💛🌸🌸🌸💛
حكاتلو كل شيء من الاول للاخير ،شنوة عمل شنوة قال ، شنوة تصرفت شنوة حكات، وهو مركز معاها ، في كل كلمة مافلت شي ، دمو يغلي غليان لو جاء قدامو راهو فريكو من بعضو ، فسرتلو كل حاجة عملتها وكل كلمة قالتها" ما نجمتش نزيد نقعد معاه اكثر من هكاكا...خرجت وجيت طول لهوني"
"وعلاع ما كلمتنيش..نخلي كل شي ونجيك"
"خفت "
"خايفة مني"
"لا خفت تقلي ماني نبهتك اما انت ماسمعتنيش"
نوقز تاليفونو جبدو وخزر للنومرو من بعد وراه لمريم وهز " ألو "
"يامن ..شنوة صار معاك...امان طمني عرفت حاجة على مريم "
"ايه ...مريم في الحفظ والصون توا"
تنطرت واقفة " بالرسمي...الحمد الله ياربي"
خطفت التاليفون من يد بنتها " يامن...مريم لاباس عليها...شنوة صار معاها ...وين هي توا ...امان طمني عليها "
"هدي روحك مدام بنتك لاباس عليها"
"خليني نسمع صوتها ونطمن عليها "
جاء باش يعديهالها اما عي عملتلو براسها لا " هي توا تحب تقعد شوية وحدها متقلقة وماتحب تحكي مع حد ...اول ما تهدى نوعدك تكلمك "
"باهي ...خليها على عينك ...ماتغفلش عليها"
"،من غير ماتوصي"
"يامن"
"نعم مدام
"يعيش ولدي "
"ماعندي ماعملت "
علقت وعنقت ميسون بقوة " كلم بوك راهو لتوا في الشوارع قلو لقينا مريومة وهي لاباس "
خذى صوابعها بين يديه ،لقاهم صغار ورقاق "تعرف انت صفحة بيضاء تستاهل يكون معاك ملايكةيحمي البياض ، يحطك فوق جناحو ويطير بيك لسابع سماء، يحميك من كل شيطان ناويلك المضرة "
"ملايكة "
"ايه...ملايكة كيفك ...لا تخديم مخ لا كره ...لا حقد "
"يامز....زعمة ايلي صار معايا يخليني ورقة بيضاء"
مد يدو لوجها الصغرون " ايلي مايراكش ورقة بيضاء اعمى "
💛🌸🌸🌸💛
قدام الباب قاعدة. تستنى فيهم يخلطو ،بعد ماهدات و خلاها ترتاح شوية ، كلم ميسون وقلها باش يجيبها ، الكل يستنو فيها على اعصابهم ، آمنة وقفت في الباب وحطت كاب على اكتافها تستنى فيهم يطلو ، شافو ضوء كرهبة يامن يظهر اول النهج ومن بعد ياقف ، مااستنتهمش ومشاتلهم ووراها ميسون و لسعد، حللها الكرهبة وهبطها عنقتها امها والدموع خانقتها
أنت تقرأ
✴ رهــينــة حـب ...💚(كرونيك باللهجة التونسية )
Action★الاسم "رهينة حب " ★ النوع " رومنسي ، اكشن ،غموض ،تشويق, اجتماعي ،عائلي ،بحث ..." ★الكاتبة "ň🅾d🅰 ★عدد الفصول " 33" سنة الانتاج "2018_2019" ★القصة " قضية اختفاء لبنية في ظروف غامضة ...تكشف بارشا مستور وبارشا حكايات مخبية 🔱 ...حب ....كره...غيرة...
