🐳☀☀🐳
خزرت للڨون و للبسة ، فمها محلول وعينيها حوالت " يااااسر يفتقو ....يستاهلو نكذب على أمي ونقلها شريتهم لمريم "
"ياسر عجبوني انا زادا.....ليوم يامن كان سيس معايا لدرجة ماتتصورش..عديت نهار معاه يااااسر مزيان ، ماكنتش نحلم اني نكون معاه هكاكا، قبل كنت متمنية خزرة منو ، تبسيمة فيه البركة ...ليوم هدايا و كلام وضحك ...إني نلعب بوكس حاجة كنت متمنيتها بارشا ، ليوم علمني بارشا حاجات ووعدني انو في الايامات الجاية يزيد يعلمني"
"انت تستاهل كل خير ...لازمك تفرح وترمي وراك كل شي خايب "
"فمة حاجات ماتتنساش...مثلا يامن...باش يعرس بنهاد...واذا نهاد تعرف ايلي انا ويامن ولينل اصحاب و نخرجو ساعات مع بعضنا ممكن تصير مشكلة معاه "
"ان شاء الله ...متمنية يقصها معاها...ماهيش متاعو جملة "
"يزي ميسون...نهاد تحب يامن كيف ما انا نحبو...و هاكي علاه عملت معايا الخايب ...ربي يهنيهم هذاكا اش نقول "
"باهي...كلم زاهر ...وقلو ايلي انت موش موافقة "
"توا روتار بارشا غدوة تو نكلمو ....حقا غدوة باش نشوفو "
"يا مااقليش الخاين "
"ههه...شقولك نشوفو "
"بربي ...تعرف رايي...بطبيعة شوفو ...وتو انا نسهل عملية الهروب من الحبس هذا"
"كان امك تسمع الا ما..."
"تجزرنا "
ضحكو الزوز مع بعضهم فرد وقت " هي ووين باش تتقابلو "
"يحبني نستناه في قهوة اسمها .....سيلينا"
"سيلينا ...تفتق القهوة...مشيتلها مرة انا والبنات ، تعرف اطلع لفوق ، هوكا كيف البرج من فم تشوف تونس كاملة اصل ...مناظر تشوفها تنسى روحك وتضيع"
"يعني لازم نمشي ونكتشف "
"وهو كذلك ...اما لازم تخلصني انت المرة هاذي"
"تعلف شكلاطة "
"لا من يامن الشكلاطة ...انت باش تعطيني سروالك النوار ايلي شراتهولك ماما...يفتق جاني قستو المرة ايلي فاتت "
"تقيسلي في دبشي....تتسمى سرقة راهو "
طلعتلها لسانها كي الصغار " يا السروال يا مافماش طلوع "
أنت تقرأ
✴ رهــينــة حـب ...💚(كرونيك باللهجة التونسية )
Action★الاسم "رهينة حب " ★ النوع " رومنسي ، اكشن ،غموض ،تشويق, اجتماعي ،عائلي ،بحث ..." ★الكاتبة "ň🅾d🅰 ★عدد الفصول " 33" سنة الانتاج "2018_2019" ★القصة " قضية اختفاء لبنية في ظروف غامضة ...تكشف بارشا مستور وبارشا حكايات مخبية 🔱 ...حب ....كره...غيرة...
