✴ رهــينــة حـب ...💚(كرونيك باللهجة التونسية )

🌺الحلقة السابعة والعشرون 🌺

                    💠💠💠❄❄❄💠💠💠

كلامها كان صحيح، رغم انو ماكانش محضر روحو باش يتناقش في الموضوع اما اكاهاو الى متى يتهربو منو خلي يفضوه فرد المرة

"ايه...معاك انا اخترت..اما اخترت الانسانة الغالطة ...وانت كنت تعرف وسكتت"

"كنت تنجم اتبع احساسك وقلبك اش يقلك وقتها ما كنتش تنجم تحصل الحصلة هاكي"

"لو انت حكيت ما كنتش نحصل"

"بربي....انت تتوقع مني انا نجيك نجري ونقلك يامن..انا ...."

"فوالا...ماكش منجمة تنطقها الكلمة...اصلا انت خايفة منها تقول باش تاكلك...باهي موش لازم تقلي ولا تصارحني ...ع الاقل عملت اي حاجة تخليني نراك...انا كل ما نتقرب منك تبعد...تحكيلي كان هاو كور هاو اوراق هاو طقس...اي ومن بعد "

"لو جيت انت جبدت موضوع يصلح كنت انا حكيت معاك  فيه "

"هي وعلاش قعدت ساكتة كي انا مشى في بالي نهاد هي مولات الكونت...الحكاية كارها وفات فم موش بعد خمسة سنين نفيق ايلي خطيبتي كاذبة عليا "

"،في بالي تحبها...كنتو مهبطين تصاوركم مبحرين مع بعضكم....وقتها كريت كل كمنتار مكتوب ...فرحانين بيكم كي وليتو مع بعضكم "

"رضيت تتعذب وحدك...و مارضيتش تواجهني...تخيل لو ما صارتلكش المشكلة متاع ابراهيم.... شنوة كان حالنا توا...كنت انا راقد على وذنيا و نهاد تلعب بينا كي الخاتم في يدها "

"نحب نسألك ...سؤال ديما في بالي ومالقيتش فرصة نسألو "

"وايلي هو "

"حبيتها نهاد ..."

"موش حب...شوف مريم ، فمة حاجات ت الف بيها تولي لازمة في حياتك هكا نهاد كانت...من يوم ليوم استانست بيها ...كنت نحس فمة حاجة بيناتنا موش راكبة ، مثلا قد ماهي مزيانة و مثقفة ما نجمتش نراها مرا نحس معاها اني راجل، كانت تحبني اي...و تجري في حظوظي اما...فمة بيناتنا حاجز "

"قلبك وجعك خاطر بعدت عليها "

"بالعكس...مانيش نادم...كنت ضايع وموش عارف شنوة نعمل بالضبط.... وكي سمعت ايلي قتلتهولك ...ساياي عرفت وتأكدت ايلي مانيش باش نندم"

خزرتلو بعينيها فيهم سؤال مانجمتش تنطقو ...اما هو فهمو ...من وقتاش مايفهمش عليها " إيه.....وبارشا....وماكش باش تسمعها مني الا  ما تنطق انت ...."

"شنوة باش ننطق "

"انت فاهمتني....وزيد نقلك...وانبهك...موش معناها قريت ايلي كتبتو باش تولي شادة عليها حاجة عبارة سيف على رقبتي...نفكرك انا زادا عندي حاجات عليك "