✴ رهــينــة حـب ...💚(كرونيك باللهجة التونسية )

💜✴الحلقة الثانية ✴💜

💚✴💚✴💚✴

كان حاسس بعينيها اتبع فيه ، باش تاكلو اصل ، اما ماشلق بشي ، قعد يدور في الشومبر و كل مرة يفركس حاجة ، طاولة ، دبش ، فرش ، مخدة ، كل شي تقريبا طل عليه ،واخيرا قعد على الفرش مقابل ميسون " كنتو زوز مع بعضكم "

"كنا كل وحدة في بيتها ، اما من بعد  ما مرضت جيت حذاها اضمن باش ما ...."

"تنتحرش مرة اخرى "

"بالضبط "

"خممت اكيد "

"فاش "

فيلي مخبيتو علينا "

حمار وجها و بان العصب عليها "  نفكرك ايلي  اختي الضايعة ، اختي ، واضح ...و اذا فمة حاجة نعرفها تنفع مستحيل نخبيها "

"وممكن حاجة انت تتخيلها ماتنفعش وتكون هي انفع من كل شي" مال عليها" هاذي خدمتنا واحنا نقررو اذا تنفع اذا لا " غمزها ووقف خارج ، وين وصل لوطة لقى البو والام يستناو فيه " ليوم كملت ، اما جياتي لهوني باش تكثر لذا ، نحب الناس الكل موجودة و حد ما يغيب والا يخلق سبة " زاد في نبرتو باش صوتو يوصل لميسون 

شاور لرجالو باش يخرج ،نادالو البو بصوت مبحوح ، تلفتلو و هو عارف ايلي باش يعترفلو بحاجة ، باش تكون مفتاح  من مفاتح القضية

"اه سي لسعد...يظهرلي تفكرت حاجة موش هكا "

البو " مريم....كانت ....ومانعرفش كيفاش ، رغم انو ماكانش عندها اصحاب والا خلط ، مريم ..."

"ايه....شبيها مريم "

"كانت تتعاطى مخدرات "

الصدمة خلاتو يحبس ، والدنيا تدور بيه " مخدرات !؟ "

الام " بنتي خاتيها ...انا متأكدة ..هوما لزوها ...والا عدوها عليها و خلوها تولي مدمنة "

غمض عينو وهو موش مستوعب ، مريم العاقلة ، الحشامة تتعاطى !؟ فمة ان في الوسط.

💗❤💗❤💗❤

فارش اوراق قدامو ، مخنتب فيها ومفسخ و كل ورقة فيها شوية جمل موش كاملين ، وقف مقابلو حمزة " أقعد صديقي"

اتكى ع الكرسي والستيلو فيدو و ركز خزرتو عليه " توا لو نقولو مريم قررت تبعد و تهرب ، يا اما وحدها يا اما مع شكون ، يعني لازم تكون بطريقة اخرى غير تاليفون والا مساج مثلا ، تهز وثايقها، دبشها ، حاجات لازمين ، واذا معاها حد يايكون اصحاب و يا الاكس ، وحسب معرفتي في مريم مستحيل تهرب من دارهم "

استغرب حمزة " معرفتك ...كنت تعرفها"

يامن وهو شارد " ايه قرينا في نفس الفاك "