig na alok ng binatilyo at agad na tumayo mula sa upuang bakal.

"Thanks but no thanks, Billy. Tutuloy na rin ako sa shower room pagkatapos. Mag-aalas-singko na naman yata at malapit na rin tayong umuwi, 'di ba?"