💠💠✴✴💠💠
دخلت للدار تعدات طول لبيتهم ، مالقاتش ميسون ، دبشها مطيش في البوبال وهي مافماش، سمعت صوت الماء يمشي عرفت ايلي هي في الدوش، تعرفو مليح الاحساس ايلي حاسة بيه توا ، تعدات بيه قبل
"ميسون...انت لداخل"
ماسمعت حتى جواب، خافت لا تعمل حاجة لروحها "ميسون جاوبني يعيش اختي"
باقي ماتردش عليها ،دقدقت الباب عليها "ميسون...ميسون تسمع فيا "
بعد شوية سمعت الماء يتقص ، و الباب تحل وخرجت ميسون وهي لابسة كاب "وي ...شبيك روحت بكري "
ااختها تحاول تخبي وجيعتها ، و دموعها امت مريم ما خلتلهاش فرصة , حضنتها طول وهي مبلولة ، عنقتها ميسون بقوة مستحقة لها الدفا ولها الحب متاع الاخت و الحنية متاعها "في بالي بكل شي ...انا معاك...ماتخافش"
بعدت شوية " كيفاش عرفت...حمزة حكالك موش هكا "
"بربي قلي شنوة كنت معملة .....تخبي...وتتحمل وحدك...ها الحمل الكل باش تنجمو...انا قبل قلت نعمل كيفك ...ونتحمل اما مانجمتش...وشفت اش صار فيا ...قد ماكنت قوية وليت ضعيفة...انت زادا مصيرك تولي هكا...انت لازم تشكي بيهم وانا معاك وايلي يصير خلي يصير"
"لا...موش توا "
"ميسون...."
"من غير ماتلح مريم."
"شكون ايلي قابلتو ليوم...هو واحد من الرجال هاذم "
"ايلي قابلتو مرا...وقتلك باش نعاود نفكلك يامن"
حلت فمها موش مصدقة "قابلت نهاد! وعلاه ماقتليش...راني مشيت معاك ...و ع الاقل وقت صارت الحكاية انا معاك وماخليتكش وحدك "
"مريم...نهاد ولات ماضي بالنسبة ليكم اكاهاو وفى"
"شقتلك ...شنوة حكات معاك...في بالها بايلي صار معاك "
"خليني نلبس...امان بدل الموضوع...نحب نفسخ نهار ليوم من حياتي"
💠✴💠✴💠
واقفة ع الشباك كيف العادة تتفرج، قهوتها بحذانا وشاردة ، نوقز تاليفونها وقت رات ايلي طالبها تربثت وماصدقتش،اكيد تحلم والا تتخيل ،هزت طول
"يااامن "
"لازمني نراك "
"انا...وتوا"
"اي توا ...اهبط تلقاني نستنى فيك "
"باهي اما..."
ماخلهاش تكمل تحكي وعلق ، قعدت مصدومة من الاول وبعد جرات تبدل في حوايجها ، حاولت تختار ازين لبسة وعملت مكياج يزيد يزينها ،رشات برفان باش تخلي ريحتها عندو يتفكرها بيها، فرحانة خاطر تفكرها بعد ها المدة الكل ، هبطتلو تجري ، لوجت عليه ،شافتو يهبط من الكرهبة و يوميلها بيدو ، زربت خطوتها ناحيتو ،ترمات عليه وحملتو وعطاتو بوستين "الحمد الله ريتك لاباس ...فرحت كي رجعت صحتك بخير "
أنت تقرأ
✴ رهــينــة حـب ...💚(كرونيك باللهجة التونسية )
Acción★الاسم "رهينة حب " ★ النوع " رومنسي ، اكشن ،غموض ،تشويق, اجتماعي ،عائلي ،بحث ..." ★الكاتبة "ň🅾d🅰 ★عدد الفصول " 33" سنة الانتاج "2018_2019" ★القصة " قضية اختفاء لبنية في ظروف غامضة ...تكشف بارشا مستور وبارشا حكايات مخبية 🔱 ...حب ....كره...غيرة...
